যাত্রা 22:24 - Chakma Bible

²⁴ সেক্কে মর্ রাক্কান্‌ জুলি উদিবো আর তুমি যুদ্ধোত্‌ মারা পুড়িবা। সেনে তমা মোক্কুনে রানিমিলে অবাক্‌ আর পূঅ-ঝিগুনে তারার্‌ বাপ্পোরে আরেবাক্‌।

যাত্রা 22:24 ပူးပေါင်းရင်းမြစ်များ

নহিমিয় 5:7

মুই তারার্‌ কধানি মনে মনে ভাবি চেলুঙ্‌ আর সে পরেন্দি মুরুব্বী মানুচ্চুনোরে আর নেতাগুনোরে দুষ্‌ ধুরিনে কলুঙ্‌, “তুমি তমার্‌ নিজো দেজর্‌ মানুচ্চুনোর্‌ ইত্তুন্‌ সুদ আদায় গোজ্য।” সেনত্তেই মুই তারার্‌ বিচের্‌ গুরিবাত্তে দাঙর্‌ এক্কো মিটিং ডাগিলুঙ্‌।

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

গীতসংহিতা 109:2

পাজি ছলনাগোজ্যে মানুচ্চুনে মঅ বিরুদ্ধে মু খুল্যন্; তারার মিজেকধা কোইয়্যে জিলানিলোই তারা মঅ বিরুদ্ধে কধা কোইয়োন্।

গীতসংহিতা 109:9

তারার ঝি-পুয়োগুনে বাপ্পোরে আরাদোক্; তারা মোগ্‌কুনে রানী ওদোক্।

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 69:24

তর্ অমকদ অগমানে তুই তারারে গেইল্ দে; তর্ জোলজোল্যে রাগ্‌কানে তারারে ধোরোক্।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

গীতসংহিতা 90:11

তর্ রাগর খেমতাগান কন্না বুঝি পারে? কয়জন মনত্ তর্ পাইদ্যে ভোক্তিগান আঘে, যেনে তারা তর্ রাগ্‌কান বুঝোন্?

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

আবিলেচ্ 5:3

আমি অনালর্ ওইয়্যেই, আমার বাপ্‌পো নেই, আমা মাগুনে রানি ওইয়োন্।

লেবীয় 25:35

তমার্‌ কনঅ ইস্রায়েলীয় ভেই যুনি নাদা অবস্থায় পড়িনে নিজোর্‌ হানা-উরোনার বেবস্থা গুরি ন-পারে, তো যেনে তে তমা ভিদিরে বজত্তি গুরি পারে সেনত্তেই পরবাস্যেগুনোরে যেধোক্ক্যেনগুরি সাহায্য গরা অয় তারেয়ো সেধোক্ক্যেন গুরিনে সাহায্য গরা পুরিবো।

লেবীয় 25:36

তুমি তাত্তুন্‌ কনঅ বাবদে সুদ নেযেই ন-পারিবা, বরং মানুচ্চো যেনে তমা ইধু বজত্তি গুরি পারে সেনত্তেই তমার গোজেনরে তুমি দোরেনেই চলিবা।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

লূকে লেখ্যে গম্ হবর্ 6:38

দান্ গরঅ, সেক্কে গোজেনেয়ো তমারে দিবো, বোউত্ বেশ্ গুরি, চাপি চাপি, ঝাগেরে ঝাগেরে, উগুরি পড়েদে ধোক্ক্যেন্ গুরি তমারে দিয়্যে অবঅ, কারন যেবাবোত্যেগুরি তুমি মাবি দুয়ো সেবাবোত্যেগুরি তমাত্তে মাবা অবঅ।”

দ্বি’লম্বর বিররণ 23:20

অন্য জাদর্‌ মানুচ্চুনোত্তুন্‌ তুমি সুদ নেযেই পার মাত্তর্‌ কনঅ ইস্রায়েলীয় ভেইয়োত্তুন নয়। এধোক্ক্যেন গুরি আদিলে তুমি যে দেজ্‌ছান্‌ গজক্ গুরিবাত্তে যর্‌ সিয়েনত্‌ তুমি যিয়েনত্‌ আঢ্ দিবা সিয়োদোই তমার গোজেন লগেপ্রভু তমারে আশিদ্‌বাদ গুরিবো।

দ্বি’লম্বর বিররণ 23:21

তমার গোজেন লগেপ্রভু ইদু যুনি তুমি কনঅ মানত্‌ গরঅ সালে সিয়েন্‌ ছিরেদে দেরী ন-গোজ্য, কিত্যে তমা গোজেন লগেপ্রভু কনদিনঅ সিয়েন্ ইরি ন-দিবো। সিয়েন্‌ ন-ছিড়েলে তমার্‌ পাপ্‌ অবঅ;

ইব্রীয় 10:31

জেদা গোজেন আঢত্ পড়ানা কি দর্‌‌গরেপারা।