যাত্রা 22:20 - Chakma Bible20 লগেপ্রভুরে বাদে যুনি কনজনে কনঅ দেবেদা ইদু কিজু উৎসর্ব গরন্ সালে তারেয়ো মারে ফেলা পুরিবো। အခန်းကိုကြည့်ပါ။ |
যাত্রা 22:20
20 ပူးပေါင်းရင်းမြစ်များ
যেহূ পূজ্যে-উৎসর্বর অনুষ্ঠানান্ থুম্ গরানার্ লগে লগে চুগিদার আর সেনাপতিগুনোরে উগুম দিলো, “তুমি ভিদিরে সুমিনে তারারে মারে ফেলঅ; একজন্অ যেনে ধেই যেই ন-পারন্।” সেক্কে তারা লাম্বা ছুড়িলোই তারারে কাবি ফেলেলাক্। চুগিদার আর সেনাপতিগুনে মরাকিয়্যেগানি মন্দিরোর্ বারেন্দি ফেলেই দিইনে ভিদিরে ঘরত্ গেলাক্।
এ ভিদিরে তারা মর্ উগুমোত্তুন্ দূরোত্ সুরি যেইয়োন্। তারা নিজোত্তেই গোরু ছঅ ধোক্ক্যেন এক্কো মূত্তি বানেয়োন। তারা মাদিত্ পুরিনে সিবেরে পূজো গোজ্যন্ আর সিবের্ নাঙে য়েমান্-উৎসর্ব গুরিনে কোইয়োন, ভেইলক্, ইবে ভিদিরে আগন্ তমা দেব-দেবেদাগুন্। এই দেব-দেবেদাগুনে মিসর্ দেজত্তুন্ তমারে নিগিলেই আন্যন্।
বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।
ကြော်ငြာတွေ