যাত্রা 20:17 - Chakma Bible

¹⁷ “অন্য মান্‌জ্যর্‌ ঘর-দুয়োর্‌, মোক্‌, চাগর-চাগরানী, গোরু-গাধা বা আরঅ কনঅ কিজু উগুরে লুভ্‌ ন-গোজ্য।”

যাত্রা 20:17 ပူးပေါင်းရင်းမြစ်များ

পত্থম 14:23

তর কনঅ জিনিস, এন্‌ কি, এক্কেনা সুদো বা টেঙর্‌ জদা-সেন্দেলর্ ফিটেয়ো মুই ন-নেযেম। এ শমত্‌‌তান্ মুই গরঙর্‌ যেনে তুই কোই ন-পারচ্‌, মঅ সোম্বোত্তিলোই অব্রামে মাজন্‌ ওইয়্যে।

পত্থম 3:6

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

পত্থম 34:23

তারার্‌ গোরু ভেড়া, সয়-সোম্বোত্তি আর বেক্‌ য়েমান ঝাক্ আমা ভিদিরে থেবঅ। সেনত্তে এজঅ, আমি তারা কধানি রাজি ওই। সালে তারা আমা লগে বজত্তি গুরিবাক।”

ইয়োব 31:1

কামনা চোগেদি কনঅ গাবুজ্যে মিলে ইন্দি ন চেম্ বিলিনে মঅ চোগ্‌কুনো লগে মুই এক্কো চুক্তি গোজ্যং।

ইয়োব 31:9

মঅ মনান্ যুনি কনঅ মিলে ইন্দি যেই থায়, বা যুনি পাড়াল্যের্ দোরো কুরে মুই হাপ্ দি থাং,

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

গম্ উপদেজ্ 6:29

যে মানুচ্চো অন্য মোগো ইদু যায় তা দজাগান্ এবাবোত্যে অয়; যে সেই মিলেবোরে ধরে তাত্তুন্ সাজা পাহ্ পড়িবো।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 5:8

তারা পেট ভুরি হেইয়্যে তেজী কামুক ঘোড়া ধোক্ক্যেন এক্কো আর এক্কোর মোগো লগে মিজেবাত্তে ডাগি উঠ্যন্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

মীখা 2:2

তারা খেত্-খামারত্ আর ঘর উগুরে লুভ গুরিনে সিয়েনি কাড়ি নেযান্। তারা মান্‌‌‌‌জ্যরে ঠোগেইনে তারা ঘরানি আর তারা জাগা-ভূইয়ানি নেযান্।

হবক্‌‌‌‌কূক 2:9

জাদ্‌‌‌তুনে কবাক্‌, অভিশাব্ পোড়োক্ তার্, যে অন্যেয় গুরিনে লাভবান্ ওইনে তার্ থেবার ঘরান্ তুলে যেনে তে গমেডালে থেই পারে আর দযাত্তুন্ রোক্ষ্যে পায়।

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”

মথি লেখ্যে গম্ হবর্ 5:28

মাত্তর্ মুই তমারে কঙর্, যে কনজনে কনঅ মিলে ইন্দি অন্য চোগেদি রিনি চায় তে সেক্কে মনে মনে তা সমারে সিনেলী গুরিলো।”

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

প্রেরিত্‌ 5:4

বেজিবার আগেদি ভূইয়ান কি তর্ ন-এলঅ? আর বেজানার্ পরেদিয়ো কি টেঙাগুন্ তঅ আদত্ ন-এলঅ? সালে তুই কিত্ত্যে এবাবোত্যে কাম্ গুরিবে বিলিনে থিক্ গোল্ল্যে? তুই মান্‌জ্য ইধু মিজে ন-কচ্, মাত্তর্ গোজেন ইধু মিজে কধা কোইয়োচ্।”

রোমীয় 13:9

উগুম আঘে, “সিনেলী ন-গোজ্জ্য, খুন্ ন-গোজ্জ্য, চুর্ ন-গোজ্জ্য, লুভ্ ন-গোজ্জ্য।” ইয়েনি বেক্কানি আর এবাবোত্যে আরঅ অন্যান্য উগুমানি মিলিনে এক কধায় কুয়ো ওইয়্যেদে, “তুমি পাড়াল্ল্যেগুনোরে নিজো ধোক্ক্যেন্ কোচ্‌পেইয়ো।”

রোমীয় 7:7

সালে কি আমি কবং যে, রীদি-সুদোম বজং? খামাক্কায় নয়; বরং এ কধাগান্ ঠিগ্ যে, রীদি-সুদোম ন-থেলে পাপ্‌পান্ কি সিয়েন মুই হবর্ ন-পেদুং। “লুভ্ ন-গোজ্জ্য,” রীতি-সুদোমে যুনি এ কধাগান্ ন-কদঅ সালে লুভ্ কি সিয়েন্ মুই কোই ন-পাত্তুং।

১ করিন্হীয় 6:10

যিগুনে চুর্, লুভী, মাত্তল্, যিগুনে পররে বদ্‌নাঙ্ গরন্ আর যিগুনে জোচ্চোর সিগুনে গোজেন রেজ্যর্ অধিকারী ন-অবাক্।

ইফিষীয় 5:3

কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

দ্বি’লম্বর বিররণ 5:21

মান্‌জ্যর মোক্কুনো উগুরে লুভ্‌ ন-গোজ্য। মান্‌জ্য ঘর-দুয়োর, ভূই-জোবিন্, চাগর-চাগরানি, গোরু-গাদা বা আর কনঅ কিজু উগুরে লুভ্‌ ন-গোজ্য।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

যিহোশূয় 7:21

মুই লুদেয়্যে মাল ভিদিরে শিনিয়র দেজর দোল্‌ এক্কান কাবড়্‌, প্রায় আড়ি কেজি রূবো আর ছয়শ গ্রাম ওজনর্ এক্কান সনার কট্টা দেগিনে লুভ্‌ সামেলেই ন-পারিনে সিয়েন নেযেয়োং। সিয়েনি মঅ‌ তাম্বুলান ভিদিরে মাদিত্‌ তলে লুগেয়্যে আঘে আর বেক্কানির তলেদি আগেদে রূবোনি।”

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 15:19

তুই লগেপ্রভুর উগুমান কিত্তে ন-পালাচ্‌? কিত্তে তুই লুদেয়্যে পযাপিরানি উগুরে ঝাবেই পুড়িলে আর লগেপ্রভুর চোগোত্‌ যিয়েনি বজং সিয়েনি গুরিলে?”