যাত্রা 2:15 - Chakma Bible

¹⁵ ফরৌণে এ ঘটনাগান্‌ হবর্ পেইনে মোশিরে মারে ফেলেবাত্তে চেট্টা গরা ধরল। মাত্তর্‌ মোশি ফরৌণ কায়-কুরেত্তুন্‌ ধেই যেইনে মিদিয়ন দেজত্‌ বজত্তি গুরিবাত্তে গেলঅ। সিধু যেইনে তে এক্কো কূয়ো পারত্‌ বোই রলঅ।

যাত্রা 2:15 ပူးပေါင်းရင်းမြစ်များ

পত্থম 24:11

শঅরান বারেন্দি এক্কো কূয়ো এলঅ। সে চাগর্‌বো সিদু লুমিনে তার উট্‌তুনোরে সে কূয়োবো ইধু আদু পাড়িনে বোজেল। সেক্কে প্রায় সাজোন্যে অক্তত্‌, মিলেগুনে পানি তুলিবার্‌ অক্তত্‌।

পত্থম 25:2

সিবে পেদত্‌ সিম্রণ, যক্‌ষণ, মদান, মিদিয়ন, যিশ্‌বক আর শূহর জর্ম ওইয়্যে।

পত্থম 25:4

ঐফা, এফর, হনোক, অবীদ আর ইল্‌দায়া এলাক মিদিয়ন ঝি-পুয়ো। ইগুন বেক্কুনে এলাক কটূর ঝি-পুয়ো আর তা ঝি-পুয়োগুনোর বংশ।

পত্থম 29:2

সিয়েনত্‌ চেরোকিত্তে রিনি চেইনে তে মাদঅ ভিদিরে এক্কো কূয়ো দেগিলো। সে কূয়োবো ইধু তিন্‌নো ভেড়া পালে ঘুম্‌ যাদন্‌। য়েমান্‌ চোড়েয়্যেগুনে সিয়োত্তুন্‌ তারারে পানি হাবেদাক্। কূয়োবো মুয়োনত্‌ অমকদ দাঙর্‌ এক্কো পাত্তর্‌ বোজেয়্যে এলঅ।

১ রাজাবলী 11:18

তারা মিদিয়নত্তুন্‌ আঢা মারিনে পারণত্‌ যেইয়োন আর পরেন্দি সিয়োত্তুন্‌ কিজু মানুচ্‌ নেযেইনে তারা মিসরর্‌ রাজা ফরৌণর ইদু যেইয়োন্‌। ফরৌণ হদদরে ঘর, জাগা-জোমি আর হানা-দানা দিলো।

যাত্রা 18:4

তে অন্য পূঅবোর্‌ নাঙান্‌ দিলো ইলীয়েষর (যিয়েনর্ ভেদ্‌তান্ “গোজেন মর্‌ সহায়”); কিত্তে তে কোইয়্যেদে, “মঅ বাপ্পোর্‌ গোজেনে মরে এজাল্‌ দিয়্যে। তেয়ই যুদ্ধোত্‌ ফরৌণর আদত্তুন্‌ মরে উদ্ধোর্‌ গোজ্যে।”

যাত্রা 4:19

মিদিয়ন দেজত্‌ থাগদে লগেপ্রভু মোশিরে কোইয়্যে, “তুই ইক্কিনে মিসর দেজত্‌ ফিরি যাহ্। যিদুক্কুন্‌ মান্‌‌জ্যে তরে মারে ফেলেবাত্তে চেইয়োন তারা মুরি যেইয়োন্।”

গম্ উপদেজ্ 22:3

উজিয়ারবলা মান্‌জ্যে দজা দেগিনে আশ্রয় নেযায়, মাত্তর্ ভুল্ মানুচ্চুনে দজা দেগিনেয়ো চলন্ আর সেনত্তে সাজা পান্।

হবক্‌‌‌‌কূক 3:7

মুই কূশন মানুচ্চুনোরে দুদ্দশাত্ দেগিলুং, আর দেগিলুং মিদিয়ন আদাম্মেগুনে গির্‌গিরাদন্।

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

যোহন 4:6

সে জাগানত্ যাকোবর্ কূয়ো এলঅ। পধত্ আঢ্‌তে আঢ্‌তে অরান্ ওইনে যীশু সে কূয়োবো কুরে বুজিলো। সেক্কে বেলান্ প্রায় দিবুজ্যে।

প্রেরিত্‌ 7:29

এ কধাগান শুনিনে মোশি ধেই যেইনে মিদিয়ন দেজত্ বজত্তি গরা ধল্ল। সিধু তার দ্বিবে পুয়োর্ জর্ম অলঅ।

ইব্রীয় 11:27

গোজেন উগুরে তার্ বিশ্বেজত্যে তে রাজার্ রাগ্‌কানরে ন-দোরেইনে মিসর দেশ্‌চান ফেলে যেইয়্যে, কিয়া যিবেরে দেগা ন-যায় তারে যেন দেগর্ সেবাবোত্যে গুরি তে ধৈয্য ধোজ্জ্যে।