যাত্রা 23:1 - Chakma Bible

¹ মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্‌জ্যরে এজাল্ ন-দিবা।

যাত্রা 23:1 ပူးပေါင်းရင်းမြစ်များ

পত্থম 39:17

পরেদি তে পোটীফর মুজুঙোত্ এ কধাগান্‌ জানেবাত্তে যেইনে কলঅ, “তুই যে ইব্রীয় চাগর্‌বো আমা ইধু আন্ন্যস্‌ তে মরে অগমান্‌ গুরিবার্‌ ফন্দিলোই মঅ ঘরত্‌ চোম্মেগোই।

২ শমূয়েল 16:3

রাজা পুযোর্‌ গুরিলো, “তঅ গিরোজ্‌সোর্‌ নাদিন্নো কুদু?” সীবঃ তারে কলঅ, “তে যিরূশালেমত্ আঘে, কিত্যে তে কলদে, ‘এচ্চ্যে ইস্রায়েলীয়গুনে মঅ আজুবোর্‌ রেজ্যগান মরে ফিরেই দিবাক্।’”

২ শমূয়েল 19:27

মঅ গিরোজ মহারাজ মুজুঙোত্ তে মঅ বন্নাম্ গোজ্যে। মঅ গিরোজ্‌ মহারাজে গোজেনরর্ এক্কো দূতো ধোক্ক্যেন্‌; সেনত্তেই মঅ উগুরে তর্‌ যিয়েন্ হুজি সিয়েনই গর্‌।

গীতসংহিতা 101:5

যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 120:3

ও ছলনাগুরিয়্যে জিলান্, তে তরে কি দিবো? তে কি তরে আরঅ সাজা ন-দিবো?

গীতসংহিতা 15:3

পররে নিন্দে ন-গরে, সমাজ্যেরে ক্ষেতি ন-গরে, পাড়াল্যেগুনোর্ সর্মানান্ বর্‌‌বাদ্ ন-গরে,

গীতসংহিতা 27:12

মর্ শত্রুগুনোর ইদু মরে ছাড়ি ন-দিচ্, কিত্যে মিজে সাক্ষিগুনে মঅ বিরুদ্ধে থিয়্যেয়োন্; তারার্ নিযেজর্ লগে নিগিলি এজের্ অত্যেচার কধানি।

গীতসংহিতা 35:11

অত্যেচারিগুনে মিজে সাক্ষি দিবাত্তে উজেই এত্তন্, আর মুই যিয়েনি হবর্ ন-পাং সে পৌইদ্যেনে মরে পুযোর্ গত্তন্।

যাত্রা 20:16

কারঅ বিরুদ্ধে মিজে সাক্ষী ন-দুয়ো।

যাত্রা 23:7

সাজেয়্যে মামলাত্তুন্‌ দূরোত্‌ থেবা আর কনঅ‌ দুষ্‌ নেইয়্যে বা গম্‌ মান্‌জ্যরে মরণর সাজা-ন-দিবা। এই অন্যেয়ানি যে গুরিবো তারে মুই রেহাই ন-দিম্‌।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

গম্ উপদেজ্ 12:17

সত্যবাদী সাক্ষির ফলে গম্ বিচের অয়, মাত্তর্ মিজেকধা কোইয়্যে সাক্ষির ফলে ভুল বিচের্ অয়।

গম্ উপদেজ্ 14:5

বিশ্বেজি সাক্ষি মিজে কধা ন-কয়, মাত্তর্ অবিশ্বেজি সাক্ষি মিজে কধা কয়।

গম্ উপদেজ্ 17:4

পাজি মান্‌জ্যে ভান্ন্যেই কধা শুনে; মিজে কধা কোইয়্যে সর্বনাশ কধা শুনে।

গম্ উপদেজ্ 19:28

পাজি সাক্ষিগুনে দোল্ বিচেরানি ঈচ্ গরন্; পাজিগুনে ভান্ন্যেই কামত্ থান।

গম্ উপদেজ্ 19:5

মিজে সাক্ষিগুনে সাজা পেবাক্কে পেবাক্; যে সাক্ষিবো মিজে কধা কয় তে রেহাই ন-পেবঅ।

গম্ উপদেজ্ 19:9

মিজে সাক্ষিবলা সাজা পেবাক্কে পেবাক্; যে সাক্ষিবো মিজে কধা কয় তে ভস্ত অবঅ।

গম্ উপদেজ্ 21:28

মিজে সাক্ষিবো ভস্ত ওই যেবঅ, মাত্তর্ যে মানুচ্চো মনযোগ দিইনে শুনে তা কধাগান উমরত্তে থিদেবর্।

