যাত্রা 19:18 - Chakma Bible

¹⁸ সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যাত্রা 19:18 ပူးပေါင်းရင်းမြစ်များ

পত্থম 11:5

মানুচ্চুনে যে শঅরান আর অজল ঘরান বানেয়োন সিয়েন্‌ চেবাত্তে লগেপ্রভু লামি এলঅ।

পত্থম 15:17

বেলান্‌ ডুবিনে যেক্কে এক্কুবারে আন্ধার্‌ ওই গেলঅ সেক্কে ধূমোলোই ভোজ্যে এক্কো জোল্‌জোল্যে চুলো আর এক্কো জোল্‌জোল্যে বম্বা দেগা দিলো। সিগুনে সে সাজে রাগেইয়্যে য়েমানুনোর কট্টাগানি উগুরেন্দি গেলগোই।

পত্থম 19:28

তে তলেদি সদোম, ঘমোরা আর বেক্‌ সংজাগায়ান ইন্দি রিনি চেইনে দেগিলোদে, চুলোত্তুন্‌ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্‌।

নহিমিয় 9:13

তুই সিনাই মুড়োবোর্‌ লামি এচ্ছ্যস্‌ আর স্বর্গত্তুন্‌ তারার্‌ লগে কধা কোইয়োচ্‌। সে অক্তত্‌ তুই ন্যায্য উগুম্‌, দোল্‌ রীদি-সুুদোম আর দোল্‌ সুদোম্‌ আর উগুম্‌ তারারে দুয়োচ্‌।

গীতসংহিতা 104:32

তে পিত্‌থিমীর ইন্দি রিনি চেলে সিয়েনে গির্‌গিরেই; তার্ আত্ বাজেলে মুড়ো-মুড়িত্তুন্ ধূমো নিগিলে।

গীতসংহিতা 114:4

আর দাঙর্ দাঙর্ মুড়োগুন ভেড়া ধোক্ক্যেন্, চিগোন চিগোন মুড়োগুন ভেড়া ছঅ ধোক্ক্যেন ফাল্যেদন্।

গীতসংহিতা 114:7

ও পিত্‌থিমীগান, প্রভুর মুজুঙোত, যাকোব গোজেন মুজুঙোত্ গির্‌গিরে উদো।

গীতসংহিতা 144:5

ও লগেপ্রভু, তঅ আগাজ্‌চান্ লোঙেইনে তুই লামি আয়; তুই মুড়ো-মুড়িগুন ধর্ যেনে সিগুনোত্তুন্ ধূমো নিগিলে।

গীতসংহিতা 18:9

তে আগাজ্‌ছান বেঈনে লামি এলঅ; তা টেঙ তলে এলদে ঘুর্‌গুজ্যে আন্ধার্ মেঘ।

গীতসংহিতা 68:9

ও গোজেন, তুই বোস্তোমান ঝড় দুয়োচ্; শুগেই উঠ্যে তর্ দেজ্‌ছানরে তুই দরমর গুরি তুল্যচ্।

গীতসংহিতা 77:18

বোইয়্যের ঝড়ে তর্ দেবা পেরাগ রঅ শুনো গেলঅ, তর্ ঝিমিলেনিলোই পিত্‌থিমীগান পহর্ অলঅ; পিত্‌থিমীগান গিরগিরেল আর টলমল গুরি উদিলো।

গীতসংহিতা 77:19

সাগর ভিদিরেন্দি তুই পথ গুরি দিলে, গভিন পানি ভিদিরেন্দি তুই পথ গুরি দিলে, মাত্তর্ তর্ টেঙর মাজারা দেগা ন-যায়।

যাত্রা 19:13

মাত্তর্‌ তা কিয়্যেত্‌ আত্‌ ন-বাজেইনে তারে পাত্তর্‌ মারিনে বা শেল্লোই মারিনে মারে ফেলা অবঅ‌। মানুচ্‌ ওক্‌ বা য়েমান্‌ ওক্‌ তারে আর বাঁজেই রাগা ন-অবঅ‌। বানা এক্‌ নাগারে কানক্ষণ্‌ শিঙে বাজানার্‌ পরেন্দি তারা মুড়োবো ইদু এই পারিবাক্।”

যাত্রা 19:17

সেক্কে গোজেন মুজুঙোত্‌ যেবাত্তে মোশি তাম্বুলোত্তুন্ মানুচ্চুনোরে নিগিলেনেই নেযেল। মানুচ্চুনে মুড়োবোর্‌ তলে যেইনে ঠিয়্যেই রলাক্‌।

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যাত্রা 24:17

ইস্রায়েলীয়গুনোর্‌ চোগোত্‌ লগেপ্রভুর মহিমাগান জোল্‌-জোল্যে আগুনো ধোক্ক্যেন ওইনে মুড়োবোর্‌ মাদাথ্‌ দেগা দিলো।

যাত্রা 3:2

সিয়েনত্‌ এক্কো ঝুবো সেরেত্তুন্‌ জ্বোল্‌জোল্যে আগুনো ভিদিরেত্তুন্‌ লগেপ্রভুর্‌ দূত্‌তো তাল্লোই দেগা দিলো। মোশি দেগিলোদে, ঝুপ্পোত্‌ আগুন জুলিলেয়ো সিবে পুড়ি ন-যার্‌।

যাত্রা 34:2

বেন্যেমাদান্ যুক্কোল্‌ ওইনে তুই সিনাই মুড়োবোত্‌ উদিবে। সিদু মুড়োবো মাদাত্‌ তুই মঅ মুজুঙোত্‌ আঝিল্ অবে।

যিশাইয় 6:4

তারা রবুয়োলোই উবোসনা-ঘরর্ দোরোর্ কব্‌জানি গির্‌গিরে উদিলো আহ্ ঘরান ধূমোলোই ভরপুনং ওই গেলঅ।‌

যিশাইয় 64:1

আহ্, তুই যুনি আগাজ্‌‌চান ফাদিনে লামি এদে! যুনি মুড়ো-মুড়িগুন তঅ মুজুঙোত্ গির্‌‌গিরেদাক!

