যাত্রা 19:14 - Chakma Bible

¹⁴ ইয়েন পরেদি মোশি মুড়োবো ইত্তুন্‌ লামি এইনে মানুচ্চুনোরে সিজি গুরিলো আর মানুচ্চুনে তারার্‌ কাবড়-চুগোরানি ধোই নেযেলাক্‌।

যাত্রা 19:14 ပူးပေါင်းရင်းမြစ်များ

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

১ বংশধর 15:12

তে তারারে কলঅ, “তুমি অলাদে লেবি-গুট্টির নানান্‌ বংশর নেতা; তুমি আর তমা সমাজ্যে লেবীয়গুনে গোজেন নাঙে নিজোরে ফারক্‌ গুরি নেযেবা, যেনে যে জাগায়ান্‌ মুই যুক্কোল্‌ গুরি রাগেয়োং সে জাগানত্‌ তুমি ইস্রায়েল গোজেন লগেপ্রভুর সুন্দুক্কো আনিনে রাগেই পারিবা।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যাত্রা 19:13

মাত্তর্‌ তা কিয়্যেত্‌ আত্‌ ন-বাজেইনে তারে পাত্তর্‌ মারিনে বা শেল্লোই মারিনে মারে ফেলা অবঅ‌। মানুচ্‌ ওক্‌ বা য়েমান্‌ ওক্‌ তারে আর বাঁজেই রাগা ন-অবঅ‌। বানা এক্‌ নাগারে কানক্ষণ্‌ শিঙে বাজানার্‌ পরেন্দি তারা মুড়োবো ইদু এই পারিবাক্।”

যাত্রা 19:15

সে পরেন্দি মোশি তারারে কলঅ‌, “তিন দিনোত্যেই তুমি যুগোল্‌ অ। এই সময়ান ভিদিরে তুমি কনজনে মোক্কুনো সমারে ন-মিজেবা।”

১ শমূয়েল 21:5

দায়ূদে কলঅ, “আমার সুদোম্ মজিম আমি সত্য সত্য কনঅ মিলে ইদু ন-যেই। সৈন্যগুনোরে নেযেইনে মুই যেক্কে কনঅ সামান্য কামত্‌ নিগিলোং সেক্কেয়ো মর্‌ সৈন্যগুনে সিজি থান্‌। মাত্তর্‌ এচ্চ্যে তারা কদক্‌ সিজি আগন্‌।”