যাত্রা 25:8 - Chakma Bible

⁸ ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যাত্রা 25:8 ပူးပေါင်းရင်းမြစ်များ

১ রাজাবলী 6:13

মুই ইস্রায়েলীয়গুনোর ইদু বজত্তি গুরিম আর মঅ মানুচ্‌ ইস্রায়েলীয়গুনোরে মুই ন-ছাড়িম্‌।”

১ বংশধর 22:19

ইক্কিনে তুমি তমার গোজেন লগেপ্রভুর আওজ্‌ছান জানেবাত্তে তমা বেক্‌ মনান্‌-পরাণান্‌ ঠিগ্‌ গর আর লগেপ্রভুর নাঙে তার্‌ পবিত্র ঘরান্‌ বানেবাত্তে আরাম্ভ গুরি দুয়ো, যেনে সিয়েন ভিদিরে লগেপ্রভুর সুদোম-সুন্দুক্কো আর গোজেন পবিত্র জিনিসছানি আনিনে রাগা যায়।”

যাত্রা 15:17

তুয়ই তর্‌ মানেইয়ুনোরে আনিনে চারা ধোক্ক্যেন গুরি লাগেই দিবে তর্‌ নিজোর্‌ মুড়োবোত্‌। ও লগেপ্রভু, তর্‌ নিজোর আত্তোই গোজ্যে সিয়েনই তর্‌ থেবার্‌জাগা; ও প্রভু, তর্‌ নিজো আত্তোই‌ গোজ্যে সিয়েনই‌ সেই সুদ্ধো-সাংগ জাগায়ান্;

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যাত্রা 29:46

সেক্কে তারা জানি পারিবাক্‌, মুই লগেপ্রভু তারার্‌ গোজেন। মুই তারা ইদু বজত্তি গুরিম বিলিই মিসর দেজত্তুন তারারে নিগিলেই আন্যং। মুয়ই লগেপ্রভু তারার্‌ গোজেন।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

লেবীয় 10:4

পরেদি মোশি মীশায়েল আর ইলীষাফণরে ডাগিনে কলঅ, “ইদু আয়; পবিত্র তাম্বুল-ঘরর্‌ মুজুঙেত্তুন্‌ তমার্ ভেইপুদ্‌তুনোর্ মরা কিয়্যেগানি ঘরর্ বারেন্দি নেযঅ‌।” মীশায়েল আর ইলীষাফণে অলঅ হারোণর্‌ কুট্‌তো উষীয়েলর্‌ পূঅ।

লেবীয় 26:11

মুই তমান্দিত্তুন্‌ মর্‌ মুয়োন ন-ফিরেম্‌। তমা ভিদিরেই মুই মর্‌ বজত্তির্‌ জাগায়ান্‌ গুরিম।

লেবীয় 4:6

তে সেই লো-গানত্ নিজোর্‌ আঙুল্লো ভুরেইনে কিজু লো লোইনে লগেপ্রভুর্ মুজুঙোত্ পবিত্র জাগানর্‌ পর্দাগান ইন্দি সাতবার্ ছিদি দিবো।

সখরিয় 2:10

লগেপ্রভু কত্তে, “ও সিয়োন-ঝিবো, ফুত্তি গুরিনে গান গাহ্ আর হুজি অ, কিত্যে মুই এজঙর্, আর মুই তমাইদু বজত্তি গুরিম।

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

গণাণা 5:3

তে মিলেমানুচ্‌ ওক্‌ বা মরদ্‌পূঅ ওক্‌ তারে সোরেই দিয়া পুরিবো। এবাবোত্যে মানুচ্চুনে যেনে তাম্বুলান ফি-বলা ন-গরন্‌ সেনত্তেই তাম্বুলোত্তুন্‌ তারারে বারেন্দি সোরেই দিয়া পুরিবো, কিত্যে সিয়েনত্‌ মুই ইস্রায়েলীয়গুনো ভিদিরে বজত্তি গরং।

প্রেরিত্‌ 7:44

সাক্ষ্য-তাম্বুবো ধূল্যেচর-চাগালাত্ আমা পূরোণি মানুচ্চুনো সমারে এলঅ। গোজেনে মোশিরে যেবাবোত্যেগুরি উগুম দিয়্যে আর মোশি যে নক্‌‌‌শাগান দেক্ক্যে সেবাবোত্যেগুরি এই তাম্বুবো বানা ওইয়্যে।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

যিহোশূয় 22:31

ধর্মগুরু ইলিয়াসর পূঅ পীনহসে তারারে কলঅ‌, “এচ্চ্যে আমি বুঝি পারিলোং, লগেপ্রভু আমা লগে আঘে, কিত্যে তুমি এ পৌইদ্যেনে লগেপ্রভু উগুরে বেঈমানীর্ কাম্‌ ন-গরঅ‌। তুমি লগেপ্রভুর আদত্তুন্‌ ইস্রায়েলীয়গুনোরে বাজেলা।”

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।