যাত্রা 23:26 - Chakma Bible

²⁶ সেক্কে তমা দেজত্‌ কারঅ‌ পেদ ভিদিরে গুরোগুন্‌ বর্‌বাদ ন-অবাক্ আর কনজনে ভাজ্‌ ন-থেবাক্। মুই তমারে দীর্ঘ আয়ুলোই বাঁজেই রাগেম।

যাত্রা 23:26 ပူးပေါင်းရင်းမြစ်များ

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

পত্থম 35:29

এক্কান্‌ পরিপূরোন জিংকানি কাদেইনে তে বুড়ো বয়জত্‌ মুরি যেইনে তা আগ মানুচ্চুনো ইধু গেলগোই। তার পুয়ো এষৌ আর যাকোবে তারে গোর্ দিলাক্।

১ বংশধর 23:1

দায়ূদে যেক্কে লুম্বুর বুড়ো ওই গেলঅ সেক্কে তা পুয়ো শলোমনরে তে ইস্রায়েল উগুরে রাজা বানেল।

ইয়োব 21:10

তারার্‌ বলদ গোরুগুন এগত্তর্‌ অলে সিয়েন্‌ কনদিন বিফল ন-অয়; তারার্‌ পাড়ী গোরুগুনে ছঅ ফুদোন্‌, তারার্‌ পেত্‌তুন্‌ বর্‌বাত্‌ ন-যায়।

ইয়োব 42:17

এধোক্ক্যেন গুরি ইয়োবে বুড়ো ওইনে বোউত্ দিন বাজানার পরেদি মুরি গেলঅ।

ইয়োব 5:26

যেধোক্কেন্‌ গুরিনে অক্ত মজিম্‌ ফসল তুলো অয় সেধোক্কেন্‌ গুরিনে দীর্ঘ আয়ু পেইনে তুই গোর্‌ পেবে।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 144:13

আমা গোলা ঘরানি যেন নানান্ বাবোত্যে হানালোই ভরা থায়; আমা ভেড়াগুনে যেন মাদত্ আজার্ আজার্, লাখ্ লাখ্ ছঅ পুদোন্।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

যিশাইয় 65:20

সিদু কনঅ চিগোন্ গুরো মুরি ন-যেবাক্, বা কনঅ বুড়ো মানুচ্ আয়ু থুম্ ন-অলে ন-মুরিবাক্। কনজনে একশঅ বজর্ বয়জত্ মুরি গেলেয়ো তারে গাবুজ্যে কুয়ো অবঅ; যে একশঅ বজর্ ন-বাঁজিবো তারে অভিশাব্ পেইয়্যে কুয়ো অবঅ।

হোশেয় 9:14

ও লগেপ্রভু, মুই এ মানুচ্চুনোত্তে কি চেইম্? তুই তারারে কি দিবে? তুই তারার্ পুয়ো-ছা বর্‌বাত ওই যেবার পেট্ আর শুগুনো বুগ্ দে।

দ্বি’লম্বর বিররণ 28:4

তুমি আশিদ্‌বাদ পেবা যার কারনে তমার গিরির্ বোউত ঝি-পূঅ, ক্ষেদত বোউত ফসল আর গোরু-ছাগল-ভেড়া পালর ভালোক্কুন ছঅ অবাক্।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 7:14

অন্য বেক্‌ মানুচ্চুনোত্তুন্ তুমি বেশ্‌ বর্ পেবা। তমাত্তুন্‌ কনজনে গুর-গারা নেইয়্যে ন-থেবাক্‌ আর তমা পালত্তুন কনঅ য়েমান ছঅছাড়া ন-থেবাক্‌।