যাত্রা 16:34 - Chakma Bible

³⁴ সেই মান্নাগান্‌ যেনে বংশর পর্‌ বংশ ধুরিনে তুল্যে থায় সেনত্তে হারোণে যেরেদি মোশিরে দিয়্যে লগেপ্রভুর্‌ উগুম্‌ মজিম্ সাক্ষ্য-সুন্দুগো মুজুঙোত্‌ সিয়েনি নেযেইনে রাগেল।

যাত্রা 16:34 ပူးပေါင်းရင်းမြစ်များ

১ রাজাবলী 8:9

ইস্রায়েলীয়গুনে মিসর দেজত্তুন্‌ নিগিলি এজানার পরেন্দি লগেপ্রভু হোরেব মুড়োবোত্‌ তারাত্তে যেক্কে সুদোম থিদেবর্ গুরি দিলো সেক্কে মোশি সুন্দুগো ভিদিরে যে পাত্তর আরুগ্ দ্বিবে রাগেয়্যে সে দ্বিবে বাদে আর কিচ্ছু সিবে ভিদিরে ন-এলাক্।

যাত্রা 25:16

যে সাক্ষ্য-ফলক্কো মুই তরে দিম্‌ সিবে তুই এই সুন্দুগো ভিদিরে রাগেবে।

যাত্রা 25:21

এই ঢাগনিগান্‌ সুন্দুগো উগুরে রাগা পড়িবো আর যে সাক্ষ্য-ফলক্কো মুই তরে দিম্‌ সিবে তুই সেই সুন্দুক্কো ভিদিরে রাগেবে।

যাত্রা 27:21

এই মিলন-তাম্বুলর্‌ সাক্ষ্য-সুন্দুগো মুজুঙোত্‌ যে পর্দাগান্‌ থেবঅ‌ সেই পর্দাগানর্‌ বারেদি হারোণ আর তার্‌ পূঅগুনে সাজোন্যেত্তুন্‌ ধুরি বেন্যেমাদান সং লগেপ্রভুর্‌ মুজুঙোত্‌ চেরাক্কুন্‌ দেগাশুনো গুরিবাক্। ইস্রায়েলীয়গুনে যেনে বংশর্‌ পর্‌ বংশ্‌ ধুরিনে আজল সুদোম্‌ ইজেবে ইয়েনি পালন গরন্‌।

যাত্রা 30:36

ইয়েনর্‌ কিজু নেযেইনে নিগুজ্‌ গুরিনে মিলন-তাম্বুল ভিদিরে সাক্ষ্য-ফলগর্‌ মুজুঙোত্‌ রাগেবে। সিয়োদোই মুই তঅ সমারে দেগা গুরিম। এই ধূপ্‌পুন্ তুমি দাঙর্‌পবিত্র জিনিস বিলিনে মনে গুরিবা।

যাত্রা 30:6

সাক্ষ্য-সুন্দুগো ইদু, অত্তাৎ সাক্ষ্য-আরুগ্ উগুরে ঢাগনিগান কুরে যে পর্দাগান্‌ থেবঅ‌ এই পূজোবো সিবে মুজুঙোত্‌ রাগেবে; সিয়োদই মুই তঅ লগে দেগা গুরিম্‌।

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 38:21

থেবার্‌-তাম্বুল, অত্তাৎ সাক্ষ্য-তাম্বুলান বানাদে যেদক্কানি পযাপিরা লাক্ক্যে মোশির্‌ উগুম মজিম্ পোইল্যেত্তুন্‌ ধুরি ধর্মগুরু হারোণর্‌ পূঅ ঈথামরর্‌ পরিচালনায়্‌ লেবীয়োগুনে সিয়েনর্‌ ইজেপ্পান্‌ রাগেয়োন্‌।

যাত্রা 40:20

সে পরেদি মোশি সাক্ষ্য-আরুগ্ দ্বিবে নেযেইনে সুন্দুগো ভিদিরে রাগেল আর সুন্দুক্কোত্‌ দিয়্যে লুদিক্কুন্ লাগেল আর সিবে উগুরে রাগেল তার্‌ ঢাগনিগান।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 17:10

ইয়েনর্ পরেদি লগেপ্রভু মোশিরে কলঅ, “উল্লোমি গুরিয়েগুনো ইদু এক্কান মনত্‌ রাগেবার চিহ্নো ওই থেবাত্তে তুই হারোণর লুদিক্কো আরঅ সাক্ষ্য-সিন্দুগোর মুজুঙোত্‌ রাগেই দে। ইয়েন্দোই তুই মঅ বিরুদ্ধে তারার্‌ বক্‌বক্‌ গরানাগান্ থামেই দি পারিবে, যিয়েনত্যে তারা আর ন-মুরিবাক।”

দ্বি’লম্বর বিররণ 10:5

সে পরেন্দি লগেপ্রভুর উগুম মজিম্‌ মুই মুড়োবোত্তুন্‌ তলেন্দি লামি এইনে মর্‌ বানেয়্যে সে সুন্দুক্কো ভিদিরে আরুগ্ দ্বিবে রাগেলুুং। সিগুন্‌ এজঅ সিয়েনত্‌ আগন্‌।”