যাত্রা 2:22 - Chakma Bible

²² সিপ্পোরার এক্কো পুয়ো অনার্‌ পরেদি মোশি তা নাঙান্‌ রাগেল গের্শোম, কিত্তে তে কোইয়্যেদে, “মুই পরদেজর্‌ পর্‌ভাস্যে ওই আগং।”

যাত্রা 2:22 ပူးပေါင်းရင်းမြစ်များ

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

১ বংশধর 16:20

তারা যেক্কেনে সিদু নানান্‌ জাদ ভিদিরে আর নানান্‌ রেজ্য ভিদিরে ঘুরি বেড়েদাক্‌,

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

গীতসংহিতা 119:19

মুই দঅ পিত্‌থিমীত বজত্তি গুরিয়্যে এক্কো বিদেশি; তঅ উগুমান মত্তুন্ লুগেই ন-রাগেচ্।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

যাত্রা 2:10

পুয়োবো দাঙর্‌ অনার্‌ পরেদি মিলেবো তারে ফরৌণ ঝিবো ইধু নেযেল, আর তে তারে নিজোর্‌ পুয়ো ইজেবে মানি ললঅ। তে কলঅ, “তারে মুই পানিত্তুন্‌ তুলি আন্যং।” সেনত্তে তে তার্ নাঙান্‌ রাগেল মোশি।

যাত্রা 22:21

কনঅ‌ পর্‌ভাস্যে সমারে ভান্ন্যেই বেবহার্‌ ন-গোজ্য বা তা উগুরে অত্যেচার্‌ ন-গোজ্য, কিত্তেই মিসর দেজত্‌ তুমিয়ো একদিন্‌ পর্‌ভাস্যে এলা।

যাত্রা 4:20

সেক্কে মোশি তা মোক্কো আর পূয়োগুনোরে এক্কো গাধা পিদিত্‌ বোজেল আর তারারে লোইনে মিসর দেজ মোক্যে ফিরিলো। গোজেনর্‌ সে লুদিক্কোয়ো তে আঢত্‌ গুরি নেযেল।

লেবীয় 25:23

উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

প্রেরিত্‌ 7:29

এ কধাগান শুনিনে মোশি ধেই যেইনে মিদিয়ন দেজত্ বজত্তি গরা ধল্ল। সিধু তার দ্বিবে পুয়োর্ জর্ম অলঅ।

বিচের গুরিয়্যেগুন 18:30

দান-গুট্টির মানুচ্চুনে সিয়েনত্‌ নিজোত্তে সে সীল্‌মাজ্যে মূত্তিবো বানেলাক্‌। দেজঅ মানুচ্চুনে বন্দী দজাত্‌ ন-যানা সং দান-গুট্টির মানুচ্চুনোত্তে যোনাথন আর তার বংশধরুনে ধর্মগুরুগুনোর কামানি গুরিদাক্‌। যোনাথনে অলদে গের্শোম বংশর আর গের্শোমে অলঅ মোশির পূঅ।

১ শমূয়েল 1:20

সেক্কে হান্না পিদিলী অলঅ আর অক্তবো অলে তার এক্কো পূঅ অলঅ। “মুই লগেপ্রভুর ইত্তুন্‌ তারে চেই নেযেয়োং,” ইয়েন কোইনে হান্না পূঅবোর নাঙান্‌ রাগেল শমূয়েল।