যাত্রা 25:18 - Chakma Bible

¹⁸ সেই ঢাগনিয়ানর্‌ কাজান্দি সনা পিদেইনে দ্বিবে করূবোর্‌ মূত্তি বানা পুরিবো।

যাত্রা 25:18 ပူးပေါင်းရင်းမြစ်များ

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

২ বংশধর 3:10

দাঙর্ সুদ্ধো-সাংগ জাগায়ানত্‌ তে এক জোড়া করূবোর মূত্তি সাজিসাজাই কাবিনে বানেল আর সোনালোই বেড়েই দিলো।

যাত্রা 25:17

খাটি সনালোই সেই সুন্দুক্কোত্তে এক্কান ঢাগনি বানেবে, যিবে উগুরে পাপ ঢাগি দিয়্যে অবঅ‌। এ ঢাগনিয়ান লাম্বান্দি অবদে আড়ি আত্‌ আর পাদাজ্যেদি দেড় আত্‌।

যাত্রা 25:19

করূব দ্বিবে সুন্দুগোর্‌ দ্বিডাগেদি থেবঅ‌। সেই করূব দ্বিবে এমন্‌গুরি ঢাগনিত্তুন্‌ ধুরি বানা পড়িবো যেনে বেক্কানে মিলিনেই বানা এক্কান জিনিস অয়্‌।

যাত্রা 25:36

বোল্ আর ডেলাবো বেক্কুন চেরাগটগত্তুন্‌ নিগিলি এবাক্ আর বেক্কুনে মিলিনেই এক্কান জিনিস অবঅ‌। বেক্কানি খাটি সনালোই পিদেইনে বানেই নেযা পড়িবো।

যিহিষ্কেল 10:2

লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

যিহিষ্কেল 10:20

এই জেদা পরাণবলাগুনোরে মুই কবার গাঙ পারত্ ইস্রায়েলর গোজেন সিংহাসনত্ তলে দেখ্যং, আর তারা যে করূব সিয়েন মুই বুঝি পারিলুং।

যিহিষ্কেল 10:3

সেক্কে করূব্‌‌‍‌পুনে উবোসনা ঘরর্ দোগিণেদি থিয়্যেই এলাক্, আর ভিদিরে উদোনান্ মেঘে ভুরি গেলঅ।

ইব্রীয় 9:5

সেই সিন্দুক্কো উগুরে গোজেনর্ মহিমালোই ভোজ্যে দ্বিবে সনার্ করূব এলঅ। তারার্ ডুয়োগানি সেই সিন্দুগোর ঢাগনি উগুরে মেল্যে এলঅ। এই ঢাগনিগান উগুরে পাপ ঢাগি দিয়্যে অদঅ। খালিক্ ইয়েনির্ টুগিটাগির্ কধা কনা ইক্কিনে সম্ভব নয়।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।