যাত্রা 22:28 - Chakma Bible

²⁸ গোজেনরে অগমান ন-গোজ্য বা তমার শাসনগুরিয়্যেগুনোরে অভিশাব ন-দুয়ো।

যাত্রা 22:28 ပူးပေါင်းရင်းမြစ်များ

২ শমূয়েল 16:5

রাজা দায়ূদে যেক্কে বহুরীমোত্‌ লুমিলো সেক্কে শৌল বংশর এক্কো মান্‌জ্যে সিয়োত্তুন্‌ নিগিলি এলঅ। তে অলদে গেরার্‌ পূঅ শিমিয়ি। তে গেইল্ দি দি এজের্‌।

২ শমূয়েল 16:9

এ কধানি শুনিনে সরূয়ার পূঅ অবীশয় রাজারে কলঅ, “এ মরা কুগুর্‌বো কিত্তে মঅ গিরোজ্‌ মহারাজরে গেইল্ দের্‌? মরে তা মাধাবো কাবি ফেলেবাত্তে উগুম্ দে।”

২ শমূয়েল 19:21

সেক্কে সরূয়ার পূঅ অবীশয় কলদে, “লগেপ্রভুর অভিষেগ্ গোজ্যে মানুচ্চোরে শিমিয়ি গেইল্ দিয়্যে বিলিনে কি তারে মারে ফেলানা উজিত্ নয়?”

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

গীতসংহিতা 138:1

ও লগেপ্রভু, মনে পরাণে মুই তরে বাঈনী গুরিম; এন্ কি, দেবেদাগুনো মুজুঙত্‌অ মুই তর্ নাঙ্ গিনেদে-গীদ্ গেইম্।

গীতসংহিতা 32:6

সেনত্তেই যেদকদিন সুযোগ আঘে সেদকদিন তর্ ভক্তগুনে তইদু তবনা গোরোদোক্; ঘেচ্চেকগুরি, দজা যেক্কেনে বান পানি ধোক্ক্যেন্ দেগা দিবো সেক্কেনে সিয়েন্ তারা ইদু ন-এবঅ।

যাত্রা 13:12

সেক্কে তুমিয়ো তমার্‌ পত্তি ঘরর্‌ পত্তম মরদ পূয়োবোরে লগেপ্রভুর্‌ নাঙে দিবা। য়েমানর্‌ পত্তি পৌইল্যা চেলা ছবুয়ো লগেপ্রভুর্।

যাত্রা 13:2

“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

যাত্রা 21:17

যিবের্ কধালোই মা-বাব উগুরে অশ্রদ্ধা থায়্‌ তারে হামাক্কায়্‌ মারে ফেলা পুরিবো।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

উপদেশক 10:20

রাজারে মনে মনে অভিশাব্ ন-দুয়ো বা নিজো বিচ্চোন উগুরেত্তুন্ তাগোয়্যেগুনোরে অভিশাব্ ন-দুয়ো, কিত্তে আগাজ পেক্কুনেয়ো তঅ কধাগান্ বুয়োই নেযেই পারন্; তে উড়ি যেইনে তঅ কধানি কোই দি পারে।

লেবীয় 24:11

সেক্কে সেই ইস্রায়েলীয় মিলেবোর্‌ পূঅবো এক্কান ভান্ন্যেই নাঙে লগেপ্রভুর্ নাঙ্‌ নিইনে অভিশাব্ দিলো। সিয়েন্‌ শুনিনে মানুচ্চুনে তারে মোশি ইদু নেযেলাক্। পূঅবোর মাবো নাঙান্‌ এলঅ শালোমীৎ। তে দান-গুট্টির দিব্রির ঝি। ইয়েন পৌইদ্যেনে লগেপ্রভুর আওজচান্ কি সিয়েন্‌ তাত্তুন্‌ জানিবাত্তেই ইস্রায়েলীয়গুনে সে মানুচ্চোরে আক্‌সো রাগেলাক্‌।

লেবীয় 24:15

তুমি ইস্রায়েলীয়গুনোরে জানেই দুয়ো যুনি কনজনে তার গোজেনরে অভিশাব দেয় সালে তারে সিয়েনত্তে দায়ী গরা অবঅ।

লেবীয় 24:16

ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

প্রেরিত্‌ 23:3

সেক্কে পৌলে অননিয়রে কলঅ, “ভন্ড, গোজেনে তরেয়ো আঘাত্ গুরিবো। আইন মজিম মর্ বিচের্ গুরিবাত্তে তুই সিয়েনত্ বোচ্চ্যস্, মাত্তর্ মরে পিদিবাত্তে উগুম দিইনে দঅ তুই নিজেই আইন ভাঙ্যস্।”

প্রেরিত্‌ 23:5

সেক্কে পৌলে কলঅ, “ভেইলগ্, মুই হবর্ ন-পেদুং, ইবে দাঙর্ ধর্মগুরু। যুনি হবর্ পেদুং সে কধাগান্ ন-কদুং, কিয়া পবিত্র বোইবোত্ লেগা আঘে, ‘তর্ জাদর্ নেতাবোরে অসর্মান ন-গোজ্জ্য।’ ”

১ পিতর 2:17

বেক্‌ মানুচ্চুনোরে সর্মান গরঅ, তমার বিশ্বেজি ভেইয়ুনোরে কোচ্‌পঅ, গোজেনরে ভোক্তি গরঅ, সম্রাটরে সর্মান গরঅ।

যিহূদা 1:8

তো এই ফক্কর্ মাষ্টরুনে সেধোক্ক্যেন গুরিনে ভান্ন্যেই স্ববন্দোই নিজোর কিয়্যেগানরে অসিজি গোজ্জ্যন, স্বর্গদূদ্‌তুনোর্‌ শাসন এলাফেলা গোজ্জ্যন আর সেই বাঈনী গরা হেইয়্যে মানুচ্চুনো বিরুদ্ধে অগমানর্ কধা কোইয়োন।

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?