যাত্রা 3:11 - Chakma Bible

¹¹ মাত্তর্‌ মোশি, গোজেনরে কলঅ, “মুই আর্‌ কন্না, ফরৌণ ইধু যেইনে মিসর দেজত্তুন্‌ ইস্রায়েলীয়গুনোরে নিগিলেই আনি পারং।”

যাত্রা 3:11 ပူးပေါင်းရင်းမြစ်များ

২ শমূয়েল 7:18

এদক্কানি কধা শুনিনে রাজা দায়ূদে তাম্বুলো ভিদিরে গেলঅ আহ্ লগেপ্রভুর মুজুঙোত্‌ বোইনে কলঅ, ও প্রভু লগেপ্রভু, মুয়ই বা কন্না আহ্ মঅ বংশবোই বা কি, তুই মরে এত্তমান সং অান্যচ্‌।

১ রাজাবলী 3:7

“ও মর্‌ গোজেন্‌ লগেপ্রভু, মর্‌ বাপ্পো দায়ূদোর জাগানত্‌ তুই ইক্কিনে তর্‌ চাগর্‌বোরে রাজা বানেয়োচ্‌। মাত্তর্‌ মর্‌ বয়জ্‌ছান অমকদ কম্‌, সেনত্তেই হবর্‌ ন-পাং কেধোক্ক্যেন্‌গুরি মর্‌ কামানি পালন্‌ গরা পুরিবো।

১ রাজাবলী 3:9

সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

যাত্রা 6:12

জোবত্‌ মোশি লগেপ্রভুরে কলঅ, “মাত্তর্ ইস্রায়েলীয়গুনে যুনি মঅ কধা ন-শুনোন্‌ সালে ফরৌণে মঅ কধালোই কান্‌ দিবো কিত্যে, মঅ কধানি যেক্কেনে হনত্‌ বাজে?”

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

বিচের গুরিয়্যেগুন 6:15

গিদিয়োনে কলঅ, “মাত্তর্‌ ও মর্‌ প্রভু, মুই কেধোক্কেন্‌ গুরিনে ইস্রায়েলীয়গুনোরে উদ্ধোর গুরিম্‌। মনঃশি-গুট্টি ভিদিরে আমা বংশবো বেগত্তুন তলে, আর আমা গিরি ভিদিরে মর্‌ কনঅ দাম্‌ নেই।”

১ শমূয়েল 18:18

দায়ূদ শৌলরে কলদে, “মুয়ই বা কন্না আহ্‌ মর্‌ গিরির্ আর ইস্রায়েল ভিদিরে মর্‌ বাবর্‌ বংশবো বা এন্‌ কি ওইয়্যেদে, মুই রাজার জামেই ওই পারং?”