যাত্রা 16:31 - Chakma Bible

³¹ ইস্রায়েলীয়গুনে সে হানাগানরে কদাক্‌ মান্না (যিয়েনর্‌ ভেদ্‌তান্ সিগুন্‌ কি?)। ইগুনোর্‌ চেঙেরাঙান্‌ এলঅ‌ বাগোর্‌ পাদা বিজি ধোক্ক্যেন আর চাদে ধুব্‌; তার্‌ সুয়োত্তান্‌ এলঅ‌ মধু দিয়্যে পিদে ধোক্ক্যেন।

যাত্রা 16:31 ပူးပေါင်းရင်းမြစ်များ

যাত্রা 16:14

যেক্কে সেই শিরো পানিগানি শুগেই গেলঅ‌ সেক্কে মাদিত্‌ মাছঅ চগলা ধোক্ক্যেন পাদল্‌ এক্‌ বাবোত্য জিনিস্‌ দেগা গেলঅ‌। সিয়েনি চাদে দেগা গেলদে পড়ি থেইয়্যে বরফ ধোক্ক্যেন।

যাত্রা 16:15

সিয়েনি দেগিনেই ইস্রায়েলীয়গুনে একজন আরেক্‌জনরে কলাক্‌, “ইগুন্‌ কি?” ইগুন্‌ যে কি, সিয়েন্‌ তারা ন-জানিদাক্। সেক্কে মোশি তারারে কলদে, “ইগুনোই‌ সেই রুটি যিগুন্‌ লগেপ্রভু তমারে হেবাত্তে দিয়্যে।

যাত্রা 16:30

সেনত্তে মানুচ্চুনে সাত্‌ দিনোত্‌ জিরেলাক্‌।

যাত্রা 16:32

পরেদি মোশি কলঅ‌, “লগেপ্রভুর উগুম্‌ গোজ্যেদে যেনে তুমি তমা বংশধরুনোত্ত্যেই এক ওমর পরিমাণ মান্না তুলি রাগঅ‌, যেনে তারা দেগন্‌ লগেপ্রভু মিসর দেজত্তুন্‌ তমারে নিগিলেই আনিবার্‌ পরেদি ধূল্যেচর বামত্‌ কি হেবার্‌ জিনিস্‌ তমারে হেবাত্যে দিয়্যে।”

পরমগীত 2:3

ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।