যাত্রা 24:17 - Chakma Bible

¹⁷ ইস্রায়েলীয়গুনোর্‌ চোগোত্‌ লগেপ্রভুর মহিমাগান জোল্‌-জোল্যে আগুনো ধোক্ক্যেন ওইনে মুড়োবোর্‌ মাদাথ্‌ দেগা দিলো।

যাত্রা 24:17 ပူးပေါင်းရင်းမြစ်များ

২ শমূয়েল 22:13

তা পহ্‌রানর্‌ মুজুঙোত্‌ কারেনানে ঝিমিত্‌ ঝিমিত্‌ গুরি উদো ধুরিলো।

২ শমূয়েল 22:9

তা নাগত্তুন্‌ ধূমোগানে উগুরে উদিলো, তা মুয়োত্তুন্‌ ভস্তগুরিয়্যে আগুনানে নিগিলি এলঅ, তা মুয়ো আগুনে আঙারাগুন্‌ জুলি উদিলাক্।

যাত্রা 19:18

সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যাত্রা 3:2

সিয়েনত্‌ এক্কো ঝুবো সেরেত্তুন্‌ জ্বোল্‌জোল্যে আগুনো ভিদিরেত্তুন্‌ লগেপ্রভুর্‌ দূত্‌তো তাল্লোই দেগা দিলো। মোশি দেগিলোদে, ঝুপ্পোত্‌ আগুন জুলিলেয়ো সিবে পুড়ি ন-যার্‌।

যিহিষ্কেল 1:27

মুই দেগিলুং ফারত্তুন্ ধুরি উগুরে সং তে চাদে এলদে দোগ্‌দোক্ক্যা ধাতু ধোক্ক্যেন, যেন সিবে আগুনে ভরা, আর ফারত্তুন্ ধুরি তলে সং তারে আগুনো ধোক্ক্যেন রিনি চাদে লাগের্; তা চেরোকিত্তে এলদে দোগ্‌দোক্ক্যা পহ্‌‌র।

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।

দ্বি’লম্বর বিররণ 9:3

মাত্তর্‌ তুমি এ কধাগান মনত্‌ রাগেয়ো, তমার গোজেন লগেপ্রভুই ভস্তগুরিয়্যে আগুনো ধোক্ক্যেন তমার আগে আগে যর্দন গাঙান্‌ পার্‌ ওইনে যার্‌। তে তারারে ভস্ত গুরি দিবো; তেয়ই তমা ইদু তারারে অদেই দিবো। তমা ইদু লগেপ্রভু যে আশ্বাজ্ দিয়্যে সেই মজিম তুমি তারারে ধাবেই দিবা আর কম্‌ সময়োর্‌ ভিদিরে তারারে শেজ গুরি ফেলেবা।

ইব্রীয় 12:18

যে জ্বোল্‌জোল্ল্যা মূড়ো ধরা যায় সেবাবোত্যে কনঅ মূড়ো কায়-কুরে তুমি ন-এজঅ। তুমি ঘুর্‌ঘুজ্জ্যে আন্ধার্ আর ঝড় বা কনঅ তূরীর্ রঅ আহ্ কধা রবোর্ কায়-কুরেয়ো ন-এজঅ। যিগুনে সেই কধানি শুন্ন্যন্ তারা কোজোলি গুরিনে কোইয়োন যেন তারা ইধু আর কিচ্চু কুয়ো ন-অয়,

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।