যাত্রা 2:6 - Chakma Bible

⁶ সিবে খুলিনে তে আমক্‌ ওইনে দেগিলো এক্কো পুয়ো সে ভিদিরে কানের্। পুয়োবো উগুরে রাজকন্যেবোর্ অমকদ মেয়্যে অলঅ। তে কলঅ, “ইবে ইব্রীয়গুনোর কনঅ পুয়ো।”

যাত্রা 2:6 ပူးပေါင်းရင်းမြစ်များ

১ রাজাবলী 8:50

তর্‌ যে মানুচ্চুনে তঅ বিরুদ্ধে পাপ গোজ্যন্‌ সে মানুচ্চুনোরে তুই খেমা গুরিচ্‌ আর তঅ বিরুদ্ধে যেইয়্যে তারার্‌ বেক্‌ দুষছানিয়ো খেমা গুরিচ্‌। তারারে যিগুনে বন্দী গুরি নেযেয়োন সে মানুচ্চুনোর মনানি এবাবোত্যে গুরিচ্‌ যেনে তারা তারা উগুরে দোয়্যে গরন্‌;

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

গীতসংহিতা 106:46

যিগুনে তারারে বান্ন্যন্ তারা ইদু তে তারারে দোয়্যে-মেয়্যেবলা বানেল।

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যাত্রা 2:5

খানক্ষন্ পরেদি ফরৌণ ঝিবো গাঙত্‌ গাদিবাত্যে এলঅ। তা চাগরানীগুনে সেক্কে গাংঅ পারত্‌ আঢি আঢি বেড়াদন্‌। এন্‌ সময়োত্‌ তে নলবন ভিদিরে সে নলভুর্‌বো দেগিনে সিবে তাইধু আনিবাত্তে এক্কো চাগরানীরে পাধেই দিলো।

যাত্রা 2:7

সেক্কে পুয়োবোর্ বোন্নো এইনে ফরৌণ ঝিবোরে কলঅ, “মুই কি তত্তেই এক্কো ইব্রীয় মিলে ডাগি আনিম, যে ইবেরে বুগো দুধ হাবেই পারিবো?”

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

যিরমিয় 34:9

সেই সুদোমান অলঅ, পত্তিজনে তার ইব্রীয় চাগর্ বা চাগরানীবোরে উদ্ধোর্ গুরি দিবো; কনঅ যিহূদী ভেইয়োরে কনজনে চাগর্ ইজেবে রাগেই ন-পারিবো।

প্রেরিত্‌ 7:21

পরেদি যেক্কে তারে বারেদি ফেলেই থুয়ো অলঅ সেক্কে ফরৌণর ঝিবো তারে নেযেইনে নিজো পুয়ো ধোক্ক্যেন মানুচ্‌ গুরিলো।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।