যাত্রা 31:18 - Chakma Bible

¹⁸ সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 31:18 ပူးပေါင်းရင်းမြစ်များ

২ রাজাবলী 11:12

সেক্কে যিহোয়াদা রাজার পুয়োবোরে নিগিলেই আনিনে তা মাদাবোত্‌ মুকুট পিনে দিইনে তা আঢত্‌ সুদোমর্‌ বইবো দিলো। তারা তারে রাজা ইজেবে অভিষেগ্ গুরিলাক্‌ আর মানুচ্চুনে আত্‌তালি দিইনে রঅ ছাড়িনে কলাক্‌, “রাজা জনম্মো বাঁজি থোক্‌।”

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যাত্রা 24:18

মুড়োবো বেঈ উদদে উদদে মোশি সেই মেঘ ভিদিরে সোমেলগোই। তে চোল্লিশ্‌ দিন আর চোল্লিশ্‌ রেত্‌ সং সেই মুড়োবোত্‌ রলঅ‌।

যাত্রা 8:19

এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

মথি লেখ্যে গম্ হবর্ 12:28

না, ইবে বেল্‌‌‌সবূলে নয়, মাত্তর্ গোজেনর্ আত্মা, যিবে মরে অসিজি আত্মাগুনোরে ধাবেবার্ খেমতা দিয়্যে, যিয়েন প্রমাণ ওইয়্যে যে গোজেন রেজ্যগান দঅ তমা কায়কুরে লুম্মেগি।

লূকে লেখ্যে গম্ হবর্ 11:20

না, ইয়েন বরং মুই যুনি গোজেন খেমতালোই অসিজি আত্মা আর ইয়েন প্রমান ওইয়্যেদে যে গোজেন রেজ্যগান দঅ তমা কায়কুরে এইচ্চ্যে।

২ করিন্হীয় 3:3

তুমিই যে খ্রীষ্টর্ লেগা চিধি আর আমার্ কামর ফল সিয়েন গমেডালে দেগা যার্। এ চিধি কালিলোই লেগা ন-অয় বরং জেদা গোজেনর্ আত্মালোই লেগা ওইয়্যে। ইয়েন কনঅ পাত্তর্ আরুগ্ উগুরে লেগা ন-অয়, মান্‌জ্যর রিবেঙ উগুরে লেগা ওইয়্যে।

দ্বি’লম্বর বিররণ 10:4

লগেপ্রভু পত্তম দ্বিবে সীলপাদ উগুরে যে কধানি লেখ্যে এ দ্বিবে উগুরেয়ো সিয়েনি লিগিনে দ্বিবে সীলপাদ্ মরে দিলো। সে কধাগানি অলঅ তার্‌ সেই দশ্‌ছান উগুম্‌ যিয়েনি তে তমার বেক্কুনোরে একসমারে এগত্তর্‌ অবার্‌ দিন্নোত্‌ মুড়োবো উগুরে আগুনো ভিদিরেত্তুন্‌ তমা ইদু ফগদাং গোজ্যং।

দ্বি’লম্বর বিররণ 4:13

তে তমা ইদু তার্‌ সুদোম, অত্তাৎ তার্‌ দশছান উগুম ফগদাং গোজ্যে। তে সেই দশছান উগুম্‌ তমারে মানিনে চলিবাত্তে কোইয়্যে আর সিয়েনি দ্বিবে পাত্তরর্‌ আরুগ্ উগুরে লিগি দিয়্যে।

দ্বি’লম্বর বিররণ 5:22

সে মুড়োবো উগুরে আগুন, মেঘ আর ঘুর্‌গুজ্যে আন্ধার ভিদিরেত্তুন্‌ লগেপ্রভু এ উগুমানি তমা বেক্কুনো ইদু রঅ ছাড়িনে ফগদাং গোজ্যে। ইয়েনি বাদে তে তমা ইদু আর কিজু ন-কয়। পরেদি তে সিয়েনি দ্বিবে পাত্তর আরুগো উগুরে লিগিনে মইদু দিলো।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।