যাত্রা 18:20 - Chakma Bible

²⁰ সে পরেদি তুই তার্‌ বেক্‌ সুদোমানি আর উগুমানি পৌইদ্যেনে তারারে উজিয়ার্‌ গুরি দিবে। ইয়েনবাদে কেধোক্ক্যেনগুরি চলা পড়িবো আর কি কাম্‌ তারাত্তুন্‌ গরা পড়িবো সিয়েনি তুই তারারে বুঝেই দিবে।

যাত্রা 18:20 ပူးပေါင်းရင်းမြစ်များ

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

যাত্রা 18:16

কনঅ‌ কোল্‌-কোজ্যে দেগা দিলে তারা মইদু এজন্‌ আর মুই দ্বিয়ো পক্ষেদি বিচের্‌ গরং, আর গোজেনর সুদোম আর উগুম তারারে বুঝেই দুয়োং।”

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিরমিয় 42:3

তঅ গোজেন লগেপ্রভু ইধু তবনা গর্ যেনে তে আমারে কোইদে আমি কুদু যেবং আর কি গুরিবোং।”

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যিহিষ্কেল 3:17

ও মান্‌‌‌‌‌‌‌জ্য পুয়োবো, ইস্রায়েলীয়গুনোত্তে মুই তরে চুগিদার্ বানেয়োং; সেনত্তে মুই যিয়েন কং সিয়েন তুই শুন্ আর মর্ ওইনে তারারে উজিয়ার গর্।

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

দ্বি’লম্বর বিররণ 1:18

তমার্‌ যিয়েনি গরা পুরিবো সিয়েনিয়ো মুই সেক্কে তমারে কোই দুয়োং।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

দ্বি’লম্বর বিররণ 4:5

আমা গোজেন্‌ লগেপ্রভুর উগুম মানিনে মুই তমার্‌ সুদোম আর রীদি-সুদোমানি শিক্ষ্যে দুয়োং, যেনে যে দেজ্‌ছান তুমি অধিকার্‌ গুরিবাত্তে যর্‌ সে দেজত্‌ সিয়েনি পালন গুরি পারঅ। তুমি এ বেক্কানি যত্তন্‌ গুরিনে পালন গুরিবা।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 5:27

আমা গোজেন লগেপ্রভু যিয়েনি কোইয়্যে, তুইয়ো কায়-কুরে যেইনে সিয়েনি শুনি আয়। তে তরে যিয়েনি কবঅ সিয়েনি আমারে জানেই দিবে; আমি সিয়েনি শুনিনে সেধোক্ক্যেন চলিবোং।

দ্বি’লম্বর বিররণ 7:11

সেনত্যেই এচ্ছ্যে মুই তমারে যেদক্কানি উগুম্‌, নিয়ম আর হুকুম্‌ দুয়োঙর্‌ সিয়েনি তুমি যত্তন্‌ গুরিনে পালন গুরিবা।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

১ শমূয়েল 12:23

মুই যেনে কনদিন্অ তমাত্তে তবনা গরানা বন্ধ গুরিনে লগেপ্রভুর বিরুদ্ধে পাপ ন-গরং। মুই তমারে সৎ আর ন্যায়পদেন্দি আদিবাত্তে শিক্ষা দিম্‌।