যাত্রা 30:18 - Chakma Bible

¹⁸ “আত্‌-টেং ধবাত্তেই পিদোল্লোই এক্কো গাবালা আর সিবে বোজেবাত্তে পিদোলর্‌ এক্কো আসন বানা পুরিবো। মিলন-তাম্বুলান আর ডালিপূজোবোর্‌ সংমোধ্যে জাগানত্‌ সিবে বোজেইনে সিবে ভিদিরে পানি রাগেবে।

যাত্রা 30:18 ပူးပေါင်းရင်းမြစ်များ

১ রাজাবলী 7:23

সে পরেন্দি হীরামে পিদল গোলেইনে ঢাল্যে পানি রাগেবাত্তে ইক্কো গুল্‌গুরি দাঙর পিলে বানেল। পিলেবোর এক ডাগেত্তুন্‌ সোজাসুজি অন্যডাগন্দি মাপ এলদে দশ আত্, গভীন্‌ পাচ্ আত্‌ আর বেড়েয়্যেগুরি চেরোকিত্তে মাপ্পো তিরিশ আত্।

১ রাজাবলী 7:38

তে পত্তি বাক্‌সুত্তে ইক্কো গুরিনে পিদোল দশছুয়ো গাবালা বানেল। পত্তি গাবালার বেড়্ এলদে চের্‌ আত্‌ আর সিয়োত্‌ আস্‌তোশ আশি লিটার পানি আদিদো।

২ বংশধর 4:2

সে পরেন্দি তে পিদোল্‌ ছাজিচাজাই ঢালিনে পানি রাগেবাত্তে এক্কো গুল্‌ গুরিনে দাঙর্‌ পিলে বানেল। পিলেবোর এক কিত্তেত্তুন্‌ সোজাসুজি অন্য কিত্তেন্দি মাপ্পো এলদে দশ আত্‌, গভীনান্‌ পাচ্ আত্‌ আর ডাক্ক্যে চেরোকিত্তে মাবে ত্রিশ আত্‌।

২ বংশধর 4:6

তে দোশ্‌‍চুয়ো গাবালা বানেল আর পাচ্‌ছুয়ো রাগেল দোগিণেন্দি আর পাচছুয়ো রাগেল উত্তোরেন্দি। সিগুনো ভিদিরে পূজ্যে-উৎসর্বর জিনিসছানি ধুয়োদাক্‌, মাত্তর্‌ ধর্মগুরুগুনে নিজোর্‌ আত্‌-টেঙানি ধুয়োনার্‌ কামত্‌ বেবহার গুরিদাক্‌ দাঙর্‌ পিলেবো।

যাত্রা 30:17

সে পরেদি লগেপ্রভু মোশিরে কলঅ‌,

যাত্রা 31:9

পুজ্যে-উৎসর্বর্ পূজো আর সিবের বাজোন্-কদরা, গাবালা আর সিয়েনি বোজেবার্‌ আসন আর ধর্মগুরুগুনোর্‌ কামত্তে ধর্মগুরু হারোণত্তে বুন্যে পবিত্র পোজাক্‌ আর তার্‌ পূঅগুনোর্‌ পোজাক্‌।

যাত্রা 38:8

পিদোল্লোই এক্কো গাবালা বানা অলঅ‌। যিদুক্কুন্‌ মিলে সেবা-কামত্তেই মিলন-তাম্বুলর্‌ দোরান ইদু এদাক্‌ তারার্‌ পিদোলর্‌ আনালোই সেই গাবালাবো আর তার্‌ আসনান্‌ বানা অলঅ।

যাত্রা 40:7

এই ডালিঘরান আর মিলন-তাম্বুলর্‌ মোধ্যে জাগানত্‌ গাবালাবো রাগেনে সিয়োত্‌ পানি রাগেবে।

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

লেবীয় 8:11

সে তেলান কিজু নেযেইনে তে পূজোবো উগুরে সাতবার্ ছিদি দিলো। সে তেলান দিইনে তে পূজোবো আর তার্‌ বেক্‌ বাজোন-কদরা আর আসন সুদ্ধো গাবালাবো লগেপ্রভুর্ নাঙে যুদো গুরি নিলো।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।