যাত্রা 3:7 - Chakma Bible

⁷ লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:7 ပူးပေါင်းရင်းမြစ်များ

পত্থম 16:11

তে তারে আরঅ কলঅ, “চাহ্‌, তুই পিদিলী ওইয়োচ্‌। তর্‌ এক্কো পুয়ো অবঅ। আর সে পুয়োবোর নাঙান্‌ তুই ইশ্মায়েল (যিয়েনর্‌ ভেদ্‌তান্ ‘গোজেনে শুনে’) রাগেবে, কিত্তে তর্‌ দুঘোর্‌ কানানিগান লগেপ্রভু কান্‌ পাত্যে।

পত্থম 18:21

সেনত্তে মুই ইক্কিনে তলেদি যেইনে চেবাত্তে চাং, তারা যিয়েনি গোজ্যন্‌ বিলি শুন্যং সিয়েনি হামাক্কায় এদক্‌ ভান্ন্যেই নাকি। আর যুদি সিয়েনি ন অয়্‌ সিয়েনঅ মুই জানি পারিম্‌।”

পত্থম 21:17

মাত্তর্‌ পুয়োবোর্‌ কানানিগান গোজেন কানত্‌ যেইনে লুমিলোগোই। সেক্কে গোজেন দূত্তো স্বর্গত্তুন্‌ হাগাররে ডাগিনে কলঅ, “হাগার, তর্‌ কি ওইয়্যে? ন-দোরেচ্‌, কিত্তে পুয়োবো যিয়েনত্‌ আঘে সিয়েনত্তুন্‌ তা কানানিগান গোজেন কানত্‌ যেইনে লুম্মেগোই।

পত্থম 29:32

লেয়া পিদিলী অলঅ আর তার্‌ এক্কো পুয়ো অলঅ। তে পুয়োবো নাঙান্‌ রাগেল রূবেণ (যিয়েনর্ ভেদ্‌তান্ “উইয়ো চাহ্, এক্কো পুয়ো”), কিত্তে তে কোইয়্যেদে “লগেপ্রভু মঅ দুঃখান্‌ দেক্ক্যে, সেনত্তে ইক্কুনিত্তুন্‌ ধুরি মঅ নেক্কো হামাক্কায়্‌ মরে কোচ্‌পেবঅ।”

পত্থম 31:12

তে কলঅ, তুই রিনি চাহ্, পাদিছাগলুনো উগুরে যিদুক্কুন ছাগল উদদন্ সিগুন্‌ চিদিরে-বদরা দাগ্‌ আর দাঙর্‌ আহ্ চিগোন্‌ চিগোন্‌ দাগর্‌। লাবনে তঅ উগুরে যিয়েনি গোজ্যে সিয়েনি বেক্কানি মুই দেখ্যং।

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

২ শমূয়েল 22:28

তুই দুখীগুনোরে রোক্ষ্যে গুরি থাচ্‌, আর বার্বোগুনোরে তলেন্দি লামেবাত্তে তঅ চোক্কুন্‌ তারার্‌ ইন্দি আঘে।

২ রাজাবলী 13:4

ইয়েন পরেন্দি যিহোয়াহসে লগেপ্রভুর ইদু কোজোলি গুরিলো আর লগেপ্রভু তা কধানি শুনিলো, কিত্তে অরামর রাজা জদবদেগুরিনে ইস্রায়েলর উগুরে যে অত্যেচারানি গোজ্যে সিয়েনি তে দেখ্যে।

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

নহিমিয় 9:9

মিসর দেজত্‌ আমা পূরোণিমানুচ্চুনোর্‌ দুখ্‌কানি তুই দেখ্যস্‌; লোহিত সাগরর্‌ পারত্‌ তারার্‌ কানানিগানি তুই শুন্যস্‌।

গীতসংহিতা 106:44

তো তে তারার কানানিগানি শুনিনে তারান্দি ফিরি চেলঅ।

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 145:19

যিগুনে তারে ভোক্তিগুরিনে দরান্ তারার মন আওজ্‌চানি তে পুরেই দে; সাহায্যত্তে তারার কানানিগানি শুনিনে তে তারারে রোক্ক্যে গরে।

গীতসংহিতা 22:24

দুখিগুনোর দুখ্ দেগিনে তারে তে তুচ্ছো বা এলাফেলা ন-গরে; তে তাত্তুন্ নিজোর্ মুয়োন্ ন-ফিরেই, বরং বল্ পেবাত্তে তে তার্ কোজোলীগান শুন্যে।

গীতসংহিতা 34:4

মুই লগেপ্রভুরে ডাগিলুং, তে মঅ ডাগনিলোই ইজিরে দিলো; মর্ বেক্ দর্‌বুগোত্তুন তে মরে উদ্ধোর্ গুরিলো।

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

গীতসংহিতা 35:22

ও লগেপ্রভু, তুই ইয়েনি দেগেয়োচ্, তুই জুরো গুরি ন-থেচ্; ও প্রভু, তুই মর্ কায় কুরে থাগ্।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 1:8

পরেদি এক সময়োত্‌ মিসর দেজর্‌ বেক্‌ খেমতাগান এন্‌ এক্কো নূয়ো রাজার্ আঢত্‌ গেলঅ যিবে যোষেফ পৌইদ্যেনে কিচ্চু হবর্‌ ন পেদঅ।

যাত্রা 22:23

যুনি সিয়েন গরঅ‌ আর তে মইদু এইনে কানে সালে হামাক্কায়্‌ মুই তার্‌ কানানিগান শুনিম।

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যাত্রা 5:10

সেক্কে চাগরুনো উগুরে কাম্-দিয়্যে অত্যেচারী সদ্দারুনে আর ইস্রায়েলীয় পরিচালক্কুনে বারেদি যেইনে মানুচ্চুনোরে কলাক্, “ফরৌণে কত্তে, তে আর্ তমারে দার্‌বো যুগেই ন-দিবো।

যাত্রা 5:6

ফরৌণে সেদিন্যে চাগরুনো উগুরে কাম দিয়্যে অত্যেচারী সদ্দারুনোরে আর ইস্রায়েলীয় পরিচালক্কুনোরে এ উগুমান্‌ দিলো,

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

১ শমূয়েল 9:16

“এযেত্যেকেল্যে এই সময়োত্‌ মুই বিন্যামীন-গুট্টির বামত্‌ এক্কো মান্‌জ্যরে তইদু পাদেম্‌। মর্‌ মানুচ্চুনোর, অত্তাৎ ইস্রায়েলীয়গুনোর নেতা অবাত্তে তুই তারে অভিষেগ্ গুরিবে। পলেষ্টীয়গুনোর আঢত্তুন্‌ তেয়ই মর্‌ মানুচ্চুনোরে উদ্ধোর গুরিবো। মর্‌ মানুচ্চুনোর ইন্দি মুই মনযোগ দুয়োং, কিত্যে তারার কানানিগানি মর্‌ কানত্‌ এইনে লুম্মেগি।”