যাত্রা 28:1 - Chakma Bible

¹ তুই ইস্রায়েলীয়গুনো ভিদিরেত্তুন্‌ তর্‌ ভেই হারোণ আর তার্‌ পূঅ নাদব, অবীহূ, ইলীয়াসর আর ঈথামররে তইদু এবাত্যেই হবর্‌ পাদা। তারা ধর্মগুরু ওইনেই মরে সেবা গুরিবাক্।

যাত্রা 28:1 ပူးပေါင်းရင်းမြစ်များ

১ বংশধর 23:13

অম্রামর পুয়োগুন অলাক্‌ হারোণ আর মোশি। হারোণ আর তা বংশধরুনোরে উমরত্তে গোজেনর নাঙে ফারক্‌ গরা অলঅ যেনে তারা মহাপবিত্র জিনিসছানির ভারান্‌ নেযেই পারন্‌, লগেপ্রভুর মুজুঙোত্‌ আগুনোত্‌ গোজ্যে উৎসর্ব পরব্‌পো গুরি পারন্‌, তা মুজুঙোত্‌ সেবা-কাম্‌ গুরি পারন্‌ আর তা নাঙে বর্‌ দি পারন্‌।

১ বংশধর 6:10

যোহানন পুয়ো অসরিয়। ইবে যিরূশালেমত্‌ শলোমনর্ বানেয়্যে তবনা-ঘরত্‌ ধর্মগুরুর্‌ কাম্‌ গুরিদো।

১ বংশধর 6:34

শমূয়েল ইল্‌কানা পুয়ো, ইল্‌কানা যিরোহম পুয়ো, যিরোহম ইলীয়েল পুয়ো, ইলীয়েল তোহর পুয়ো,

২ বংশধর 11:14

লেবীয়গুনে তারার্‌ য়েমান চোড়েবার্‌ মাঠ্‌তুন্‌ আর সোম্বোত্তিগানি ছাড়িনে যিহূদা আর যিরূশালেমত্‌ এলাক্‌, কিত্তে যারবিয়ামে আর তা পুয়োগুনে লগেপ্রভুর ধর্মগুরু পোজিশনানত্তুন্‌ তারারে বাদ দি দিলো।

গীতসংহিতা 115:10

ও হারোণর গুট্টি, লগেপ্রভু উগুরে ভর্ গরঅ - তেয়ই তারার বল্ দিয়্যে আর ঢাল।

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যাত্রা 24:1

পরেদি লগেপ্রভু মোশিরে কলঅ, “হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বী আর তুই মইদু উদোগি। এবার্‌ অক্তত্‌ তুমি দূরোত্তুন্‌ মাদা নিগিরিনে মরে ভোক্তি সর্মান জানেবা।

যাত্রা 24:9

ইয়েন পরেদি মোশি, হারোণ, নাদব, অবীহূ আর ইস্রায়েলীয়গুনোর্‌ সত্তুরজন বুড়ো মাই-মুরুব্বীগুনে মুড়োবো উগুরে উদিনে ইস্রায়েলীয়গুনোর্‌ গোজেনরে দেগিলাক্। তা টেঙর্‌ তলে এলঅ‌ জোক্‌জোক্যে আগাজ ধোক্ক্যেন নীলকান্তমণিলোই বানেয়্যে পাক্কা ধোক্ক্যেন কিজু এক্কান।

যাত্রা 28:41

তর্‌ ভেই হারোণ আর তার্‌ পূঅগুনোর্‌ এই বেক্‌ পোজাক্কানি পিনেই দিইনে তুই তারারে তেল্লোই অভিষেক গুরিনে ধর্মগুরু ইজেবে বোজেই দিবে। লগেপ্রভুর্‌ নাঙে তুই তারারে ফারক্‌ গুরি নেযেবে যেনে তারা ধর্মগুরু ওইনে মরে সেবা গুরি পারন।

যাত্রা 29:1

ধর্মগুরু ওইনে যেনে তারা মরে সেবা গুরি পারন্‌ সেনত্তেই তুই তারারে মঅ নাঙে এধোক্ক্যেনগুরি ফারক্‌ গুরি নেযেবে। তুই এক্কো দামারা গোরু আর দ্বিবে ভেড়াছাগল নেযেবে। সিগুনোর্‌ কিয়্যেত্‌ যেনে কনঅ‌ দাগ্‌দুগ্‌ ন-থায়।

যাত্রা 29:44

“মুই মিলন-তাম্বুলান আর ডালিপূজোবো মর্‌ নাঙে ফারক্‌ গুরি রাগেম্‌ আর ধর্মগুরু ওইনে মরে সেবা গুরিবাত্তেই হারোণ আর তার্‌ পূঅগুনোরেয়ো ফারক্‌ গুরি রাগেম্‌।”

