যাত্রা 22:31 - Chakma Bible

³¹ “তুমি অবা মর্‌ নাঙে যুদো গোজ্যে মানুচ্‌। সেনত্তেই এন্‌ কনঅ‌ য়েমানর্‌ য়েরা তুমি ন-হেবা যিবেরে কনঅ‌ ঝাড়্‌বো জানোয়ারে কট্টা কট্টা গুরি মাদঠ্‌ ফেলে রাগেয়্যে; সিয়েনি কুকুরোরে হেবাত্তে দিবা।”

যাত্রা 22:31 ပူးပေါင်းရင်းမြစ်များ

ইষ্রা 9:2

তারা নিজোরে আর তারার্ পুয়োগুনোত্যে মোক্ ইজেবে সেই জাদর্ মিলেগুনোরে মানি লোইয়োন, আর এবাবোত্যেগুরি তারার্‌ সুদ্ধো-সাংগ জাদরে সেই জাদ্‌‌তুনো সমারে মিজেই ফেল্যন্। এন্ কি, নেতাগুনে আর দাঙর্ পোজিশনর্ কামগুরিয়্যেগুনে পত্তমে এই অবিশ্বেজর্ পথ্‌‌তান্ দেখ্যন।”

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

যিহিষ্কেল 44:31

মুরি যেইয়্যে বা ঝর্‌‌‌‌‌বো য়েমানে কট্টা গোজ্যন্ এবাবোত্যে কনঅ পেগ্ বা য়েমান ধর্মগুরুগুনে ন-হেবাক্।

লেবীয় 20:25

সেনত্তে য়েমান আর পেগো ভিদিরে কুবো সুদ্ধো-সাংগ আর কুবো ফি-বলা সিয়েনি বুঝিনে তমাত্তুন্‌ চলা পুরিবো। যিদুক্কুন্‌ য়েমান-পেখ্‌ বা মাদি উগুরে ঘুরি বেড়ান্দে চিগোন্-চাগোন্ প্রাণী তমাত্তে মুই ফি-বলা বিলি ফারগ্ গুরি দুয়োং, সিগুনোর্‌ কনবোলোই যেন তুমি নিজোরে ঘিনাইদে মানুচ্‌ ইজেবে ন-অ।

লেবীয় 22:8

তে কনঅ মরা য়েমান বা ঝার্‌বো য়েমানে হেই ফেলেয়্যে য়েমানর্‌ য়েরা হেইনে নিজোরে ফি-বলা গুরি ন-পারিবো। মুই লগেপ্রভু।

লেবীয় 7:24

মরা য়েমানর্‌ অথবা ঝাড়্‌বো য়েমানে ছিনি ফেলেয়্যে য়েমানর্ তেল্‌ তুমি অন্য কামত্‌ বেবহার্‌ গুরি পারিবা মাত্তর্‌ সিয়েন্‌ হেই ন-পারিবা।

প্রেরিত্‌ 10:14

পিতরে কলঅ, “না, না, প্রভু, কনঅ বাবদে না। অপবিত্র বা অসিজি কনঅ কিজু মুই কনদিন্অ ন-হাং।”

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।