যাত্রা 2:2 - Chakma Bible

² মিলেবো পিদিলী অলঅ আর তার্‌ এক্কো পূয়ো অলঅ। পূয়োবো চাদে অমকদ দোল্‌ এলঅ। সেনত্যে তা মাবো তারে তিন মাস সং লুগেই রাগেল।

যাত্রা 2:2 ပူးပေါင်းရင်းမြစ်များ

২ রাজাবলী 11:3

তে তা ওযাবুড়িবোর্‌ সমারে ছয় বজর লগেপ্রভুর ঘরত্‌ পোল্ল্যেই এলঅ; সেক্কে দেজত্‌ অথলিয়া রাজাগিরি গরের্‌।

গীতসংহিতা 112:5

যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

যাত্রা 6:20

অম্রমর পূয়োগুন্‌ অলাক্ হারোণ আর মোশি। অম্রম তা বাবর্‌ বোন যোকেবদরে লোইয়ে আর তা পেদত্‌ ইগুনোর্‌ জর্ম ওইয়্যে। অম্রম একশ সাত্রিশ বজর বাঁজি এলঅ।

গণাণা 26:59

অম্রামর মোক্কোর নাঙান্‌ অলঅ যোকেবদ। মিসর দেজত্‌ লেবি-গুট্টি ভিদিরে তার জর্ম ওইয়্যে। তা পেদত্‌ অম্রামর্‌ পূঅ হারোণ আর মোশি আর তারার্‌ বোন মরিয়মর জর্ম ওইয়্যে।

প্রেরিত্‌ 7:20

সে অক্তত্ মোশির জর্ম অলঅ। তারে দেগদে অমকদ দোল্ এলঅ। তিন মাস সং তে তা বাব ঘরত্ আদরে থেলঅ।

দ্বি’লম্বর বিররণ 33:16

দুনিয়ার ভোজ্যে গম গম জিনিস দিইনে, আর জোল্‌জোল্যে ঝুপোত্‌ যিবে এলঅ তার দোয়্যেলোই। যোষেফর মাদাত্‌ এ বেক্‌ আশিদ্‌বাদতানি ঝুড়ি পোড়োক্‌; ভেইয়ুনো ভিদিরে যে গম্‌ তারই মাদাত্‌ ঝুরি পোরোক্‌ এই বেক আশিদ্‌বাদতানি।

ইব্রীয় 11:23

মোশির জর্মর্ পরেদি তার মা-বাবে বিশ্বেজ্ গুরিনেই তিন মাস তারে লুগেই রাগেয়্যে, কিয়া তারা দেক্ক্যন্দে পুয়োবো দোল্ আর তারা রাজার উগুমানরে ন-দোরেলাক্।

১ শমূয়েল 16:12

সেনত্তেই যিশয় মানুচ্‌ পাদেইনে পূঅবোরে আনিলো। তার কিয়্যের রঙান্‌ এলঅ রাঙা বাবোত্যে, চোখ দ্বিবে দোল আর চেঙারা দোল্‌। সেক্কে লগেপ্রভু কলদে, “ইবেয়ই সেই মানুচ্‌, তুই যেইনে তারে অভিষেগ গর্‌।”