যাত্রা 27:8 - Chakma Bible

⁸ ডালিপূজোবো তক্তালোই বানা পুরিবো আর সিবের্‌ ভিদিরেদিগান ফাঁক্‌ থেবঅ‌। এই মুড়োবো উগুরে তরে যেধোক্ক্যেন দেগা অলঅ ঠিগ্ সেধোক্ক্যেন গুরি তুই সিবে বানেবে।

যাত্রা 27:8 ပူးပေါင်းရင်းမြစ်များ

১ বংশধর 28:11

সে পরেন্দি দায়ূদে তাহ্ পুয়ো শলোমনরে তবনা-ঘরর্‌ আস্‌ছালা, বিল্ডিঙানি, ভান্ডাল্‌-ঘরানি, উগুরে আর ভিদিরে গুদিগুন্‌ আর পাপ ঢাগিবার জাগান আরুক্কানি দিলো।

১ বংশধর 28:19

দায়ূদে কলঅ, “লগেপ্রভু যে আরুক্কান্‌ মইদু ফগদাঙ্‌ গোজ্যে সিয়েন পরিচালনায় মুই সিয়েন্‌ ছাবেয়োং, আর সে আরুক্কানর্‌ বেক্কানি বুঝিবার জ্ঞানান্‌ তে মরে দিয়্যে।”

যাত্রা 25:40

এই মুড়োবো উগুরে তরে যে নক্‌সাগান্‌ দেগা অলঅ‌ ঠিগ্ সেধোক্ক্যেন গুরি যেনে বেক্কানি বানা অয়্‌ সিয়েনি রিনি চেইজ্‌।

যাত্রা 25:9

যে চিহ্নোগান্‌ মুই তরে দেগেবাত্তে যাঙর্‌ ঠিগ্ সেধোক্ক্যেন গুরিই তুই মর্‌ এ থেবার-তাম্বুল আর বেক্‌ সরঞ্জামানি বানেই লবে।

মথি লেখ্যে গম্ হবর্ 15:9

তারা মিজে মিজে মর্ উবোসনা গরন্; তারার্ দিয়্যে শিক্ষ্যেনি মান্‌জ্যর্ বানেয়্যে কয়েক্কান সুদোম্ বানা।

প্রেরিত্‌ 7:44

সাক্ষ্য-তাম্বুবো ধূল্যেচর-চাগালাত্ আমা পূরোণি মানুচ্চুনো সমারে এলঅ। গোজেনে মোশিরে যেবাবোত্যেগুরি উগুম দিয়্যে আর মোশি যে নক্‌‌‌শাগান দেক্ক্যে সেবাবোত্যেগুরি এই তাম্বুবো বানা ওইয়্যে।

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”