যাত্রা 17:6 - Chakma Bible

⁶ সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

যাত্রা 17:6 ပူးပေါင်းရင်းမြစ်များ

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

গীতসংহিতা 105:41

তে পাত্তর্ খুলি দিলো, সেক্কে পানি নিগিলি এলঅ; শুগুনো জাগা ভিদিরেন্দি সিয়েনে গাঙ ধোক্ক্যেন বেঈ গেলঅ।

গীতসংহিতা 114:8

তে শিল মুড়োবোরে বানেল পুয়োর্ আর্ দর শিল্লোরে বানেল পানির পয়নালা।

গীতসংহিতা 46:4

এক্কান গাঙ্ আঘে যিয়েনর ভালোক্কানি ছড়া আঘে গোজেনর শঅরানরে হুজিয়ে রাজিয়ে রাগায়, হুজিয়ে রাগায় সেই সুদ্ধো-সাংগ জাগায়ান যিয়েনত্ দাঙর্ গোজেনে থায়।

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গীতসংহিতা 78:18

তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

গীতসংহিতা 78:20

তে শিল্লোত্ আঘাত গুরিলো আর সিয়োত্তুন ঠেলা মাজ্যে পানি গঙার্ নিগিলি এলঅ; সিয়েন গরে বিলিনে কি তে আমারে রুটি দি পারিবো? তে কি তা মানুচ্চুনোত্যে য়েরা যুক্কোল্ গুরি পারিবো?”

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যাত্রা 14:16

তুই তর্‌ লুদিক্কো তুলি নেযা আর বড়গাঙ উগুরে তর্‌ আত্তান্‌ বাড়েই দিইনে বড়গাঙানরে দ্বিভাগ গর্‌। সেক্কে বড়গাঙ ভিদিরে শুগুনো জাগার্‌ উগুরেদি ইস্রায়েলীয়গুনে আঢি যেবাক্‌।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

গণাণা 20:8

“তুই সেই লুুদিক্কো নেযা আর তুই আর তর্‌ ভেই হারোণে ইস্রায়েলীয়গুনোরে এক্কান জাগাত্‌ এগত্তর্‌ গরঅ। উই যে দাঙর্‌ পাত্তর্‌বো আঘে তুই ইস্রায়েলীয়গুনো মুজুঙোত্‌ সিবেরে কঅ আর সেক্কে সিবে পানি দিবো। ইস্রায়েলীয়গুনে আর তারার্‌ য়েমানপালুন্‌ যেনে খেই পারন্‌ সেনত্তে তুই তারাত্তে পাত্তরত্তুন্‌ পানি নিগিলেই আনিবে।”

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

দ্বি’লম্বর বিররণ 1:2

হোরেবত্তুন্‌ সেয়ীর মুড়োবোর পথ্‌তান্‌ ধুরিনে কাদেশ-বর্ণেয় সং যাদে এগার দিন লাগে।

দ্বি’লম্বর বিররণ 8:15

তে তমারে এক্কো দাঙর্‌, দর্‌গরেপারা, শুগুনো, পানিনেইয়্যে আর বিষবলা সাপ আর কাঁঙারা-বিজেলোই ভোজ্যে ধূল্যেচর-চাগালার্‌ ভিদিরেন্দি আন্যে। তে দরঅ পাত্তর ভিদিরেত্তুন্‌ তমাত্তে পানি নিগিলেই দিয়্যে।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।