যাত্রা 19:21 - Chakma Bible

²¹ লগেপ্রভু মোশিরে কলঅ‌, “তুই তলেন্দি লামিনে মানুচ্চুনোরে উজিয়ার্‌ গুরি দে যেনে তারা লগেপ্রভুরে চেবাত্যেই দুঝি ভাঙিনে পার্ ওই ন-এজন্‌। সিয়েন্‌ গুরিলে বোউত্ মানুচ্ মারা পড়িবাক্।

যাত্রা 19:21 ပူးပေါင်းရင်းမြစ်များ

যাত্রা 3:3

এ ঘটনাগান দেগিনে তে মনে মনে কলঅ, “মুই এক কিত্তেদি যেইনে এ আমক্‌ অবার ঘটনাগান্‌ রিনি চেম্বোই, চেম্বোই ঝুপ্পো কিত্তে পুড়ি ন-যার্‌।”

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যাত্রা 33:20

মাত্তর্‌ তুই মর্‌ মুয়োন্‌ ন-দেগিবে, কিত্তে মরে দেগানার্‌ পরেন্দি কনজনে বাঁজি থেই ন-পারন্‌।”

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 4:18

“তুমি চেইয়ো যেনে লেবি-গুট্টির্‌ ভিদিরেত্তুন্‌ কহাতীয় বংশগুন্‌ বাদ ন-যান।

গণাণা 4:19

যেনে তারা দাঙর্‌ পবিত্র পজা-পিরানি ইধু যেইনে মারা ন-পড়ন্‌ বরং বাঁজি থান্‌ সেই আজাই হারোণ আর তার্‌ পূঅগুনে পবিত্র তাম্বুলো ভিদিরে যেইনে পত্তিজনর কাম্‌ কি আরঅ তাত্তুন কি বুয়োই নেযা পুরিবো সিয়েন্‌ ঠিগ্ গুরি দিবাক।

গণাণা 4:20

মাত্তর্‌ সেই বেক্‌ পবিত্র জিনিস্‌চানি চেবাত্তে কহাতীয়গুনো ভিদিরে যানা দরকার নেই, কানক্ষণত্তেয়ো না। গেলে তারা মুরি যেবাক।”

দ্বি’লম্বর বিররণ 5:5

সে অক্তত্‌ আগুনো দরে তুমি মুড়োবো উগুরে ন-উদো বিলি মুই তমার্‌ আর লগেপ্রভুর সংমোধ্যে থিয়্যেইনে তার্‌ কধানি তমা ইদু ফগদাং গোজ্যং। সেক্কে লগেপ্রভু কোইয়্যেদে,

১ শমূয়েল 6:19

বৈৎ-শেমশর কিজু মানুচ্ লগেপ্রভুর সুন্দুক্কো ভিদিরে খুলিনে চেইয়োন বিলি লগেপ্রভু তারারে মারে ফেলেল। তে সেক্কে সে জাগানর্‌ পঞ্চাশ আজার সত্তুর জন মান্‌জ্যরে মারে ফেলেল। তে এই জদবদে আঘাত্তান্‌ গোজ্যে বিলি মানুচ্চুনে আবিলেচ্‌ খা ধুরিলাক্।