যাত্রা 20:12 - Chakma Bible

¹² তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

যাত্রা 20:12 ပူးပေါင်းရင်းမြစ်များ

পত্থম 48:12

সেক্কে যোষেফে তা বাব ইত্তুন্‌ তা পুয়োগুনোরে সোরেইনে মাদিত্‌ মাঢা নিগিরিনে তা বাবরে জু জু দিলো।

পত্থম 50:12

ইস্রায়েল তা পুয়োগুনোরে যিয়েনি গুরিবাত্তে কোইয়্যে সিয়েনি তারা গুরিলাক্।

১ রাজাবলী 2:19

বৎশেবা যেক্কে আদোনিয়র কধানি কবাত্তে রাজা শলোমন ইদু গেলঅ সেক্কে রাজা উদিনে তাইদু যেইনে তারে সালাম গুরিলো আর সে পরেন্দি তার সিংহাসনত্‌ বুজিলো। রাজা তা মাবোত্তে এক্কান আসন আনিনে তার ডেন্‌ ডাগেন্দি রাগেল আর তা মাবো সিয়েনত্‌ বুজিলো।

২ রাজাবলী 2:12

ইলীশায় সিয়েন্‌ দেগিনে কিজেক্ ছাড়িনে কলঅ, “ও মর্‌ বাবা, মর্‌ বাবা, চাহ্, ইস্রায়েল রথ আর ঘোড়ার সৈন্য।” ইয়েনর্ পরেন্দি ইলীশায় আর তারে ন-দেগিলো। সেক্কে তে নিজো কাবড়ান্‌ ধুরি ফাদিপাদাই দ্বিভাগ গুরিলো।

যাত্রা 21:15

বাবরে বা মাবোরে যে আঘাত গরে তারে হামাক্কায়্‌ মারে ফেলা পুরিবো।

যাত্রা 21:17

যিবের্ কধালোই মা-বাব উগুরে অশ্রদ্ধা থায়্‌ তারে হামাক্কায়্‌ মারে ফেলা পুরিবো।

গম্ উপদেজ্ 15:5

বাজে মান্‌জ্যে তা বাব শাজনানরে তুচ্চো গরে, মাত্তর্ উজিয়ার বলা মান্‌জ্যে সংশোধনর কধানি শুনে।

গম্ উপদেজ্ 17:6

নাদিন-পুদিনুন্ বুড়োগুনোর ভবিচ্চদ, আর বাব্‌পো তা পুয়ো-ঝিগুনোরে বাড়্‌বো গুরিবার কধা।

গম্ উপদেজ্ 20:20

যিবের কধালোই মা-বাব উগুরে ভোক্তি ন-থায়, ঘুর্‌ঘুজ্যে আন্ধারত্ তা জিংকানিগান মিলেই যেবঅ।

গম্ উপদেজ্ 28:24

যে কনঅ জনে মা-বাবঅ জিনিস চুর্ গুরিনে কন্দে, “ইয়েন অন্যেয় নয়,” তে ভস্ত গুরিয়্যেবোর্ সমাজ্যে।

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

গম্ উপদেজ্ 30:11

এবাবোত্যে বোউত্ মানুচ্ আগন্ যিগুনে এধোক্ক্যেন্- তারা বাবরে অভিশাব্ দুয়োন আর মাবোর্ মংগল ন-চান্,

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

যিরমিয় 35:18

ইয়েনর্ পরেদি যিরমিয় রেখবীয়গুনোরে কলঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “তুমি তমার পুরোণি মানুচ্ যিহোনাদবর উগুম পালর্ আর তার বেক্ উগুম মজিম্ চলর্ আর তার উগুম মজিম্ বেক কামানি গোজ্য।

যিরমিয় 35:7

ইয়েনবাদেয়ো তুমি কনদিন্‌অ ঘর্ ন-বানেবা, বিজি ন-ফেলেবা বা আংগুর-খেত্ ন-কিনিবা বা চাষ ন-গুরিবা; মাত্তর্ নিত্য তাম্বুলোত্ বজত্তি গুরিবা। সালে তুমি যে দেজত্ বিদেশীগুনো ধোক্ক্যেন থেবা সিদু ভালোক্ দিন থেই পারিবা।’

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

লেবীয় 19:32

যিগুনে বুড়ো তারা কায়কুরে এলে উদিনে থিয়্যেবা আর তারারে সর্মান গরা পুরিবো। তুমি তমার গোজেনরে ভোক্তি গুরিনে দোরেবা। মুই লগেপ্রভু।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

মথি লেখ্যে গম্ হবর্ 19:19

মা-বাবরে সর্মান গর্ আর তঅ আদাম্মেগুনোরে নিজো ধোক্ক্যেন্ কোচ্‌পেজ্।”

