যাত্রা 31:6 - Chakma Bible

⁶ ইয়েনি বাদে তারে এজাল্‌ দিবাত্যে মুই দান-গুট্টির অহীষামকর্‌ পূঅ অহলীয়াবকরেয়ো বেঈ লোইয়োং। যিদুক্কুন কাবিল্ কালিগরে এই কামানি গুরিবাক্ তারারেয়ো মুই এমন্‌ জ্ঞান দিইনে রাগেয়োং যেনে তরে দিয়্যে মর্‌ উগুম্‌ মজিম্ তারা বেক্‌ জিনিস্‌ছানি বানেই পারিবাক্। এই জিনিস্‌ছানি অলঅ‌:

যাত্রা 31:6 ပူးပေါင်းရင်းမြစ်များ

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

যাত্রা 28:3

মুই যিদুক্কুন্‌ কাবিল্‌ কালিগররে জ্ঞানদানগোজ্যে পবিত্র আত্মালোই পূরোণ গুরি রাগেয়োং, তুই তারারে কোইদে যেনে তারা হারোণত্তে এমন্‌ একবাবোত্যে পোজাক্‌ বানান্‌ যিয়েনে তারে ধর্মগুরু ইজেবে মরে সেবা গুরিবার্‌ নাঙে যুদো গুরি রাগেব।

যাত্রা 31:5

মংগা মংগা পাত্তর্‌ কাবিনে আর বোজেই পারিবো আর তক্তার্‌ আর অন্য নানান্‌ বাবোত্যে আদর্‌ কাম্‌‌অ‌ গুরি পারিবো।

যাত্রা 35:10

“তমা ভিদিরে যিগুনে কাবিল্‌ কালিগর তারা এইনে লগেপ্রভু যিয়েনি উগুম্‌ গোজ্যে সিয়েনি বানেবাক্‌।”

যাত্রা 35:34

ইয়েন বাদে অন্যগুনোরে এই বেক্‌ কামানি শিগেবার্‌ খেমতায়ো লগেপ্রভু বৎসলেলরে আর দান-গুট্টির অহীষামকর পূঅ অহলীয়াবরে দিলো।

যাত্রা 35:35

তে তারারে নানান্‌ বাবোত্যে আঢর্‌ কাম্‌, য়েল্, বিগুনি আর রাঙা রঙয়র্‌ সুদো আর মসীনা সুদোলোই সিলেইনে আড়ুক্‌ তুলিবার্‌ কাম্‌ আর তাদ কাম্‌ গুরিবার্‌ খেমতা দিলো। তারা নানান্‌ বাবোত্যে আঢ কাম্‌ গুরি পারিবাক্‌ আর নিজোর্‌ মনত্তুন্‌ নানান্‌ বাবোত্যে আড়ুক্‌অ বানেই পারিবাক্‌।

যাত্রা 35:4

মোশি ইস্রায়েলীয়গুনোরে কলঅ, লগেপ্রভু উগুম্‌ গোজ্যেদে যেন তমাত্তুন যিয়েনি আঘে সিয়েনিত্তুন্‌ তা নাঙে তুমি ভোক্তি-বক্‌শিজ্ আনঅ‌। যিগুনে নিজোর্‌ আওজে দিবাত্তে চান্‌ তারা লগেপ্রভুত্তে এই বেক্‌ জিনিস্‌ছানি আনিবাক্‌: সনা, রূবো আর পিদোল;

যাত্রা 36:8

যিগুনে কাম্‌ গোজ্যন্‌ সিগুনোত্তুন কাবিল্‌ কালিগরুনে পাগেয়্যে মসীনা সুদো আর য়েল্, বিগুনি আর রাঙা রঙয়র্‌ সুদোলোই বানেয়্যে দশ কট্টা কাবড় দিইনে থেবার্‌-তাম্বুলান্‌ বানেলাক্‌। কাবিল্‌ কালিগরলোই সিয়েনি ভিদিরে করূব্‌পুনোর্‌ ফোটুগুন্‌ বুনিলাক্‌।

যাত্রা 38:23

বৎসলেলরে এজাল্‌ দিয়্যেদে দান-গুট্টির্‌ অহীষামকর পূঅ অহলীয়াবে। তে অলদে আঢর্‌ কাম্‌ আর আড়ুক্‌ বানেবার্‌ কামত্‌ কাবিল্‌। ইয়েনবাদে তে য়েল্, বিগুনি আর রাঙা রংয়র্‌ সুদো আর মসীনা সুদোলোই নক্‌শা তুলিবার্ কামদ্‌অ কাবিল্‌ এলঅ।

যাত্রা 6:26

এই হারোণ আর মোশিরে লগেপ্রভু কোইয়্যেদে যেনে তারা সৈন্যগুনো ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনন্‌।

লূকে লেখ্যে গম্ হবর্ 10:1

ইয়েনর্ পরেদি প্রভু যীশু আরঅ সত্তুর্‌জন শিচ্চ্যরে প্রচারত্ পাধেবাত্তে বেঈ নেযেল। তে নিজে যে আদামত্ আর যে জাগাত্ যেবঅ বিলি ঠিগ্ গোজ্যে সেই বেক্ জাগানিত্ যেবার্ আগেদি শিচ্চ্যগুনোরে দ্বিজন্ দ্বিজন্ গুরি পাধেই দিলো।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।