গম্ উপদেজ্ 24:28

কিচ্চু হবর্ ন-পেইয়্যে গুরি তঅ পাড়াল্যেগুনো বিরুদ্ধে সাক্ষ্য ন-দিচ্, বা মুয়োন্দোই ছলনা ন-গুরিচ্।

গম্ উপদেজ্ 25:18

যে মানুচ্চো পাড়াল্যে বিরুদ্ধে মিজে সাক্ষি দে তে গদা, তলোয়ার আর ধারেয়্যে সেল ধোক্ক্যেন্।

গম্ উপদেজ্ 25:23

উত্তেরেদি বোইয়্যেরানে যেধোক্ক্যেন্ ঝড় আনে, সেধোক্ক্যেন্ নিন্দেগুরিয়্যেবোর কধালোই অন্যগুনোর মুয়োত্ রাগর্ ভাব দেগা যায়।

গম্ উপদেজ্ 6:19

মিজে কধা কোইয়্যে মিজে সাক্ষি, আর ভেইয়্যে ভেইয়্যে যাগুলুক্ বাজেয়্যে মানুচ্।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

লেবীয় 19:11

চুর্‌ ন-গুরিবা, কাররে ন-ঠোগেবা, মিজে কধা ন-কবা।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

মথি লেখ্যে গম্ হবর্ 19:18

সে গাবুজ্যে মরত্তো কলঅ, “কন্ কন্ উগুমানি?” যীশু কলঅ, “খুন্ ন-গুরিচ্, সিনেলী ন-গুরিচ্, চুর্ ন-গুরিচ্, মিজে সাক্ষি ন-দিচ্,

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”

লূকে লেখ্যে গম্ হবর্ 3:14

কয়েক্কো সৈন্যয়ো তারে পুযোর্ গুরিলাক্, “আর আমি কি গুরিবোং?” যীশু সেই সৈন্যগুনোরে কলঅ, “জুলুম্ গুরিনে বা অন্যেয়গুরি দুষ্ দেগেইনে কারত্তুন্ কিচ্চু আদায় ন-গোজ্য আর তমা বেতনুন্দোই হুজি থাগঅ।”

যোহন 7:51

তে কলঅ, “কারঅ মুয়ো কধা ন-শুনিনে আর তে কি গোজ্যে সিয়েনি কোই ন-পারিনে কাররে সাজা দিবার্ বেবস্থা কি আমা রীতি-সুদোম আঘে?”

রোমীয় 3:8

গম্ ওইয়্যে, সালে কি আমি এ কধাগান্ কবং, “যেই, আমি ভান্ন্যেই কাম্ গুরিই যাতে সেই ভান্ন্যেয়র্ মাধ্যমে গম্ জিনিস্‌‌‌‌চান এই পারে”? কনঅ কনঅ মান্‌জ্যে আমারে বদ্‌‌নাঙ্ গুরিনে কন্, আমি এ বাবোত্যে কধা কোই থেই। তারার্ পাওনা সাজা তারা পেবাক্।

ইফিষীয় 4:25

ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

দ্বি’লম্বর বিররণ 5:20

কারঅ বিরুদ্ধে মিজে সাক্ষি ন-দুয়ো।

২ তীমথিয় 3:3

তারা ইধু কোচ্‌পানা জিনিস্‌চান ন-থেবঅ, আর তারা কোল্-কোজ্জ্যে গুরিনে মিলেমিলি ন-অবাক্। তারা পররে বন্নাং গুরিবাক্, নিজোরে দোঙেই ন-পারিবাক্, চিৎ-নপুজ্জ্যে অবাক্, আর যিয়েন গম্ সিয়েন ঘিনেবাক্।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।