মার্ক 10:19

তুই দঅ উগুমানি হবর্ পাজ্- ‘খুন্ ন-গোজ্য, বেভিচের্ ন-গোজ্য, চুর্ ন-গোজ্য, মিজে সাক্ষি ন-দুয়ো, ন-ঠোগেয়্য, মা-বাবরে সর্মান গোজ্য।’ ”

মার্ক 7:10

যেমন্ ধরঅ, মোশি কোইয়্যেদে, ‘মা-বাবরে সর্মান গরঅ’ আর ‘যিবের্ কধালোই মা-বাবঅ উগুরে অশ্রদ্ধা থায় তারে হামাক্কায় মারে ফেলা পড়িবো।’

লূকে লেখ্যে গম্ হবর্ 18:20

তুই দঅ উগুমানি কোই পারচ্, ‘বেভিচের্ ন-গুরিচ্, খুন্ ন-গুরিচ্, চুর্ ন-গুরিচ্, মিজে সাক্ষি ন-দিচ্, তঅ মা-বাবরে সর্মান গুরিচ্।’ ”

ইফিষীয় 5:21

খ্রীষ্ট উগুরে ভোক্তির্ কারনে তুমি একজন আরেকজনরে মানি লনার্ মনভাব্‌‌‍পোই চলঅ।

দ্বি’লম্বর বিররণ 11:8

সেনত্যে যে দেজ্‌ছান গজক্ গুরিবাত্তে যর্দন গাঙান্‌ পার ওইনে যর্‌ সিদু যেইনে যেন সিয়েন গজক্ গুরিবার্‌ বলান পঅ আর লগেপ্রভু তমার পুরোণি মানুচ্‌ আর তারার্‌ বংশধরুনো ইদু দুধ আর মধুলোই ভোজ্যে যে দেজ্‌ছান দিবাত্তে এগেম্ গোজ্যে সিয়েনত্‌ ভালোক্ দিন বাঁজি থেই পার সেনত্যে এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনি পালন গুরিবা।

দ্বি’লম্বর বিররণ 21:18

যুনি কারঅ পূঅ একবুস্যে আর শাজন্ ন-মানিয়ে অয়, যুনি তে কনমতে মা-বাবর্‌ কধানি ন-শুনে আর তারার্‌ শাজন ন-মানে,

দ্বি’লম্বর বিররণ 25:15

তমা গোজেন লগেপ্রভু তমারে যে দেজ্‌ছান দিবাত্তে যার্‌ সিয়েনত্‌ যেনে তুমি ভালোক্‌ দিন বাঁজি থেই পার সেনত্যে তমাত্তুন্‌ ঠিগ্ আর উজিত মাবর সীল্‌ আর পিলে রাগা পুরিবো।

দ্বি’লম্বর বিররণ 27:16

সে মানুচ্চো অভিশাবখেইয়্যে, যে মাবোরে বা বাবরে অসর্মান গরে। সেক্কে বেক্কুনে কবাক, আমেন।

দ্বি’লম্বর বিররণ 32:47

তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

দ্বি’লম্বর বিররণ 4:26

সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।

দ্বি’লম্বর বিররণ 4:40

তমার্‌ আর তমার পরেন্দি তমা ঝি-পূঅগুনোর্‌ যেনে ভালেদি অয় আর তমার গোজেন লগেপ্রভু যে দেজ্‌ছান উমরত্তে তমারে দের্‌ সিয়েন্দোই যেনে তুমি ভালোক্‌ দিন বাঁজি থেই পার সেনত্যে মুই যেদক্কানি রীদি-সুদোম আর উগুম এচ্চ্যে তমারে দুয়োঙর্‌ সিয়েনি তুমি মানি চলিবা।”

দ্বি’লম্বর বিররণ 5:16

তমা গোজেন লগেপ্রভুর্ উগুমানি মানিনে তুমি তমার্‌ মা-বাবরে সর্মান গুরি চলিবা। সেক্কে তমা গোজেন লগেপ্রভুর দিয়্যে দেজত্‌ তুমি ভালোক্‌ দিন বাঁজি থেবা আর তমার্‌ ভালেদি অবঅ।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।

কলসীয় 3:20

পুয়ো-ছা লগ্, তুমি বেক্কানি পৌইদ্যেনে মা-বাবর্ বাধ্য থেয়ো, কিয়া ইয়েনিলোই প্রভু হুজী অয়।

রূত 3:6

যেরেদি তে খামারত্‌ যেইনে তা শুড়ীবো তারে যিয়েনি গুরিবাত্তে কোইয়্যে সিয়েনি বেক্কানি গুরিলো।

১ শমূয়েল 22:3

পরেন্দি তে সিয়োত্তুন মোয়াব দেজর মিস্পী আদামত্‌ গেলঅ। তে মোয়াবর রাজাবোরে কলঅ, “মঅ পৌইদ্যেনে গোজেনর আওজ্‌‌চান্ কি যেদকদিন সং মুই জানি ন-পারং সেদকদিন সং দোয়্যে গুরিনে মঅ মা-বাবরে তইদু রাগা।”