যাত্রা 25:30 - Chakma Bible

³⁰ সেই টেবিলান উগুরে মঅ মুজুঙোত্‌ মুজুঙো-রুটি থঅ পড়িবো, আর সিয়েন যেনে আমিঝে সিয়েনত্‌ থায়।

যাত্রা 25:30 ပူးပေါင်းရင်းမြစ်များ

১ রাজাবলী 7:48

লগেপ্রভুর ঘরর্ যেদক্কানি পযাপিরা শলোমনে বানেয়্যে সিয়েনি অলদে: সনার ডালিঘর, মুজুঙোত্‌-পিদে রাগেবার সোনার টেবিলান;

১ বংশধর 23:29

তারা উগুরে এ জিনিসছানির ভারান্‌ এলঅ-মুজুঙো-রুটি, শোজ্য-উৎসর্বর মোয়দে, সদানেইয়্যে রুটি, সেক্ক্যে রুটি আর তেল্‌ মিজেয়্যে মোয়দ্যে। ইয়েনি বাদেয়ো তারা উগুরে ভারান্‌ এলদে বেক্কানি মাবানা আর কত্তমান্‌ সিয়েনি চানা,

১ বংশধর 9:32

পত্তি জিরেবার্‌ দিনোত্‌ টেবিলো উগুরে যে মুজুঙো-রুটিগান্‌ সাজেই রাগা অদঅ সিয়েন্‌ বানেবার্‌ ভারান্‌ এলদে লেবীয়গুনো ভিদিরে কয়েক্কো কহাতীয়গুনো উগুরে।

২ বংশধর 13:11

পত্তিদিন বেন্যে আর সাজোন্যে ধর্মগুরুগুনে লগেপ্রভুর নাঙে পুজ্যে-উৎসর্বর অনুষ্ঠান গরন্‌ আর তুম্বাজ্‌ আগর্‌বাট্টি জ্বালান। তারা সিজি গোজ্যে টেবিলো উগুরে মুজুঙো-রুটি সাজেইনে রাগান্‌ আর পত্তিদিন সাজোন্যে অক্তত্‌ সোনার চেরাগটগ উগুরে চেরাক্কুন্‌ জ্বালেই দুয়োন্‌। আমি আমা গোজেন লগেপ্রভুর উগুম মজিম কাম্‌ গুরিই, মাত্তর্‌ তুমি তারে ছাড়ি যেইয়ো।

২ বংশধর 2:3

শলোমনে সোরর রাজা হীরমরে এ হবরান্‌ পাদেল, মঅ বাপ্পো দায়ূদে থেবাত্তে এক্কান্‌ রাজঘর বানেবাত্তে তুই যেধোক্ক্যেন্‌ তারে এরস গাজ্‌সোই পাদেয়োচ্‌ সেধোক্ক্যেন্‌ মত্তেয়ো এরস গাজ্‌ পাধেই দে।

২ বংশধর 2:4

ইক্কিনে মুই মর্‌ গোজেন লগেপ্রভুত্তে এক্কান্‌ ঘর্‌ বানেবাত্তে আর তার্‌ নাঙে সিয়েন্‌ উৎসর্ব গুরিবাত্তে যুক্কোল্‌ ওইয়োং, যেনে তা মুজুঙোত্‌ তুম্বাজ্‌-আগর্‌বাট্টি জ্বালা যায়, সুদোম মজিম্‌ মুজুঙো-রুটি সাজেইনে রাগা যায় আর পত্তিদিন বেন্যে আর সাজোন্যে, জিরেবার্‌ দিনোত্‌, আঙোস্যেত্‌ আর আমা গোজেন লগেপ্রভু ঠিগ্‌-গোজ্যে নানান্‌ পরবর্‌ অক্তত্‌ পূজ্যে-উৎসর্বর অনুষ্ঠানুন্‌ গরা যায়। ইগুন্‌ বেক্কুন্‌ পালানা ইস্রায়েলীয়গুনোত্তে এক্কান্‌ উমরর্‌ সুদোম।

যাত্রা 35:13

লুদিক্কো সুদ্দো টেবিলান আর তার্‌ পযাপিরানি আর লগেপ্রভুর মুজুঙো-রুটিগান;

যাত্রা 39:36

টেবিল আর তার পযাপিরানি আর লগেপ্রভুর্‌ মুজুঙো-রুটি;

