যাত্রা 17:14 - Chakma Bible

¹⁴ ইয়েনর্ পরেদি লগেপ্রভু মোশিরে কলঅ, “এই যুদ্ধোর্‌ কধাগান্‌ ম নত্‌ রাগেবাত্যেই তুই এক্কো বোইয়োত্‌ সিয়েনি লিগি রাগা আর যিহোশূয়রে কোই দে, পিত্‌থিমী উগুরেত্তুন্‌ অমালেকীয়গুনোর্‌ নাঙানি মুই এক্কুবারে ভস্ত গুরি দিম্‌।”

যাত্রা 17:14 ပူးပေါင်းရင်းမြစ်များ

২ শমূয়েল 1:1

শৌল মরাণার পরেন্দি দায়ূদে অমালেকীয়গুনোরে ওদেই দিইনে সিক্লগত্‌ ফিরি এলঅ আর সিদু দ্বিদিন রলঅ।

১ বংশধর 4:42

শিমিয়োনীয়গুনোর ভিদিরে পাচশঅ মানুচ্‌ যিশীর পুয়ো পলটিয়, নিয়রিয়, রফায়িয় আর উষীয়েলরে তারার্ নেতা বানেইনে সেয়ীর নাঙে মুড়োমুড়ি চাগালাগান্‌ আক্রমণ গুরিলাক্‌।

১ বংশধর 4:43

আগেন্দি অমালেকীয়গুনোর কিজু মানুচ্‌ সেয়ীরোত্‌ ধেই এইনে সিদু বজত্তি গুরিলাক্‌। শিমিয়োনীগুনোর সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। শিমিয়োনীয়গুনে সে মানুচ্চুনোরে মারে ফেলেইনে সিদু বজত্তি গরা ধুরিলাক্‌। এজঅ সং তারা সিদু বজত্তি গত্তন্‌।

ইষ্রা 9:14

আমি কি আরঅ তর্ উগুমানি অমান্য গুরিনে সেই জঘন্য কাম গোজ্যে মানুচ্চুুনো সমারে বৌ বেপারে কধা কবং? সিয়েন গুরিলে দঅ তুই আমা উগুরে এমন রাগ গুরিবে যিয়েনত্যে তুমি আমারে ভস্ত গুরি ফেলেবে আর আমারে কাররে বাঁজি থেবাত্যে ন দিবে।

ইয়োব 18:17

পিত্‌থিমীত্তুন্‌ তা স্মৃতি উদি যেবঅ; দেজত্‌ তা নাঙান্‌ ন-থেবঅ।

ইয়োব 19:23

“হায়, মর্‌ বেক্‌ কধানি যুনি লেগা অদঅ! সিয়েনি যুনি বোইয়োর পাদাত্‌ থেদঅ!

গীতসংহিতা 9:6

শত্রুগুনে উমরত্যে ভস্ত অনার্ মুয়োত্ পোজ্যন্; তারার্ শঅরানি তুই উগুরেনে ফেলেই দুয়োচ্; তারার্ নাঙানিয়ো বাদ্ যেয়েগোই।

যাত্রা 12:14

তমাত্যে সেদিন্নো অবঅ এক্কো নাঙ্‌ থাইদে দিন। লগেপ্রভুর নাঙে এ পরপ্‌পো এক্কো উমরত্যে সুদোম্‌ ইজেবে তমা বংশর পর বংশ ধুরি পালন্‌ গুরিবাক্‌।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

যাত্রা 17:13

সেক্কে যিহোশূয় যুদ্ধোত্‌ অমালেকীয়গুনোরে অদেই দিলো।

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

যাত্রা 32:33

জোবত্‌ লগেপ্রভু মোশিরে কলঅ‌, “যিগুনে মর্‌ বিরুদ্ধে পাপ গোজ্যন বানা তারার্‌ নাঙানিয়ই মুই মর্‌ বোইবোত্তুন্‌ বাদ্‌ দিম্‌।

যাত্রা 34:27

সে পরেদি লগেপ্রভু মোশিরে কলঅ‌, “এই বেক্‌ কধানি তুই লিগি রাগা কিত্তে এই বেক্‌ কধা মজিম্ তর্‌ আর ইস্রায়েলীয়গুনোত্তে মুই মর্‌ সুদোমান্‌ থিদেবর্ গোজ্যং।”

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

যিরমিয় 30:2

“মুই ইস্রায়েলর গোজেন লগেপ্রভু কঙর্, মুই তরে যেদক্কানি কধা কোইয়োং সিয়েনি বেক্কানি তুই এক্কো বোইয়োত্ লিগি রাগা,

যিরমিয় 36:2

“তুই ভাজ্ গুরি থোইয়্যে এক্কো বোই লঅ আর যোশিয়র রাজাগিরির সময়ত্তুন্ ধুরি এচ্চ্যে সং ইস্রায়েল, যিহূদা আর অন্য জাদ পৌইদ্যেনে মুই তরে যে কধানি কোইয়োং সিয়েনি লেগ্।

গণাণা 24:20

অমালেকীয়গুনোরে দেগিনে বিলিয়মে গোজেনর্‌ দিয়্যে এ কধাগান কুয়ো ধুরিলো: “বেক্‌ জাদ্‌তুনো ভিদিরে অমালেকীয়গুনে দাঙর্ এলাক্‌, মাত্তর্‌ ভস্ত ওইনে শেজ্ অবাক্।”

গণাণা 33:2

যেবার পদথ্‌ তারা যেদক্কানি জাগাত্‌ জিরেয়োন লগেপ্রভুর উগুমে মোশি সিয়েনি লিগি রাগেল। তারা যেদক্কানি জাগাত্‌ জিরেয়োন সিয়েনি অলঅ:

দ্বি’লম্বর বিররণ 31:9

লেবি-গুট্টির ধর্মগুরুগুনে, যিগুনে লগেপ্রভুর সাক্ষ্য-সুন্দুক্কো বুয়োই নেযেদাক, মোশি বেক্‌ রীদি-সুদোমানি লিগিনে তারার আদত আর ইস্রায়েলীয়গুনো বুড়ো নেতাগুনোর আদত দিলো।

১ শমূয়েল 15:18

তে তরে এক্কান কামত্‌ পাদেয়্যে আর কোইয়্যেদে, ‘তুই যেইনে সেই পাপীগুনোরে, অত্তাৎ অমালেকীয়গুনোরে এক্কুবারে শেজ্‌ ন-অনা সং তারা সমারে যুদ্ধো গুরিবে।’

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।

১ শমূয়েল 30:17

দায়ূদে সেদিন্যে বেল্যেত্তুন্‌ ধুরি আরাম্ভ গুরিনে তারকেল্যে সাজোন্যে সং তারার্‌ লগে যুদ্ধো গুরিলো। তারা ভিদিরেত্তুন্‌ কনজনে রোক্ষ্যে ন-পেলাক্, বানা চেরশত্‌ গাবুজ্যে উদোর্‌ পিদিত্‌ গুরিনে ধেই গেলাক্‌।