যাত্রা 30:30

“হারোণ আর তার্‌ পূঅগুনে যেনে ধর্মগুরু ওইনে মরে সেবা গুরি পারন্‌ সেনত্তে তুই তারারে অভিষেক গুরিনেই মঅ নাঙে ফারক্‌ গুরি নেযেবে।

যাত্রা 35:19

পবিত্র তাম্বুল ঘরত্‌ সেবা-কামত্তে পোজাক্‌, অত্তাৎ ধর্মগুরু হারোণত্তে বুন্যে পবিত্র পোজাক্‌ আর তার্‌ পূঅগুনোর্‌ ধর্মগুরু ইজেবে সেবা-কামর্‌ পোজাক্।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

লেবীয় 10:1

হারোণর্‌ পূঅ নাদব আর অবীহূ তারা আগুনো পিলেলোই আগুন্‌ নেযেইনে সিবে উগুরে ধূপ দিলাক্। তারা লগেপ্রভুর্ উগুমোর্‌ বারেন্দি অন্য আগুন্দোই‌ লগেপ্রভুর্ নাঙে ধূপ-উৎসর্ব গুরিলাক্।

লেবীয় 10:12

মোশি পরেদি হারোণরে আর তার্‌ বাগি দ্বিবে পূঅ ইলীয়াসর আর ঈথামররে কলঅ, “লগেপ্রভুর্ নাঙে আগুন্দোই গোজ্যে উৎসর্বর্ ভিদিরেত্তুন শোজ্য-উৎসর্বর যে ভাগ্‌কান বাগি আঘে, সিয়েন তুমি পূজোবো ইদু নেযেইনে খঅ, মাত্তর্ সিয়েন সদাছাড়া খা পুরিবো। ইয়েন দাঙর্ পবিত্র জিনিস।

লেবীয় 7:35

হারোণ আর তার্‌ পূঅগুনোরে যেদিন্যে ধর্মগুরু্‌ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্‌ এ ভাগ্‌কান্‌ তারার্ পাওনা বিলি ঠিগ্ গুরি রাগা ওইয়্যে।

লেবীয় 8:1

ইয়েনর্ পরেদি লগেপ্রভু মোশিরে কলঅ,

লেবীয় 8:2

“তুই হারোণ আর তার্‌ পূঅগুনোরে ইদু আন্দোই। সে লগে তারার্‌ পোজাক্‌, অভিষেগর্‌ তেল, পাপ-উৎসর্বর বলদ, দ্বিবে ভেড়া আর সদাছাড়া পিদে খাড়াঙোয়ো আন্দোই।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

গণাণা 26:61

লগেপ্রভু ইদু সুদোমর্‌ বারেন্দি আগুন্দোই পৌইরেগ উৎসর্ব গুরিবাত্তে যেইনে নাদবে আর অবীহূ মুরি যেইয়োন।

লূকে লেখ্যে গম্ হবর্ 1:8

একবার্ নিজো দলর্ পালা সময়োত্ সখরিয় ধর্মগুরু ইজেবে গোজেনর সেবা যগোজ্যে।

দ্বি’লম্বর বিররণ 10:6

ইস্রায়েলীয়গুনে পরেন্দি বেরোৎ-ঝারর্‌-যাকনত্তুন্‌ রওনা ওইনে মোষেরোদোত্‌ লুমিলাক্। সিয়োদোই হারোণে মুরি যেইয়্যে আর তারে গোর্ দিয়্যে ওইয়্যে। তার্‌ পূঅ ইলিয়াসরে তা জাগানত্‌ দাঙর্‌ ধর্মগুরু ওইয়্যে।

দ্বি’লম্বর বিররণ 18:5

কিত্যে তমার গোজেন লগেপ্রভু তমার বেক্‌ গুট্টিগুনো ভিদিরেত্তুন লেবীয়গুনোরে আর তারার বংশধরুনোরে বেঈ লোইয়্যে, যেনে তারা আমিঝে লগেপ্রভুর নাঙে সেবার কামানি গুরি পারন।

১ শমূয়েল 2:28

ইস্রায়েলীয়গুনোর পুরো গুট্টির ভিদিরেত্তুন কি মুই লেবীয়গুনোরে বেঈ ন-লং, যেনে তারা মর্‌ ধর্মগুরু ওইনে মর্‌ পূজোবো ইদু যেইনে পৌইরেক জ্বালেই পারন আর এফোদ উরিনে মর্‌ মুজুঙোত্‌ এই পারন? ইস্রায়েলীয়গুনোর বেক্‌ পুজ্যে-উৎসর্বর ভাগ কি মুই তারারে আর তারার বংশগুনোরে ন-দুয়োং?