যাত্রা 25:9 - Chakma Bible

⁹ যে চিহ্নোগান্‌ মুই তরে দেগেবাত্তে যাঙর্‌ ঠিগ্ সেধোক্ক্যেন গুরিই তুই মর্‌ এ থেবার-তাম্বুল আর বেক্‌ সরঞ্জামানি বানেই লবে।

যাত্রা 25:9 ပူးပေါင်းရင်းမြစ်များ

যাত্রা 25:40

এই মুড়োবো উগুরে তরে যে নক্‌সাগান্‌ দেগা অলঅ‌ ঠিগ্ সেধোক্ক্যেন গুরি যেনে বেক্কানি বানা অয়্‌ সিয়েনি রিনি চেইজ্‌।

যাত্রা 26:30

এই মুড়োবো উগুরে তরে থেবার-তাম্বুলর্‌ যে নমুনাগান্ দেগা অলঅ‌ তুই ঠিগ্ সেধোক্ক্যেন গুরি সিবে বানেবে।

যাত্রা 39:32

এধোক্ক্যেন গুরিই থেবার-তাম্বুলর, অত্তাৎ মিলন-তাম্বুলর্ বেক্কানি বানানার্‌ কাম্‌ থুম্‌ অলঅ‌। লগেপ্রভু মোশিরে যেধোক্ক্যেন গুরি উগুম দিয়্যে সেধোক্ক্যেন গুরি ইস্রায়েলীয়গুনে বেক্‌ কামানি গুরিলাক্‌।

যাত্রা 39:42

লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন ইস্রায়েলীয়গুনে বেক্‌ কামানি গুরিলাক্।

যাত্রা 39:43

মোশি তারার্‌ বেক্‌ কামানি দেগিনেই বুঝিলোদে, লগেপ্রভুর উগুম মজিম্‌ বেক্‌ কামানি গরা ওইয়্যে। সেক্কে মোশি ইস্রায়েলীয়গুনোরে আশিদ্‌বাদ গুরিলো।

গণাণা 4:12

পবিত্র তাম্বুলর কামত্‌ বেবহার্‌ গুরিবার্‌ বেক্‌ পজা-পিরানি য়েল্‌ কাবড়ত্‌ মিজেইনে শুশুকোর্‌ চামান্দোই নাঢিনে সিয়েন্‌ তারা বুয়োই নেযেবার্‌ তক্তাগান উগুরে রাগেবাক্।

গণাণা 8:4

বদঙর গড়াত্তুন্‌ ধুরি আগাবোর্‌ ফুলুন সং বেক্কানি সনালোই পিদেইনে বানা ওইয়্যে। লগেপ্রভু মোশিরে যে নকশাগান্‌ দেগেয়্যে ঠিগ সেধোক্ক্যেন গুরি চেরাগ বদঙো বানা ওইয়্যে।

প্রেরিত্‌ 7:44

সাক্ষ্য-তাম্বুবো ধূল্যেচর-চাগালাত্ আমা পূরোণি মানুচ্চুনো সমারে এলঅ। গোজেনে মোশিরে যেবাবোত্যেগুরি উগুম দিয়্যে আর মোশি যে নক্‌‌‌শাগান দেক্ক্যে সেবাবোত্যেগুরি এই তাম্বুবো বানা ওইয়্যে।

ইব্রীয় 8:2

তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্‌জ্যে ন-টাঙান্, সিয়েন প্রভুই টাঙেয়্যে।

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

ইব্রীয় 9:2

আর সেই মজিম এক্কান তাম্বুল্ বানা ওইয়্যে। সেই তাম্বুলানর্ পত্তম ভাগত্ থেদঅ চেরাগ টগ্, টেবিল আর মুজুঙো-রুটি। এই পত্তম ভাক্কানর্ নাঙান্ এলঅ পবিত্র জাগা।

ইব্রীয় 9:9

বত্তমান কালত্যে ইয়েন এক্কান চিহ্নো যিয়েনে আমারে কোই দেত্তে যে, উৎসর্ব-গোজ্জ্যে য়েমান আর অন্য জিনিজে উবোসনা গুরিয়্যেবোর্ বিবেগরে সাব্ গুরি ন-পারে।