যাত্রা 2:11 - Chakma Bible

¹¹ পরেদি দাঙর্‌ ওইনে মোশি একদিন্যে তার্‌ নিজো জাদর্‌ মানুচ্চুনো লগে দেগা গুরিবাত্তে যেইনে দেগিলোদে, কি অমকদ কাম্‌ তারাত্তুন্ গরা পরের্‌। তা চোগোত্‌ পুড়িলোদে, তার্‌ নিজোর্‌ ইব্রীয় জাদর এক্কো মান্‌জোরে এক্কো মিসরীয় পিদের্‌।

যাত্রা 2:11 ပူးပေါင်းရင်းမြစ်များ

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 5:14

পরেদি একদিনোত্ ফরৌণর সেই সদ্দারুনে তারার্‌ কাম দিয়্যে ইস্রায়েলীয় পরিচালক্কুনোরে পিদিনে কলাক্, “যিদুক্কুন ইট দিনপত্তি তমার্‌ বানেবার্‌ কধা তুমি আগঅ ধোক্ক্যেন সিদুক্কুন্‌ ন-গরর্‌ কিত্তে? তুমি এচ্ছ্যেয়ো সিয়েন ন-গরঅ আর তা আগঅ দিন্নোত্‌‌অ ন-গরঅ।”

যাত্রা 5:4

জোবত্‌ মিসর রাজাবো তারারে কলঅ, “মোশি আর হারোণ, তুমি কামানিত্তুন্‌ মানুচ্চুনোর্‌ মনানি ভাঙি দুয়োর্‌ কিত্তে? যঅ, তুমি কামত্‌ ফিরি যঅ।

যাত্রা 5:5

চঅ, দেজত্‌ তমা মানুচ্চুন ইক্কিনে বোউত্ ওইয়োন, আর তমাত্ত্যে তারা কামানি থামেই দেদন্‌।”

যাত্রা 5:9

তুমি তারা উগুরে আরঅ জদবদে কাম্‌ চাপি দুয়ো, যেনে মিজে কধালোই কান্‌ ন-পাদিনে তারা কামত্‌ মুদ্‌ধুবি থান।”

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।