যাত্রা 40:4

টেবিলান ভিদিরে আনিনে সিয়েন উগুরে যিয়েনি রাগেবার্‌ সিয়েনি সাজেই রাগেবে। পরেদি চেরাগ টক্কো আনিনেই চেরাক্কুন্‌ জ্বালেই দিবে।

যিহিষ্কেল 41:22

আজল্ গুদিবোত্ তিন আত্ অজল, দ্বিআত্ লাম্বা আর দ্বিআত্ পাদাজ্যে গাজর্ এক্কো পূজো এলঅ; ইবের্ চের্‌কোণা, গড়া আর চেরোকিত্তেদি এলঅ গাজ্‌চোই বানেয়্যে। তে মরে কলঅ, “ইয়েন অত্তে সেই টেবিলান যিয়েন লগেপ্রভুর মুজুঙোত্ আঘে।”

মালাখি 1:12

মাত্তর্ তুমি মঅ নাঙান্ অসর্মান গোজ্য, কিত্যে তুমি কত্তে, ‘লগেপ্রভুর টেবিলান অসিজি আর তা উগুরেদি হানাগান জঘন্য।’

মালাখি 1:7

মর্ ডালি পূজোবো উগুরে তুমি অসিজি হানা রাগেইনে মরে ঈচ্ গোজ্য। মাত্তর্ তুমি কত্তে, ‘সিয়েন্দোই কি তুই অসিজি ওইয়োচ্?’ তুমি যেক্কে কঅ, ‘লগেপ্রভুর টেবিলান ঈচ্ গরে পারা,’ সেক্কে দঅ তুমি মরে অসিজি কোইয়ো।

গণাণা 4:7

মুজুঙো-রুটি রাগেবার টেবিলো উগুরে তারা এক্কান্‌ য়েল্‌ কাবড়্‌ বিজিইনে সিবে উগুরে টেবিলোর্‌ দাঙর্‌ আর চিগোন্‌ বাজোনুন্‌, কদরা আর ঢালেদে-উৎসর্বর কুমুন্‌ রাগেবা। যে রুটিগানি নিত্য টেবিলো উগুরে থায় সিয়েনি টেবিলো উগুরেই থেবঅ।

মথি লেখ্যে গম্ হবর্ 12:4

হালিক্ দায়ূদে আর তার সমাজ্যেগুনোর সিয়েন হানা উজিত্ ন-এলঅ, বানা ধর্মগুরুগুনেই সিয়েন হেই পারিদাক্।

ইব্রীয় 9:2

আর সেই মজিম এক্কান তাম্বুল্ বানা ওইয়্যে। সেই তাম্বুলানর্ পত্তম ভাগত্ থেদঅ চেরাগ টগ্, টেবিল আর মুজুঙো-রুটি। এই পত্তম ভাক্কানর্ নাঙান্ এলঅ পবিত্র জাগা।

১ শমূয়েল 21:4

ধর্মগুরুবো জোবত্‌ দায়ূদোরে কলঅ, “মইদু কনঅ চিগোন্-চাগন্ পিদে নেই, মাত্তর্‌ পবিত্র মুজুঙো-পিদে আঘে। যুনি তঅ মানুচ্চুনে কনঅ মিলে ইদু ন-যেইনে থান্‌ সালে সিয়েনি হেই পারিবা।”

১ শমূয়েল 21:5

দায়ূদে কলঅ, “আমার সুদোম্ মজিম আমি সত্য সত্য কনঅ মিলে ইদু ন-যেই। সৈন্যগুনোরে নেযেইনে মুই যেক্কে কনঅ সামান্য কামত্‌ নিগিলোং সেক্কেয়ো মর্‌ সৈন্যগুনে সিজি থান্‌। মাত্তর্‌ এচ্চ্যে তারা কদক্‌ সিজি আগন্‌।”

১ শমূয়েল 21:6

সেনত্যেই ধর্মগুরুবো দায়ূদোরে সে পবিত্র পিদেনি দিলো, কিত্যে সে পিদেগানি বাদে আর অন্য কনঅ পিদে তাইদু ন-এলঅ। সে দিন্যে সেই পিদেগানি লগেপ্রভুর মুজুঙোত্তুন্‌ সোরেই নেযেইনে তা জাগানত্‌ গরম পিদে রাগা ওইয়্যে।