যাত্রা 30:30 - Chakma Bible

³⁰ “হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারারে অভিষেক গুরিনেই মঅ নাঙে ফারক্‌ গুরি নেযেবে।

যাত্রা 30:30 ပူးပေါင်းရင်းမြစ်များ

গীতসংহিতা 133:2

সিয়েন যেন মাঢাত্ ঢালি দিয়্যে মংগা তেল্ যিয়েন ঝুরি পুরিনে হারোণর দাড়িনি বেই যেইনে, বেই পোজ্যেগোই তা সিলুম কলার উগুরে।

যাত্রা 28:3

মুই যিদুক্কুন্‌ কাবিল্‌ কালিগররে জ্ঞানদানগোজ্যে পবিত্র আত্মালোই পূরোণ গুরি রাগেয়োং, তুই তারারে কোইদে যেনে তারা হারোণত্তে এমন্‌ একবাবোত্যে পোজাক্‌ বানান্‌ যিয়েনে তারে ধর্মগুরু ইজেবে মরে সেবা গুরিবার্‌ নাঙে যুদো গুরি রাগেব।

যাত্রা 28:41

তর্‌ ভেই হারোণ আর তার্‌ পূঅগুনোর্‌ এই বেক্‌ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্‌ নাঙে তুই তারারে ফারক্‌ গুরি নেযেবে যেনে তারা ধর্মগুরু ওইনে মরে সেবা গুরি পারন।

যাত্রা 30:29

সেক্কে সিগুন্‌ দাঙর্‌ পবিত্র জিনিস অবাক্। তার্‌ বাযানাগান্দোই যিয়েনি এবঅ‌ সিয়েনি মর্‌ নাঙে যুদো উয়ো পুরিবো।

যাত্রা 30:31

তুই ইস্রায়েলীয়গুনোরে জানেই দিবে, বংশর্‌ পর্‌ বংশ ধুরিনে ইয়েনোই অবঅ‌ তারার্‌ পবিত্র অভিষেক-তেল।

যাত্রা 40:15

সে পরেদি তারার বাব্‌‌পো ধোক্ক্যেন গুরি তারারেয়ো অভিষেগ গুরিবে যেনে তারা ধর্মগুরু ওইনে মরে সেবা গুরি পারন। এই অভিষেক্কান্দোই‌ যে ধর্মগুরু-পদর সৃট্টি অবঅ‌ সিয়েন বংশর পর বংশ ধুরিনে থেবঅ।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 8:12

পরেদি তে অভিষেগ-তেলান কিজু লোইনে হারোণর্‌ মাদা উগুরে ঢালি দিইনে তারে লগেপ্রভুর্ নাঙে ফারক গুরিবাত্তে অভিষেগ গুরিলো।

লেবীয় 8:30

ইয়েনর্ পরেদি মোশি কিজু অভিষেগর্‌ তেল্‌ আর পূজোত্তুন্‌ কিজু লো নেযেইনে হারোণ আর তার্‌ পূঅগুনো উগুরে আর তারার্‌ পোজাগ উগুরে ছিদি দিলো। ইঙিরিনে হারোণ আর তার্‌ পূঅগুনোরে আর তারার্‌ পোজাক্কানি লগেপ্রভুর্ নাঙে যুদো গরা অলঅ।