যাত্রা 32:16 - Chakma Bible

¹⁶ সেই দ্বিবে অলঅ গোজেনর নিজো আদর্ কাম্‌, আর সিগুনো উগুরে কাবিনে লেখ্যে লেগাগান্অ তার্ অলঅ।

যাত্রা 32:16 ပူးပေါင်းရင်းမြစ်များ

ইয়োব 19:24

যুনি পাত্তরর্‌ ফলগত্‌ লুয়োর্‌ যন্ত্র আর সীজেলোই জিংকানিবর্‌ সিয়েন্‌ খোদাই গোজ্যে থেদঅ!

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 32:15

ইয়েন পরেদি মোশি সাক্ষ্য-আরুগ্ দ্বিবে আঢত্‌ গুরিনে মুড়োবোত্তুন্‌ তলেন্দি লামিলো। ফলক্ দ্বিবে মুজুঙেন্দি আর পিজেন্দি দ্বিকিত্তেদি লেগা এলঅ‌।

যাত্রা 32:17

যিহোশূয় মানুচ্চুনোর্‌ কিজিক্-কাজাক্ শুনিনে মোশিরে কলঅ, “তাম্বুলত্তুন্‌ যুদ্ধোর্‌ রঅ‌ শুনো যার্‌।”

যাত্রা 34:1

ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যাত্রা 34:4

মোশি সেক্কে পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর-আরুগ্ বানেই নেযেল আর লগেপ্রভুর উগুম্‌ মজিম্‌ বেন্যেপোত্যে সিনাই মুড়োবোত্‌ উদিলো। সেই দ্বিবে পাত্তর আরুগ্ তে আঢত্‌ গুরি নেযেল।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

২ করিন্হীয় 3:7

পাত্তরত্ লেগা যে বেবস্থাগানর্ ফলে মরণান্ এজে সেই বেবস্থাগান দিবার্ সময়োত্ গোজেনর্ মহিমাগান ফগদাং ওইয়্যে। সেক্কে মোশির মুয়োন্অ গোজেনর্ মহিমালোই জ্বোল্‌জোল্ল্যে ওইয়্যে। সেই জ্বোল্‌জোল্ল্যেগান যুনিয়ো লারে লারে কুমি যার্ তো ইস্রায়েলীগুনে মোশির মুয়ো ইন্দি রিনি চেই ন-পারন্।

দ্বি’লম্বর বিররণ 10:1

সে অক্তত্‌ লগেপ্রভু মরে কোইয়্যেদে, তুই দ্বিবে পাত্তর্‌ কাবিনে আগঅ পাত্তর্‌-আরুগ দ্বিবে ধোক্ক্যেন গুরি নেযা আর মুড়োবো উগুরে মইদু উদি আয়। সে লগে তক্তার্‌ এক্কো সুন্দুক্অ বানেই নেযেচ্‌।

দ্বি’লম্বর বিররণ 9:15

ইয়েনর্ পরেন্দি মুই মুড়োবোত্তুন্‌ লামি এলুং; সেক্কেয়ো মুড়োবোত্‌ আগুন্‌ জ্বলের, আর মর্‌ আদত্‌ এলদে বেবস্থা লেখ্যে সেই দ্বিবে আরুগ।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।