যাত্রা 3:19 - Chakma Bible

¹⁹ মুই হবর্‌ পাং দরমর আদত্‌ পুড়িলেয়ো মিসর রাজাবো তমারে যেবাত্তে ন-দিবো।

যাত্রা 3:19 ပူးပေါင်းရင်းမြစ်များ

যাত্রা 10:20

মাত্তর্‌ লগেপ্রভু ফরৌণ মনান্‌ দরঅ গুরি দিলো; তে ইস্রায়েলীয়গুনোরে যেবাত্তে ন-দিলো।

যাত্রা 11:10

এ আমক্‌ অবার কামানি মোশি আর হারোণে ফরৌণ মুজুঙোত্‌ গুরিলাক্, মাত্তর্‌ লগেপ্রভু ফরৌণ মনান্‌ দর গুরি দিলো বিলিনে তে তার্‌ দেজছানত্তুন্‌ ইস্রায়েলীয়গুনোরে যেবাত্তে ন-দিলো।

যাত্রা 11:9

লগেপ্রভু মোশিরে কোইয়্যেদে, “মিসর দেজত্‌ মর্‌ আমক্‌ অবার্‌ কামানি যেনে বেশ্ অয় সেনত্যে ফরৌণে তঅ কধা ন-শুনিবো।”

যাত্রা 13:15

ফরৌণে একগেয়েমি গুরি যেক্কে আমারে এবাত্তে ন-দের্‌ সেক্কে লগেপ্রভু মিসর দেজর্‌ মানেই আর য়েমানর্‌ পত্তি পত্তম মরদ পূয়োবোরে মারে ফেলেয়্যে। সেনত্তে মুই মর্‌ য়েমানুনোর্‌ পত্তি পত্তম চেলা ছঅবোরে লগেপ্রভুর্‌ নাঙে উৎসর্ব গরঙর্‌ আর মর্‌ পত্তম পূয়োবোরে ছাড়েই নেযাঙর্।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

যাত্রা 6:1

লগেপ্রভু মোশিরে কলঅ, “তুই দেগিবে, ফরৌণরে এবারত্‌ মুই কি গরঙ্‌। মর্‌ দরমর আঢত্‌ পড়িনে সেই মানুচ্চুনোরে ইরি দিবো। অয়, মর্‌ দরমর আঢত্‌ পড়িনে তে তা দেজত্তুন্‌ তারারে ধাবেইনে নিগিলেই দিবো।”

যাত্রা 8:28

ফরৌণে কলঅ, “তমা গোজেন লগেপ্রভুর্‌ নাঙে য়েমান্‌ উৎসর্ব গুরিবাত্তে মুই ধূল্যেচর-চাগালাত্‌ তমারে যেবাত্তে দিম্‌। মাত্তর্‌ তুমি বেশ্‌ দূরোত্‌ ন-যেবা। এবেরা তুমি মত্তে কোজোলী গরঅ।”

যাত্রা 9:35

লগেপ্রভু মোশিরে দিইনে যিয়েনি কোইয়্যে সেবাবোত্যে ফরৌণ মনান্‌ দরঅ ওই রোইয়্যে; তে ইস্রায়েলীয়গুনোরে যেবাত্তে ন-দিলো।

যাত্রা 9:7

ফরৌণে মানুচ্‌ পাধেইনে হবর্‌ নিইনে জানি পারিলো, ইস্রায়েলীয়গুনোর্‌ এক্কো য়েমান্অ ন-মরন্‌। তো ফরৌণ মনান্‌ দরঅ ওই রলঅ; তে মানুচ্চুনোরে যেবাত্তে ন-দিলো।