যাত্রা 29:3 - Chakma Bible

³ সিয়েনি এক্কো খাজা ভিদিরে রাগেবে আর সেই দামাড়া গোরু আর ভেড়া দ্বিবে সমারে খাজাবো মঅ মুজুঙোত্‌ রাগেবে।

যাত্রা 29:3 ပူးပေါင်းရင်းမြစ်များ

যাত্রা 29:2

সে পরেদি নিগুজ্‌ মোয়্‌দেলোই পিদে, তেল্‌ মিজেয়্যে পিদে আর তেল্‌ মিজেয়্যে কেক্‌ বানেবে। ইয়েনির্‌ এক্কানদ সদা ন-দিবে।

যাত্রা 29:4

সে পরেদি হারোণ আর তার্‌ পূঅগুনোরে মিলন-তাম্বুলোর্‌ দোরান ইদু নেযেবে আর পানিলোই তারার কিয়্যেনি ধোই‌ দিবে।

লেবীয় 8:2

“তুই হারোণ আর তার্‌ পূঅগুনোরে ইদু আন্দোই। সে লগে তারার্‌ পোজাক্‌, অভিষেগর্‌ তেল, পাপ-উৎসর্বর বলদ, দ্বিবে ভেড়া আর সদাছাড়া পিদে খাড়াঙোয়ো আন্দোই।

লেবীয় 8:26

পরেদি লগেপ্রভুর্ মুজুঙোত্ থোইয়্যে সদা নেইয়্যে রুটির্ খাড়াঙোত্তুন্ তে এক্কান রুটি, তেলর্‌ ময়ান দিয়্যে এক্কান্‌ পিদে আর এক্কান চাপাটি লোইনে সেই তেলান আর উলুহুল্লো উগুরে রাগেল।

লেবীয় 8:31

মোশি যেরেন্দি হারোণ আর তার্‌ পূঅগুনোরে কলঅ, “তুমি মিলন-তাম্বুলোর দোরান ইদু এ য়েরাগান্‌ উজি দুয়ো আর সিয়োদোই অদেঅদে-অনুষ্ঠানর্‌ খাড়াঙোর্‌ পিদেলোই সিয়েন্‌ হেবা, কিত্তেই মুই এ উগুমান্‌ দুয়োং যে, তর্‌ আর তর্‌ পূঅগুনোর্‌ সিয়েন্‌ হা পুরিবো।

গণাণা 6:17

ইয়েনবাদে তাত্তুন্‌ উদোলোলি-উৎসর্বর ভেড়াছাগল্লো কাবিনে সিবে উৎসর্ব গুরিবার সময় লেইবোর্‌ পিদেগানিয়ো উৎসর্ব গরা পুরিবো আর ইয়েনি সমারে শোজ্য-উৎসর্ব আর ঢালন-উৎসর্বর অনুষ্ঠানঅ গরা পুরিবো।