যাত্রা 3:16 - Chakma Bible

¹⁶ তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 3:16 ပူးပေါင်းရင်းမြစ်များ

পত্থম 1:7

এধোক্ক্যেনগুরি গোজেনে পানিগান ভিদিরে এক্কান ফারক্‌ জাগার সৃট্টি গুরিলো আরঅ তলে-উগুরে পানিগান ফারক্‌ গুরিলো। সেক্কে উগুরে পানিগান আর তলে পানিগান ফারক্ ওই গেলঅ।

পত্থম 21:1

লগেপ্রভু তা কধা মজিম্‌ সারা ইন্দি মনযোগ দিলো আর তে তাত্তে যিয়েনি গুরিবো বিলি এগেম্ গোজ্যে সিয়েনি গুরিলো।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 48:15

সে পরেদি তে যোষেফরে বর্ দিইনে কলঅ, “সেই গোজেন, যিবের মনে মন্‌‌জক্কাগুরি মর্‌ পূরোণি মানুজ্‌ অব্রাহাম আর ইস্‌হাকে চলিদো, মঅ জীংকানির্‌ পোইল্যেত্তুন্‌ ধুরি এচ্চ্যে সং যিবে মরে য়েমান্‌ চোড়েয়্যে ধোক্ক্যেন পালেই এজের্‌,

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

গীতসংহিতা 102:21

সেনে যেক্কেনে অন্য বেক জাদ্‌তুনে আর রেজ্যগানিয়ে লগেপ্রভুর সেবা গুরিবাত্তে একসমারে এগত্তর্ অবাক্, সেক্কেনে লগেপ্রভুর নাঙান সিয়োনত্ ফগদাঙ্ গরা অবঅ, যিরুশালেমত তার বাঈনী গরানার্ কধা ফগদাঙ্ গরা অবঅ।

গীতসংহিতা 33:18

মাত্তর্ লগেপ্রভু উগুরে যিগুনোর ভক্তিবলা দর্ আঘে, যিগুনে তার্ অমকদ কোচ্‌পানাগান উগুরে আজা রাগান্, তারার্ উগুরে তার খিয়েল্ আঘে;

গীতসংহিতা 8:4

সেক্কে মনে গরং, মানুচ্ এমন্ কি যে, তুই সে পৌইদ্যেনে মাধা গামাচ্? মানজ্যর্ পুয়োগুনেয়ো বা কি, তুই তারান্দি মনযোগ্ দুয়োচ্?

যাত্রা 1:8

পরেদি এক সময়োত্‌ মিসর দেজর্‌ বেক্‌ খেমতাগান এন্‌ এক্কো নূয়ো রাজার্ আঢত্‌ গেলঅ যিবে যোষেফ পৌইদ্যেনে কিচ্চু হবর্‌ ন পেদঅ।

যাত্রা 13:19

মোশি যোষেফ আড়ুন্ লগেগুরি নেযেল, কিত্তে এ পৌইদ্যেনে যোষেফে ইস্রায়েলীয়গুনোরে শমক্‌ খাবেয়্যে। তে কোইয়্যেদে, “গোজেনে হামাক্কায়্‌ তমারে দেগাশুনো গুরিবো। ইয়োত্তুন্‌ যেবার্‌ সময়োত্‌ তুমি মর্‌ আড়ুন্‌ তুলিনে লগে গুরি নেযেয়ো।”

যাত্রা 15:14

সেই কধানি শুনিনেই অন্য জাদ্‌তুনে জদবদে দরে গির্‌গিরেবাক্‌, আর পলেষ্টীয়গুনোর্‌ মনানি অমহদ দুগে নরম্‌ অবঅ‌।

যাত্রা 17:5

সেক্কে লগেপ্রভু মোশিরে কলঅ‌, “ইস্রায়েলীয়গুনোর্‌ কয়েকজন বুড়ো নেতারে লগে নেযেনে তুই মানুচ্চুনোর্‌ আগেদি আদি যাহ্। যে লুদিক্কোলোই‌ তুই নীল গাঙানরে আঘাত্‌ গোজ্যস্‌ সিবে আদত্‌ লোইনে উজেই যাহ্।

যাত্রা 18:12

ইয়েনর্ পরেদি যিথ্রো গোজেনর্ নাঙে পুজ্যে-উৎসর্ব আর অন্য উৎসর্বত্তে য়েমান্‌ আনিল। পরেদি হারোণ আর ইস্রায়েলীয়গুনোর্‌ বেক্‌ বুড়ো মাই-মুরুব্বীগুনে গোজেন মুজুঙোত্‌ মোশি শুয়োর্‌বো লগে হেবাত্তে বজিলাক্।

