যাত্রা 18:11 - Chakma Bible

¹¹ সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যাত্রা 18:11 ပူးပေါင်းရင်းမြစ်များ

১ রাজাবলী 17:24

সেক্কে সে মিলেবো এলিয়রে কলঅ, “মুই ইক্কিনে বুঝি পারিলুঙ্‌ তুই গোজেনর্‌ মানুচ্‌, আর লগেপ্রভু তঅ মাধ্যমে যিয়েনি কয় সিয়েনি সত্য।”

২ রাজাবলী 5:15

সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

১ বংশধর 16:25

লগেপ্রভু দাঙর্‌ আর বেক্কুনো উগুরে নাঙ্‌গিনেদে ধোক্ক্যেন; বেক্‌ দেব-দেবেদাগুনোত্তুন্‌ তে বেশ্‌ দর্‌বুগ্‌ জাগেই দে।

২ বংশধর 2:5

যে ঘরান্‌ মুই বানেবাত্তে যাঙর্‌ সিয়েন্‌ অবদে মহৎ, কিত্যে আমা গোজেনে বেক্‌ দেবেদাগুনোত্তুন্‌ দাঙর্‌।

নহিমিয় 9:10

ফরৌণ, তার্‌ বেক্‌ কামগুরিয়্যেগুনোরে আর তা দেজর্‌ বেক্‌ মানুচ্চুনোরে তুই বোউত্‌ চিহ্নো আর আমক্‌ অবার্‌ কাম্‌ দেগেয়োচ্‌, কিত্যে তুই হবর্‌ পেদে আমা পূরোণিমানুচ্চুনোর্‌ লগে মিসরীয়গুনোর্‌ বেবহার্‌ এলদে বার্‌বোলোই ভরা। এ কামানি গুরিনে তুই তর্‌ সুনাঙ্‌ রোক্ষ্যে গোজ্যস্‌, যিয়েনি এজঅ আঘে।

নহিমিয় 9:16

তো আমা পূরোণিমানুচ্চুনোর বেবহার্‌ এলদে বার্‌বোলোই ভরা; তারা একগেয়েমি ওইয়োন্‌ আর তর্‌ উগুমান্‌ ন-পালান্‌।

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

গীতসংহিতা 119:21

তুই বাড়্‌বো গুরিয়্যে গুনোরে ধমক্ দুয়োচ্; তারা দঅ অভিশাব্ পেইয়্যে, তারা তঅ উগুমান ন-পালেইনে ঘুরি ঘুরি থান্।

গীতসংহিতা 135:5

মুই হবর্ পাং লগেপ্রভু বোউত্ দাঙর্; আমা গিরোজ্‌সো বেক্ দেবদাগুনোত্তুন্অ দাঙর্।

গীতসংহিতা 31:23

ও বেক্ গোজেন ভক্ত মানুচ্চুন, তুমি লগেপ্রভুরে কোচ্‌পেয়ো। লগেপ্রভু বিশ্বেজিগুনোরে রোক্ষ্যে গরে মাত্তর্ বার্‌বোগুনোরে তে জদবদে সাজা দে।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

গীতসংহিতা 97:9

ও লগেপ্রভু, তুই বেক দুনিয়েগানর দাঙর্ গোজেন; বেক দেবেদাগুনোত্তুন্ ভালোদ্দুর্ উগুরে তর্ জাগায়ান।

যাত্রা 1:10

তারা জনেদি যেন আর বাড়ি ন-পারন্‌ সেনত্যে এজঅ, আমি তারা লগে চালাগি গুরিনে চুলিই; সিয়েন ন-গুরিলে যুদ্ধোর সময়োত্‌ তারা দগেনলে আমা শত্রুগুনো লগে আত্‌ মিলেইনে আমা বিরুদ্ধে যুদ্ধো গুরিবাক্ আর পরেদি দেজ্‌ছান ছাড়ি যেবাক্কোই।”

যাত্রা 1:16

“গুরো অবার্‌ অক্তত্ ইব্রীয় মিলেগুনোরে বল্‌ দিবাত্তে গেলে তুমি গমেডালে রিনি চেবা তারা গুরোগুন্‌ মিলে না কি মরদ; মরদ অলে তারারে মারে ফেলেবা আর মিলে অলে বাজেই রাগেবা।”

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যাত্রা 14:18

সিয়েন্‌ দেগিনে মিসরীয়গুনে বুঝি পারিবাক্, মুয়ই লগেপ্রভু।”

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

যাত্রা 5:7

“ইট বানেইয়্যে মানুচ্চুনোরে তুমি আর দার্‌বো ন-দিবা। তারা নিজেই নিজো দার্‌বো থোগেই নেযেবাক্।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

গণাণা 33:4

মিসরীয়গুনে সেক্কে তারার্‌ পত্তম পূঅগুনোরে গোর্ দেদন। লগেপ্রভু তারার্‌ পত্তম পূঅগুনোরে মারে ফেলেয়্যে আর তারার্‌ দেব-দেবেদাগুনোরে সাজা দিয়্যে।

লূকে লেখ্যে গম্ হবর্ 1:51

তে আঢ্ বাড়েইনে দাঙর্ খেমতার্ কাম্ গোজ্যে; যিগুনোর্ মনানি বার্বোলোই ভরা তারারে তে চেরোকিত্তে দূর্ গুরি দিয়্যে।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

১ শমূয়েল 2:3

তুমি আর বার্‌বো কধা ন-কোইয়ো, অহংকারর্ কধা তমা মুয়োত্তুন্ ন নিগিলোক্; কিত্যে লগেপ্রভু এধোক্ক্যেন গোজেন যে বেক্কানি হবর্ পাই, আর তেয়ই কামানি মাবি চাই।