যাত্রা 22:30 - Chakma Bible

³⁰ তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।

যাত্রা 22:30 ပူးပေါင်းရင်းမြစ်များ

পত্থম 17:12

বংশর্‌ পর্‌ বংশ ধুরিনে তমার্‌ পত্তি মরদ্‌ পুয়োগুনোর্‌ জর্ম অনার্‌ আস্‌টো দিনোত্‌ এ চুনুগুলোবোর্ মাদাগান্ কাবানা অনুষ্ঠানান্‌ গরা পড়িবো। তর্‌ বংশর্‌ কনজনে ন-ওইনে তমা ঘরর্‌ চাগর্‌ অলেয়ো তারারে বেক্কুনোরে এ চুনুগুলোবোর্ মাদাগান কাবি দে পড়িবো, তারা তমা ঘরত্‌ জর্মেয়োন এবাবোত্যে কনঅ চাগরর্‌ পুয়ো ওক্‌ বা টেঙালোই বিদেশীগুনোত্তুন্‌ কিনে চাগর্‌ ওক্‌।

যাত্রা 13:12

সেক্কে তুমিয়ো তমার্‌ পত্তি ঘরর্‌ পত্তম মরদ পূয়োবোরে লগেপ্রভুর্‌ নাঙে দিবা। য়েমানর্‌ পত্তি পৌইল্যা চেলা ছবুয়ো লগেপ্রভুর্।

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

লেবীয় 11:44

মুই লগেপ্রভু তমার্‌ গোজেন। সেনত্তে তুমি মর্‌ নাঙে নিজোরে ফারক্‌ গুরি রাগেবা আর পবিত্র অবা, কিত্তে মুই পবিত্র। মাদি উগুরে ঘুরি বেড়েয়্যে চিগোন-চাগোন্‌ কনঅ প্রাণীলোই তুমি নিজোরে ফিবলা ন-অবা,

লেবীয় 11:45

কিত্তেই মুই লগেপ্রভু; তমার্ গোজেন অবাত্তে মুই মিসর দেজত্তুন্‌ তমারে নিগিলেই আন্যং। মুই পবিত্র বিলি তমাত্তুনো পবিত্র অয়া পুরিবো।

লেবীয় 12:3

আস্‌টো দিনোত্‌ পূঅবোর্ চুনুগুলো মাদাগান্ কাবিদে পুরিবো।

লেবীয় 17:15

“কনঅ জনে যুনি মরা য়েমানর্‌ বা ঝার্‌বো য়েমানে ছিনি ফেলেয়্যে য়েমানর্‌ য়েরা খায়-তে ইস্রায়েলীয় ওক্‌ বা তারার্‌ ভিদিরে বজত্তি-গোজ্যে জাদর্‌ মানুচ্‌ ওক্‌-তাত্তুন্‌ তার্‌ কাবড়-চুগোর্‌ ধোয়নে পানিলোই গাদা পুরিবো। তে সাজোন্যে সং ফি-বলা অবস্থায় থেবঅ, সে পরেদি তে সুদ্ধো-সাংগ অবঅ।

লেবীয় 22:27

“জর্ম অনার পরেদি গোরু, ভেড়া বা ছাগল ছরে তার্‌ মাবো সমারে সাত দিন সং থেবাত্তে দিয়্যে পুরিবো। আস্টো দিনোত্তুন্‌ ধুরি সিগুনোরে লগেপ্রভুর্ নাঙে আগুন্দোই-গোজ্যে উৎসর্ব ইজেবে গুজি লয়দে ধোক্ক্যেন অবঅ।

লেবীয় 22:8

তে কনঅ মরা য়েমান বা ঝার্‌বো য়েমানে হেই ফেলেয়্যে য়েমানর্‌ য়েরা হেইনে নিজোরে ফি-বলা গুরি ন-পারিবো। মুই লগেপ্রভু।

লেবীয় 7:24

মরা য়েমানর্‌ অথবা ঝাড়্‌বো য়েমানে ছিনি ফেলেয়্যে য়েমানর্ তেল্‌ তুমি অন্য কামত্‌ বেবহার্‌ গুরি পারিবা মাত্তর্‌ সিয়েন্‌ হেই ন-পারিবা।

লেবীয় 7:26

কনঅ পেক্‌ বা য়েমানর্‌ লো তুমি হেই ন-পারিবা, তুমি যিয়োদোই থেদা সাৎ।

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।

দ্বি’লম্বর বিররণ 15:19

তমাত্তুন গোরু-ভেড়া আর ছাগলর পত্তি পত্তম য়েমান ছঅগুন তমার গোজেন লগেপ্রভুর নাঙে যুদো গুরি রাগেবা। তমার গোরুগুনোর পত্তম ছঅ্‌বুয়ো কামত্‌ ন লাগেবা আর ছাগল আর ভেড়ার পত্তম ছঅবুয়োর কেশ্‌চানি ন কাবিবা।