যাত্রা 2:25

তে ইস্রায়েলীয়গুনো ইন্দি রিনি চেলঅ আর তারার্ ইন্দি মনযোগ দিলো।

যাত্রা 24:11

ইস্রায়েলীয়গুনোর্‌ এই বেক্‌ মাই-মুরুব্বীগুনে যুনিয়ো গোজেনরে দেগিলাক্‌ তো তে তারারে মারে ন-ফেলেল। তারা তারে দেগিলাক্ আর হানা-দানা গুরিলাক্।

যাত্রা 3:2

সিয়েনত্‌ এক্কো ঝুবো সেরেত্তুন্‌ জ্বোল্‌জোল্যে আগুনো ভিদিরেত্তুন্‌ লগেপ্রভুর্‌ দূত্‌তো তাল্লোই দেগা দিলো। মোশি দেগিলোদে, ঝুপ্পোত্‌ আগুন জুলিলেয়ো সিবে পুড়ি ন-যার্‌।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যাত্রা 4:1

এ কধাগানর্‌ জোবত্‌ মোশি কলঅ, “মাত্তর্‌ যুদি ইস্রায়েলীয়গুনে মরে বিশ্বেজ্ ন-গরন আর মঅ কধানি ন-শুনোন্? তারা দঅ কোই পারিদাক্, ‘না, লগেপ্রভু তরে দেগা নঅ-দে।’”

যাত্রা 4:29

সে পরেদি মোশি আর হারোণে মিসর দেজত্‌ যেইনে বেক্‌ ইস্রায়েলীয় বুড়ো নেতাগুনোরে একলগে এগত্তর্‌ গুরিলাক্।

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

যাত্রা 4:5

সে পরেদি লগেপ্রভু কলঅ, “তুই ইয়েন গুরিবে যেনে তারা বিশ্বেজ্ গরন্‌, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু ঘেচ্চেক্‌গুরি তরে দেগা দিয়্যে।”

মথি লেখ্যে গম্ হবর্ 26:3

সেই সময়োত্ দাঙর্ ধর্মগুরু কাইয়াফার ঘরত্ আজল্ ধর্মগুরুগুনে আর যিহূদীগুনোর্ বুড়ো নেতাগুনে এগত্তর্ অলাক্ আর যীশুরে গোপনে ধুরি আনিনে মারে ফেলেবার্ কুজুরোমি গুরিলাক্।

লূকে লেখ্যে গম্ হবর্ 1:68

“ইস্রায়েলর প্রভু গোজেনরে নাঙ্ গিনে ওক্, কিয়া তে তার্ নিজো মানুচ্চুনো ইন্দি মনযোগ্ দিয়্যে আর তারারে উদ্ধোর্ গোজ্যে।

লূকে লেখ্যে গম্ হবর্ 19:44

তারা তরে আর তঅ ভিদিরে বেক্‌ মানুচ্চুনোরে ধুরিনে মাদিত্ আঝার্ মারিবাক্ আর এক্কো পাত্তর উগুরে আর এক্কো পাত্তর্ ন-থবাক্, কিয়া গোজেনে যে অক্তত্ তইন্দি মনযোগ্ দিয়্যে সেই সময়ান্ তুই ন-চিনোচ্।”

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 15:14

গোজেনে তার্ নিজোর্ মানুচ্‌ অবাত্যে অযিহূদীগুনোত্তুন্ কয়েক্কো মান্‌জ্যরে বেঈ লোইনে দেগেয়্যেদে যে, অযিহূদীগুনোত্যেয়ো তার্ চিন্তে আঘে। এ কধাগান শিমোন-পিতরে আমারে কোইয়্যে।

প্রেরিত্‌ 20:17

পৌলে মিলীতত্তুন্ ইফিষত্ মানুচ্‌ পাধেইনে সিধুগো মন্ডলীর নেতাগুনোরে ডাগিলো।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

রূত 1:6

মোয়াব দেজত্‌ থাগদে নয়মী শুনিলোদে, লগেপ্রভু তা মানুচ্চুনোরে হানার যুক্কোল্‌ গুরিনে তারা ইন্দি মনান্‌ দিয়্যে। সেনত্তেই তে তার দ্বিবে পূদবোরে নেযেইনে মোয়াব দেজত্তুন ঘরত্‌ ফিরি যেবাত্তে যুক্কোল্‌ অলঅ‌।