যাত্রা 28:30 - Chakma Bible

³⁰ বুগ্‌-ঢাগনিগানর্ ভাজঅ ভিদিরে থবে উরীম আর তুম্মীম। সেক্কে হারোণে যেক্কে লগেপ্রভুর্‌ মুজুঙোত্‌ আঝিল্ অবঅ‌ সেক্কে সিয়েনি তার্‌ বুগোত্‌ থেবঅ। সেক্কে হারোণে লগেপ্রভুর মুজুঙোত্‌ আমিঝে ইস্রায়েলীয়গুনোত্তেই মর্‌ উগুমানি জানিবার্‌ উপায় ইজেবে তার্‌ বুগোত্‌ রাগেব।

যাত্রা 28:30 ပူးပေါင်းရင်းမြစ်များ

ইষ্রা 2:63

শাজন্‌গুরিয়্যেগুনে তারার্ উগুমান দিলাক্ যেদকদিন সং ঊরীম আর তুম্মীমান বেবহার্ গুরিবার অধিকারী কনঅ ধর্মগুরু পাহ্ ন যায় সেদকদিন সং তারা যেনে দাঙর্ পবিত্র হানার্ কিজু ন হান।

নহিমিয় 7:65

শাজন্‌গুরিয়্যেবো তারারে উগুম্‌ দিলো যেদকদিন সং ঊরীম আর তুম্মীম বেবহার গুরিবার অধিকারী কনঅ ধর্মগুরু পাহ্ ন-যায় সেদকদিন সং তারা যেনে সুদ্ধো-সাংগ হানার্‌ কিচ্ছু ন-পান্‌।

যাত্রা 28:29

পবিত্র জাগানত্‌ চোমেবার্‌ অক্তত্‌ হারোণে মর্‌ উগুমানি জানিবাত্তেই এই বুগ-ঢাগনিগান উগুরে লেখ্যে ইস্রায়েলর্‌ পূঅগুনোর্‌ নাঙানি বুগোত্‌ গুরি বুয়োই নেযেব। এই বুগ্‌-ঢাগনিয়ান আমিঝে লগেপ্রভুর্‌ মুজুঙোত্‌ তারারে তুলি ধুরিবো।

লেবীয় 8:8

তা উগুরে তে বুগ-ঢাগনিগান্‌ উরেই দিইনে তা ভিদিরে ঊরীম আর তুম্মীম রাগেল।

সখরিয় 6:13

অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ।

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

২ করিন্হীয় 12:15

মুই অমকদ হুজি ওইনে তমাত্যে বেক্কানি খরচ্ গুরিম আর নিজোরেয়ো দি দিম্। যুনি মুই তমারে বেশ্ কোচ্‌পাং সালে কি তুমি মরে কম্ কোচ্‌পেবা?

২ করিন্হীয় 7:3

খালিক্ এ কধাগান্ মুই তমারে দুষি গুরিবাত্যে ন-কঙর্। মুই দঅ আগেদি কোইয়োং, তুমি আমা ইধু এদক্ কোচ্‌পেইয়্যে যে, আমি তমা সমারে মুরিবাত্যেয়ো রাজী, বাঁজিবাত্যেয়ো রাজী।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

বিচের গুরিয়্যেগুন 1:1

যিহোশূয়র মরাণার পরেন্দি ইস্রায়েলীয়গুনে লগেপ্রভুরে পূযোর্‌ গুরিলাক্‌, “আমা পক্ষেন্দি কনানীয়গুনো সমার যুদ্ধো গুরিবাত্তে পত্তমে কন্না যেবঅ‌।”

বিচের গুরিয়্যেগুন 20:18

তারা বৈথেলত যেইনে গোজেনর্‌ ইত্তুন্‌ জানিবাত্তে চেলাক্‌ বিন্যামীনীয়গুনো লগে যুদ্ধো গুরিবাত্তে তারা ভিদিরেত্তুন কন্না আগে যেবঅ। জোবত্‌ লগেপ্রভু জানেলদে, যিহূদা-গুট্টিবো আগে যেবঅ।

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।