যাত্রা 18:23 - Chakma Bible

²³ গোজেনর উগুম্‌ পেইনে যুনি তুই এধোক্ক্যেন গরচ্‌ সালে তুই এই কামর্‌ ভারান্‌ সোজ্য গুরি পারিবে আর মানুচ্চুনেয়ো মনর্‌ সুগে যে যার্‌ জাগাত্‌ ফিরি যেই পারিবাক্।”

যাত্রা 18:23 ပူးပေါင်းရင်းမြစ်များ

পত্থম 18:33

অব্রাহাম লগে কধা কনা থুম্‌ গুরিনে লগেপ্রভু সিয়েনত্তুন্‌ আঢি গেলগোই আর অব্রাহামেয়ো তা ঘরত্‌ ফিরি গেলঅ।

পত্থম 30:25

রাহেল পেদত্ যোষেফর জর্ম অলে পরেদি যাকোবে লাবনরে কলঅ, “এবার মরে ছাড়ি দে যেনে মুই নিজো দেজত্‌ আর নিজো ঘরত্‌ ফিরি যেই পারং।

২ শমূয়েল 18:3

মাত্তর্‌ মানুচ্চুনে কলাক্, “তুই ন-যেবে। যুনি আমাত্তুন্‌ ধেই যাহ্ পড়ে সালে তারার কিচ্ছু ন-অবঅ। যুনি আমাত্তুন্‌ অদ্দেক মানুচঅ মুরি যান্‌ সেক্কেয়ো তারার কিচ্ছু ন-অবঅ, মাত্তর্‌ তুই দঅ আমা দশ আজারর সমান। তুই ইক্কিনে শঅরত্তুন্‌ আমারে বল্‌ দিলে গম অবঅ।”

২ শমূয়েল 19:39

এ পরেন্দি বেক্‌ মানুচ্চুনে গাঙান্‌ পার্‌ ওই গেলাক্, সে পরেন্দি রাজা গাঙান্‌ পার্ ওই গেলঅ। রাজা বর্সিল্লয়রে চুমিনে বর্ দিলো আর বর্সিল্লয়ে আরঅ গাঙান্‌ পার্ ওইনে নিজো ঘরত্‌ ফিরি গেলঅ।

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

যাত্রা 16:29

চঅ, তমাত্তে জিরেবার্‌ এই সুদোমান্‌ তমা লগেপ্রভু গোজ্যে। সেনত্তে ছঅ দিনোত্‌ তে দ্বি দিনোর্‌ হানা তমাত্তে যুগেলেই দের্‌। সেনে সাত দিনোত্‌ তুমি কনজনে ঘরর্‌ বারেদি ন-যেবা, ভিদিরেই থেবা।”

যাত্রা 18:18

সেক্কে তুই আর তঅ মানুচ্চুনে হামাক্কায়্‌ বল্‌পোজ্যে ওই যেবাক্‌। কামান্‌ এদক্‌ বেশ আগাত্যে যে, তর্‌ গায়্‌-গায়্‌ সিয়েন্‌ গরানা সম্ভব নয়।

যাত্রা 18:22

ইগুনেই আমিঝে মানুচ্চুনোর্‌ বিচের্‌ গুরিবাক্। চিগোন-চাগোন্‌ বেপারানি তারা বিচের্‌ গুরিবাক আর দাঙর্‌ দাঙর্‌ বেপারানি তইদু আনিবাক্। সেক্কে তর্‌ কামানি পাদল্‌ অবঅ‌ কিত্তে তারায়ো তর্‌ ভারান্‌ কিজু কমে দিবাক্।

যাত্রা 18:24

মোশি তার শুয়োরবোর্‌ সল্লাগানি মানি নেযেল আর তে যিয়েনি কোইয়ে সিয়েনিই গুরিলো।

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

১ শমূয়েল 8:22

সেক্কে লগেপ্রভু শমূয়েলরে কলদে, “তুই তারা কধানি শুন্‌ আর তারাত্তেই তুই এক্কো রাজা নেযা।” সেক্কে শমূয়েলে ইস্রায়েলীয়গুনোরে কলদে, “তুমি নিজোর নিজোর ঘরত্‌ ফিরি যঅ।”