যাত্রা 28:40 - Chakma Bible

⁴⁰ সর্মান আর সাজিবার্‌ আজাই তুই হারোণর্‌ পূঅগুনোত্তেয়ো সিলুম, কমরত্‌-বানোনি আর মাদাত্‌ তোক্কে বানেই লবে।

যাত্রা 28:40 ပူးပေါင်းရင်းမြစ်များ

যাত্রা 28:2

সর্মান আর সাজিবার আজাই তর্‌ ভেই হারোণত্তে তুই পবিত্র পোজাক্‌ বানেবে।

যাত্রা 28:4

তার্‌ এই পোজাগ ভিদিরে থেবঅ‌ বুক-ঢাগনি, এফোদ, বারেন্দি উরিবার্‌ সিলুম্‌, চেক্‌ কাবড়র্‌ ভিদিরেন্দি সিলুম্‌, খবং আর কমরত্‌-বানোনি। তর্‌ ভেই হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারাত্তেই পবিত্র পোজাক্‌ বানেই নেযেবে।

যাত্রা 29:8

তার্‌ পূঅগুনোরে আনিনে তারারেয়ো সিলুম্‌ উরেই দিবে আর হারোণ আর তার্‌ পূঅগুনোরে কমরত্‌ বানোনিগানি পিনেই দিবে। সে পরেদি পূঅগুনোর মাদাত্‌ তোক্কে দিবে। এধোক্ক্যেনগুরি তুই হারোণরে আর তার্‌ পূঅগুনোরে ধর্মগুরু পদত্‌ অদে অদে রাগেবে। এক্কান্‌ জিংকানিবরর্‌ সুদোম্‌ ইজেবে এই ধর্মগুরু-পদতান্‌ তারার্‌ বংশত্ থেবঅ‌।

যাত্রা 39:41

পবিত্র তাম্বুল-ঘরত্‌ সেবা-কামত্তেই পোজাক্‌, অত্তাৎ ধর্মগুরু হারোণত্তেই বুন্যে পবিত্র পোজাক আর তার্‌ পূঅগুনোর ধর্মগুরু ইজেবে সেবা-কামর্‌ পোজাক।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

লেবীয় 16:24

সে পরেদি তে পবিত্র তাম্বুল-ঘরর্‌ চাগালাত্‌ যেইনে পানিলোই গাদিনে ধর্মগুরুর অক্তমজিম কাবড়-চুগোর্‌ উরিবো। ইয়েনর পরেদি তে নিগিলি এইনে তার্‌ নিজোর্‌ আর মানুচ্চুনোত্তে এক্কো গুরি পুজ্যে-উৎসর্বর্‌ অনুষ্ঠান গুরি তার্‌ নিজোর্‌ আর মানুচ্চুনোর্‌ পাপ ঢাগি দিবার্‌ বেবস্থা গুরিবো।

লেবীয় 8:13

সে পরেদি তে হারোণর্‌ পূঅগুনো মুজুঙোত্ আনিনে তারা কিয়্যেত্ সিলুম্‌ উরেই দিলো আর কমরত্‌ ফারদ্‌ দুড়ি বাঁনিনে মাঢাত্‌ তোক্কে পিনেই দিলো। বেক্কানি মোশি লগেপ্রভুর্ উগুম মজিম্ গুরিলো।

তীত 2:10

আর গিরোজ্‌সো জিনিস্‌চানি চুর্ ন-গরন, বরং তারা যে পুরোপুরি গুরি বিশ্বেজ্‌বলা সিয়েন প্রমাণ গরন্। যেন তারা আমার্ উদ্ধোর গুরিয়্যে গোজেন পৌইদ্যেনে যে শিক্ষ্যেগানি আঘে সিয়েনি বেক্কানিত্তুন্ দোল্ গুরি ফগদাং গুরি পারন।

তীত 2:7

বেক্কানিত্ তুই তারা ইধু গম কামর্ এক্কান আদর্শ অ। তঅ শিক্ষ্যে ভিদিরে যেন গম উদ্দেচ্চ্য থায়, সিয়েনত্ যেন পাদল্ মনভাব ন-থায়।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”