যাত্রা 20:2 - Chakma Bible

² ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যাত্রা 20:2 ပူးပေါင်းရင်းမြစ်များ

১ রাজাবলী 18:39

ইয়েন্‌ দেগিনে মানুচ্চুনে মাদিত্‌ আদু পাড়ি পড়িনে রঅ ছাড়িনে কলাক্‌, “লগেপ্রভুই গোজেন, লগেপ্রভুই গোজেন।”

২ রাজাবলী 17:12

তারা মূত্তি পূজো গুরিদাক্‌, যুনিয়ো লগেপ্রভু তারারে সিয়েনি গুরিবাত্তে মানা গোজ্যে।

২ রাজাবলী 17:7

ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

২ বংশধর 28:5

সেনত্তে তার্‌ গোজেন লগেপ্রভু তারে অরামর রাজা আঢত্‌ তুলি দিলো। অরামীয়গুনে তারে ওদেই দিলাক্‌ আর তার্‌ ভালোক্কুন্‌ মান্‌জ্যরে বন্দী গুরিনে দামেস্কত্‌ নেযেল। তারেয়ো ইস্রায়েলর রাজা পেকহের আঢত্‌ তুলি দিয়্যে অলঅ। ইস্রায়েলর রাজা তার্‌ বোউত্‌ মান্‌জ্যরে মারে ফেলেল।

গীতসংহিতা 50:7

“ও মর্ মানুচ্চুন, শোন্, মুই কধা কঙর্; ও ইস্রায়েল, মুই তর্ বিপক্ষে সাক্ষি দুয়োঙর্; মুই গোজেন, তর্ গোজেন।

গীতসংহিতা 81:10

মুয়ই লগেপ্রভু, তমা গোজেন; মুয়ই মিসর দেজত্তুন্ তমারে নিগিলে আন্যং। তুমি দাঙর্ গুরি মুয়োন আহ্ গর্, মুই সিয়েন ভোরেই দিম।

গীতসংহিতা 81:11

মাত্তর্ মঅ মানুচ্চুনে মঅ কধানি ন-শুনিলাক্; ইস্রায়েল মর্ বাধ্য অদে রাজি ন-অলঅ।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 13:14

“ভবিচ্চদে যেক্কে তমা পূয়োগুনে ইয়েনির্‌ অত্তগানি তমাত্তুন্‌ পুযোর্‌ গুরিবাক্ সেক্কে তুমি পত্তিজনে কবা, ‘লগেপ্রভু মিসরর্ দাসত্বত্তুন্‌ তাঁর্‌ খেমতাগান্‌ দেগেইনে আমারে নিগিলেই আন্যে।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 15:13

তর্‌ অমহদ কোচ্‌পানায়্‌ তুই‌ যিগুনোরে ছাড়েই আনিলে তারারে তুয়ই চালেই নেযেবে। তর্‌ নিজোর্‌ বল্লোই‌ তর্‌ পবিত্র ঘরত্‌ তুই তারারে চালেই আনিবে।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যাত্রা 20:1

ইয়েন পরেন্দি গোজেনে কলঅ‌,

যাত্রা 29:46

সেক্কে তারা জানি পারিবাক্‌, মুই লগেপ্রভু তারার্‌ গোজেন। মুই তারা ইদু বজত্তি গুরিম বিলিই মিসর দেজত্তুন তারারে নিগিলেই আন্যং। মুয়ই লগেপ্রভু তারার্‌ গোজেন।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিরমিয় 16:14

লগেপ্রভু কোইয়্যেদে, এমন দিন এজের্ যেক্কে মানুচ্চুনে আর্ ন-কবাক্, যিবে ইস্রায়েলীয়গুনোরে মিসর দেজত্তুন্ নিগিলেই আন্যে সেই জেদা লগেপ্রভুর নাঙে,

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 34:13

মুই ইস্রায়েলর গোজেন লগেপ্রভু কঙর্, মুই যেক্কে তমা পুরোণি মানুচ্চুনোরে মিসরত্তুন, চাগর্ কাদানা দেজত্তুন্ নিগিলেই আন্যং সেক্কে তারাত্তে এ সুদোমান থির্ গুরিনে কোইয়োং,

যিহিষ্কেল 20:19

মুই তারারে আরঅ কলুং, মুয়ই তারার্ গোজেন লগেপ্রভু, সেনত্তে মর্ সুদোমানি যেন তারা পালান্ আর মর্ রীদি-সুদোমানি মানি চলন।

যিহিষ্কেল 20:5

তারারে কঅ, প্রভু লগেপ্রভু কোইয়্যেদে, যেদিন্যে মুই ইস্রায়েলরে বেঈ লোইয়োং সেদিন্যে যাকোব বংশর মানুচ্চুনো ইধু শমক্ হেইয়োঙ্ আর মিসরত্ তারা ইধু নিজোরে ফগদাং গোজ্যং। মুই শমক্ হেইনে তারারে কোইয়োং, মুয়ই তারার্ গোজেন লগেপ্রভু।

যিহিষ্কেল 20:7

মুই তারারে কোইয়োং, যিদুক্কুন জঘন্য মূত্তি তারার ইধু গম্ লাক্যে সিগুন যেন তারা পত্তিজনে দূর গুরি দুয়োন আরঅ মিসরর মূত্তিগুন দিইনে নিজোরে অসিজি ন-গরন, কিত্তে মুয়ই তারার গোজেন লগেপ্রভু।

