যাত্রা 28:4 - Chakma Bible

⁴ তার্‌ এই পোজাগ ভিদিরে থেবঅ‌ বুক-ঢাগনি, এফোদ, বারেন্দি উরিবার্‌ সিলুম্‌, চেক্‌ কাবড়র্‌ ভিদিরেন্দি সিলুম্‌, খবং আর কমরত্‌-বানোনি। তর্‌ ভেই হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারাত্তেই পবিত্র পোজাক্‌ বানেই নেযেবে।

যাত্রা 28:4 ပူးပေါင်းရင်းမြစ်များ

২ শমূয়েল 6:14

দায়ূদে মসীনার এফোদতো উরিনে লগেপ্রভুর মুজুঙোত্‌ বলপড়ে সং নাজা ধুরিলো।

যাত্রা 25:7

এফোদ আর বুগ্‌-ঢাগনী উগুরে বোজেবাত্তে বৈদূর্যমণি আর অন্য মংগা পাত্তর্।

যাত্রা 29:6

সে পরেদি তা মাদাবো উগুরে খবং বানি দিইনে তা উগুরে সেই সনা পাদর্‌ পবিত্র মুকুট্টো লাগেই দিবে।

যাত্রা 39:28

তারার্‌ খবঙানি আর মাদাত্‌ তোক্কেগুন মসীনা সুদোলোই বানেই দিয়্যে অলঅ‌ আর জাংগিগুন পাগেয়্যে মসীনা সুদোলোই বানেই দিয়া অলঅ‌ ।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

ইফিষীয় 6:14

ইয়েনত্যে সত্যলোই কমর্ বানিনে, বুগ্ রোক্ষ্যে গুরিবাত্যে গম্ জিংকানিলোই বুগ্‌কো ঢাগিনে,

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।

১ শমূয়েল 22:18

সেক্কে রাজা দোয়েগরে কলঅ, “সালে তুই যেইনে ধর্মগুরুগুনোরে মারে ফেলা।” ইদোমীয় দোয়েগে সেদিন্যে পাচাশিজন ধর্মগুরুরে মারে ফেলেল। ধর্মগুরুগুনোর বেক্কুনোর কিয়্যেত্‌ এলদে মসীনার এফোদ।

১ শমূয়েল 23:6

অহীমেলকর পূঅ অবিয়াথর কিয়ীলাদত্‌ দায়ূদোর ইদু ধেই এবার অক্তত্‌ লগে গুরিনে দাঙর্‌ ধর্মগুরুগুনোর এফোদতুয়ো আন্যে।

১ শমূয়েল 30:7

দায়ূদে সেক্কে অহীমেলকর পূঅ দাঙর্‌ ধর্মগুরু অবিয়াতররে কলঅ, “এফোদ্‌তো মইদু আন।” সিবে আনানার্‌ পরেন্দি দায়ূদে লগেপ্রভুরে পুযোর্‌ গুরিলো, “মুই সেই আক্রমণগুরিয়্যে দলর্‌ পিজেন্দি লোড়েম্‌? গুরিলে কি তারারে ধুরি পারিবে?” জোবত্‌ লগেপ্রভু কলদে, “অয়, লড়া। তুই হামাক্কায় তারারে ধুরি পারিবে আর বেক্কুনোরে উদ্ধোর্ গুরি পারিবে।”