যাত্রা 20:20 - Chakma Bible20 সেক্কে মোশি মানুচ্চুনোরে কলঅ, “তুমি ন-দোরেয়ো। গোজেনে তমারে পোরোক্ষেত্ ফেলেয়্যে যেনে তমার মনত্ ভক্তির্ মনভাব থায়্ আর সিয়েনর্ কারনে তুমি পাপ ন-গরঅ। সেনত্তেই তে এচ্চ্যে।” အခန်းကိုကြည့်ပါ။ |
যাত্রা 20:20
22 ပူးပေါင်းရင်းမြစ်များ
মাত্তর্ মঅ আগেন্দি যিদুক্কুন্ শাজন্গুরিয়্যে এলাক্ তারা মানুচ্চুনোর্ উগুরে অমকদ গুয়োর্ বুদি চাপি দুয়োন্ আর হানা-দানা আর আংগুর-রস বাদেয়ো তারাত্তুন্ পাচশঅ কুড়ি গ্রাম রূবো নিদাক্। তারার্ চাগর্-বাগরুনেয়ো মানুচ্চুনোর্ উগুরে চেলা চোদেদাক্। মাত্তর্ গোজেনর উগুরে ভোক্তিপূর্ণ দর্ থানাই মুই সেধোক্কেন্ কাম্ ন-গরঙ্,
ইস্রায়েলীয়গুন, তমা গোজেন লগেপ্রভু ইক্কিনে তমাত্তুন্ কি চায়? তে বানা চায়দে যেনে তুমি তমার্ গোজেন লগেপ্রভুরে ভোক্তি গরঅ, সিয়েনি পৌইদ্যেনে তার্ পধন্দি চল্লো, তারে কোচ্পেবা, তমার বেক মনান-পরাণান দিইনে তারে সেবা গরঅ আর তমার্ গম কামত্তে এচ্চ্যে মুই তমা ইদু লগেপ্রভুর্ যেদক্কানি উগুম্ আর সুদোম দুয়োঙর্ সিয়েনি পালন গরঅ।
তুমি সে দিনোর্ কধা মনত্ তুল্য যেদিন্যে তুমি হোরেবত্ তমার্ গোজেন লগেপ্রভুর মুজুঙোত্ আঝিল্ ওইয়ো। সেদিন্যে তে মরে কোইয়্যেদে, মঅ কধানি শুনিবাত্তে তুই মানুচ্চুনোরে মঅ মুজুঙোত্ এগত্তর্ গর্ যেনে তারা এ পিত্থিমীত্ সারা জিংকানিবর্ মরে ভোক্তি গুরি চুলিনে শিগি পারন্ আর তারার্ ঝি-পূঅগুনোরে মর্ উগুমোর্ কধাগানি শিক্ষ্যে দি পারন্।
ကြော်ငြာတွေ