হোশেয় 12:10

মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

লেবীয় 11:45

কিত্তেই মুই লগেপ্রভু; তমার্ গোজেন অবাত্তে মুই মিসর দেজত্তুন্‌ তমারে নিগিলেই আন্যং। মুই পবিত্র বিলি তমাত্তুনো পবিত্র অয়া পুরিবো।

লেবীয় 19:36

তমার পাল্লাবো, সিলুন্‌ আর অন্যান্য মাবর্‌ জিনিস্‌চানি যেন ঠিগ্ অয়। মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং।

লেবীয় 23:43

ইয়েনর্ মাধ্যমে তমার বংশধরুনে হবর্ পেবাক্, মুই মিসর দেজত্তুন্‌ ইস্রায়েলীয়গুনোরে নিগিলেই আনিনে নাদামান্‌জ্যর-ঘরত্‌ বজত্তি গুরিবাত্তে দুয়োং। মুই লগেপ্রভু তমার গোজেন।”

লেবীয় 25:38

মুই লগেপ্রভু তমার গোজেন। কনান দেজ্‌চান্‌ দিবাত্তে আর তমার্‌ গোজেন অবাত্তে মুয়ই মিসর দেজত্তুন্‌ তমারে নিগিলেই আন্যং।

লেবীয় 25:42

ইস্রায়েলীয়গুনে মর্ চাগর; মুয়ই তারারে মিসর দেজত্তুন্‌ নিগিলেই আন্যং; সেনত্তেই আরঅ কারর চাগর্‌ ইজেবে তারারে বেজানা ন-চলিবো।

লেবীয় 25:55

ইস্রায়েলীয়গুনে বানা মর্ চাগর্‌। মুয়ই তারারে মিসর দেজত্তুন্‌ নিগিলেই আন্যং; তারা মরই চাগর। মুই লগেপ্রভু তমার গোজেন।

লেবীয় 26:1

কনঅ বাবোত্যে দেবেদা মূত্তি তুমি ন-বানেয়ো। নিজোত্তে তক্তালোই কাবিনে বানেয়্যে মূত্তি বা কনঅ পূজোর পাত্তর্‌ তুমি ন-বোজেবা। পূজো গুরিবাত্তে তুমি পাত্তর্ কাবিনে বানেয়্যে কনঅ মূত্তি তমা দেজত্‌ ন-রাগেবা। মুই লগেপ্রভু তমার গোজেন।

লেবীয় 26:13

মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং যেনে মিসরীয়গুনোর্‌ চাগর্‌ ওইনে তমাত্তুন্‌ আরঅ থাহ্ ন-পড়ে । কানাগানর্‌ জুঙোলান্ ভাঙি ফেলেইনে মুয়ই তমা মাদাগুন উজু গুরিনে আদিবার্‌ অবস্থাত্‌ আন্যং।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

রোমীয় 10:12

যিহূদী আর অযিহূদীগুনো ভিদিরে কনঅ বেচ্‌কম্ নেই, কিয়া বেক্কুনোর্ এক্কো প্রভু। যিগুনে তারে ডাগন্ তে তারা উগুরে জদবদে বর্ দে।

রোমীয় 3:29

গোজেনে কি সালে বানা যিহূদীগুনোর্, অযিহূদীগুনোর নয়? অয়, ঘেচ্চেকগুরি তে অযিহূদীগুনোর্‌অ গোজেন,

দ্বি’লম্বর বিররণ 13:10

যিবে তরে মিসর দেজর চাগর্‌ খাদানাত্তুন্‌ নিগিলেই আন্যে তমার সেই গোজেন লগেপ্রভুর ইন্দিত্তুন্‌ তে তরে ফিরেবার চেট্টা গোজ্যে বিলিনে তারে তুই পাত্তর্‌ মারিনে মারে ফেলেবে।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।

দ্বি’লম্বর বিররণ 5:15

মনত্‌ রাগেয়ো, তুমিয়ো মিসর দেজত্‌ চাগর্‌ এলা আর তমা গোজেন লগেপ্রভু তার্‌ দরমর আর বোলী আত্তান বাবেইনে সিয়েনত্তুন্‌ তমারে নিগিলেই আন্যে। সেনত্তে তে জিরেবার্‌ দিন্নোরে পালন গুরিবাত্তে তমারে উগুম দিয়্যে।

দ্বি’লম্বর বিররণ 5:6

মুই লগেপ্রভু তমার গোজেন। মিসর দেজর্‌ চাগর্‌ কাদানাত্তুন্‌ মুয়োই তমারে নিগিলেই আন্যং।

দ্বি’লম্বর বিররণ 7:8

তে সিয়েনি গোজ্যেদে তমা উগুরে তার্‌ অমকদ কোচ্‌পানাত্তে আর তমার পুরোণি মানুচ্চুনো ইদু তে যে শমক্‌ গোজ্যে সিয়েনি রোক্ষে গুরিবাত্তে। সেনত্যে তে খেমতাবলা আঢ্‌তানি বেবহার্‌ গুরিনে তমারে নিগিলেই আন্যে আর মিসরর্‌ রাজা ফরৌণর্‌ আঢত্তুন্‌ আর চাগর খাদানার্‌ দেজত্তুন্‌ তমারে উদ্ধোর্‌ গোজ্যে।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।

বিচের গুরিয়্যেগুন 6:10

মুই তমারে কোইয়োং, মুয়ই লগেপ্রভু তমা গোজেন। যিগুনোর দেজছানত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে তুমি পূজো ন-গুরিবা;’ মাত্তর্‌ তুমি মঅ কধানি ন-শুনো।”