যাত্রা 19:20 - Chakma Bible

²⁰ লগেপ্রভু সিনাই মুড়োবো মাদাথ্‌ লামি এইনে মোশিরে ডাগিলো আর মোশি মুড়োবো উগুরে উদিলোগোই।

যাত্রা 19:20 ပူးပေါင်းရင်းမြစ်များ

১ রাজাবলী 19:11

সেক্কে লগেপ্রভু কলঅ, “তুই বারেন্দি যেইনে মুড়োবো উগুরে মঅ মুজুঙোত্ থিয়্যে।” সে অক্তত্‌ লগেপ্রভু সে পথ্‌তানন্দি যার্‌, আর তা মুজুঙোন্দি এক্কান জদবদে দরমর বোইয়্যের্‌ মুড়োগুনোরে চিরিনে দ্বিভাগ গুরিলো আর বেক্ পাত্তরুন ভাঙিনে কট্টা কট্টা গুরিলো, মাত্তর্‌ সে বোইয়্যেরান ভিদিরে লগেপ্রভু ন-এলঅ। সে বোইয়্যেরান পরেন্দি এক্কান্‌ ভূজোল্‌ বেলঅ, মাত্তর্‌ সে ভূজোলান ভিদিরেয়ো লগেপ্রভু ন-এলঅ।

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 19:3

পরেদি মোশি মুড়ো উগুরে গোজেন ইদু উদিলো। সে অক্তত্‌ লগেপ্রভু মুড়োবো উগুরেত্তুন্‌ তারে ডাগিনে কলঅ, “তুই যাকোবর্‌ বংশধর্‌ ইস্রায়েলীয়গুনোরে কোই দে,

যাত্রা 24:15

মোশি মুড়োবোত্‌ উদিবার্‌ অক্তত্‌ মুড়োবো মেঘঅ চাক্কোই নাঢা গেলঅ‌,

যাত্রা 24:18

মুড়োবো বেঈ উদদে উদদে মোশি সেই মেঘ ভিদিরে সোমেলগোই। তে চোল্লিশ্‌ দিন আর চোল্লিশ্‌ রেত্‌ সং সেই মুড়োবোত্‌ রলঅ‌।

যাত্রা 34:2

বেন্যেমাদান্ যুক্কোল্‌ ওইনে তুই সিনাই মুড়োবোত্‌ উদিবে। সিদু মুড়োবো মাদাত্‌ তুই মঅ মুজুঙোত্‌ আঝিল্ অবে।

যাত্রা 34:4

মোশি সেক্কে পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর-আরুগ্ বানেই নেযেল আর লগেপ্রভুর উগুম্‌ মজিম্‌ বেন্যেপোত্যে সিনাই মুড়োবোত্‌ উদিলো। সেই দ্বিবে পাত্তর আরুগ্ তে আঢত্‌ গুরি নেযেল।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

দ্বি’লম্বর বিররণ 9:9

লগেপ্রভু যে সুদোমান তমাত্যে থিদেবর্ গোজ্যে সেই সুদোমান লেখ্যে পাত্তরর্‌ ফলগত্‌ দ্বিবে গুজি লবাত্তে মুই মুড়ো উগুরে উদিনে চোল্লিশ দিন আর চোল্লিশ রেত্‌ সিয়োদোই এলুং। সেক্কে মুই পানি বা পিদে কিচ্ছু ন-খাং।