যিরমিয় 4:24

দাঙর্ দাঙর্ মুড়োমুড়ি ইন্দি রিনি চেলুং, সিগুনে গির্‌গিরেদন; বেক্ চিগোন চিগোন মুড়োমুড়িগুনে দুলোদন্।‌‍

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

সখরিয় 14:5

তুমি মুড়োবোর্ সেই কলগদি ধেই যেবা, কিত্যে সেই কলগ্‌কান আৎসল সং লুমিবো। যিহূদার রাজা উষিয়োর রাজাগিরির্ সময়োত্ ভূজোলত্ যেবাবোত্যেগুরি তুমি ধেই যেইয়ো সেবাবোত্যেগুরি ধেই যেবা। সে পরেদি মর্ গোজেন লগেপ্রভু তার্ বেক সুদ্ধো-সাংগ মানুচ্চুনোরে সমারে নিইনে এবঅ।

মথি লেখ্যে গম্ হবর্ 24:7

এক জাদে অন্য জাদর্ বিরুদ্ধে আর এক রেজ্য অন্য রেজ্যর্ বিরুদ্ধে যুদ্ধো গুরিবো। পত্তি জাগাত্ ভাদরাত্ আর ভূজোল্ অবঅ।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।

দ্বি’লম্বর বিররণ 5:22

সে মুড়োবো উগুরে আগুন, মেঘ আর ঘুর্‌গুজ্যে আন্ধার ভিদিরেত্তুন্‌ লগেপ্রভু এ উগুমানি তমা বেক্কুনো ইদু রঅ ছাড়িনে ফগদাং গোজ্যে। ইয়েনি বাদে তে তমা ইদু আর কিজু ন-কয়। পরেদি তে সিয়েনি দ্বিবে পাত্তর আরুগো উগুরে লিগিনে মইদু দিলো।

দ্বি’লম্বর বিররণ 5:4

লগেপ্রভু সে মুড়োবো উগুরে আগুনো ভিদিরেত্তুন্‌ তমা মুজুঙোত্‌ কধা কোইয়্যে।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

ইব্রীয় 12:18

যে জ্বোল্‌জোল্ল্যা মূড়ো ধরা যায় সেবাবোত্যে কনঅ মূড়ো কায়-কুরে তুমি ন-এজঅ। তুমি ঘুর্‌ঘুজ্জ্যে আন্ধার্ আর ঝড় বা কনঅ তূরীর্ রঅ আহ্ কধা রবোর্ কায়-কুরেয়ো ন-এজঅ। যিগুনে সেই কধানি শুন্ন্যন্ তারা কোজোলি গুরিনে কোইয়োন যেন তারা ইধু আর কিচ্চু কুয়ো ন-অয়,

ইব্রীয় 12:26

সেক্কে গোজেনর্ মুয়ো কধালোই জগদ্‌তানরে লাড়েই দিয়্যে, মাত্তর্ ইক্কিনে তে এ এগেমান্ গোজ্জ্যেদে, “মুই যে বানা আর একবার পিত্‌থিমীগানরে লাড়েম্ সিয়েন নয়, মাত্তর্ আগাজ্‌‌চানরেয়ো লাড়েম।”

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 15:8

গোজেনর্ মহিমা আর খেমতাগানত্তুন যে ধূমোগান নিগিলের্ সেই ধূমোগান্দোই উবোসনা-ঘরান ভুরিলো। সেই সাতজন স্বর্গদূতোর্ সাত্‌তান আঘাত থুম্ ন-অনা সং কেঅ সেই উবোসনা-ঘরত সোমেই ন-পারিলাক্।

ফগদাং পেইয়্যে 9:2

তারাবো সেই গভিন্ গাঢ্‌তো খুলিলো; সেক্কে দাঙর্ চুলোবোত্তুন্ যেধোক্ক্যেন গুরি ধূমো নিগিলে, ঠিগ্ সেধোক্ক্যেন গুরি সেই গাঢ্‌তোত্তুন্ ধূমো নিগিলে ধুরিলো। সেই গাঢ্‌তোর্ ধূমোলোই বেলান আর আগাজ্‌চান আন্ধার ওই গেলঅ,

বিচের গুরিয়্যেগুন 5:5

সেক্কে লগেপ্রভুর মুজুঙোত্‌ মোন্‌-মুড়োগুন্‌ গির্‌গিরে উদিলাক্‌, ইস্রায়েলর গোজেন লগেপ্রভুর মুজুঙোত্‌ সিনাই মুড়োবো গির্‌গিরে উদিলো।