যাত্রা 20:10 - Chakma Bible

¹⁰ মাত্তর্‌ সাত্‌ দিন্নো অলঅ‌ তমার গোজেন লগেপ্রভুর্‌ নাঙে জিরেবার্‌ দিন। সেদিন্যে তুমি, তমার ঝি-পূঅগুন, তমা চাগর্‌-চাগরানিগুন, তমার য়েমানুন্ বা তমার শঅরত্‌ আর আদামত্‌ বজত্তি গোজ্যে অন্য জাদর্‌ মানুচ্চুন, আজল্‌ কধা, কনজনে কনঅ‌ কাম্‌ গরানা ন-চুলিবো।

যাত্রা 20:10 ပူးပေါင်းရင်းမြစ်များ

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

যাত্রা 16:26

তুমি সাপ্তায়্‌ ছয়দিন সিয়েনি কুড়েবা মাত্তর্‌ সাত দিনোত্‌ সিয়েনি ন-পেবা, কিত্তে সেদিন্যে অলঅ‌ ঝিরেবার্‌ দিন।”

যাত্রা 34:21

“সাপ্তায়্‌ ছয়দিন তুমি কাম্‌ গুরিবা মাত্তর্‌ সাত্‌ দিনোত্‌ জিরেবা। এমন্‌ কি, চাষ গুরিবার্‌ আর ফসল কাবিবার্‌ অক্তত্‌অ সিয়েন্‌ গরা পুরিবো।”

যাত্রা 35:2

সাপ্তায়্‌ ছয়দিন তুমি কাম্‌ গুরিবা মাত্তর্‌ সাত দিন্নো অবদে তমার্‌ এক্কো যুদো গুরি রাগেয়্যে দিন, লগেপ্রভুর্‌ নাঙে জিরেবার্‌ দিন। সেই দিনোত্‌ যে কাম্‌ গুরিবো তারে মারে ফেলা অবঅ‌।

যিহিষ্কেল 14:7

কনঅ ইস্রায়েলীয় বা ইস্রায়েল দেজত্ বজত্তি গুরিয়্যে কনঅ বিদেশী যুনি মত্তুন্ ফারগ্ ওই যান আর তা মনত্ মূত্তি থিদেবর্ গুরিনে পাপত্ পড়েদে ধোক্ক্যেন জিনিস তা মুজুঙোত্ রাগায় আর সে পরেদি মইধু পুযোর্ গুরিবাত্তে কনঅ ভাববাদী ইধু এজন্, সালে মুই লগেপ্রভু নিজেই তারে জোব্ দিম।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।