যাত্রা 16:28 - Chakma Bible

²⁸ সেক্কে লগেপ্রভু মোশিরে কলঅ‌, “আর কয়দিন তুমি মর্‌ উগুম্‌ আর হুকুম্‌ ন-মানিনেই চুলিবা?

যাত্রা 16:28 ပူးပေါင်းရင်းမြစ်များ

২ রাজাবলী 17:14

মাত্তর্‌ তারা সে কধানিলোই কান্‌ ন-পাদন্‌। তারার্‌ পূরোণিমানুচ্চুনে যিগুনে তারার্‌ গোজেন্‌ লগেপ্রভুর উগুরে বিশ্বেজ্ নঅ-গুরিদাক্‌, তারা ধোক্ক্যেন তারা একগেয়েমি গুরিদাক্‌।

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

গীতসংহিতা 106:13

মাত্তর্ তা কামানির কধা যাদিমাদি ভুলি গেলাক্; তারা তার সল্লা গুরিবাত্তে বাজ্জেই ন-থেলাক্।

গীতসংহিতা 78:10

তারা গোজেনর সুদোমানি ন-পালান্, তার সুদোম মজিম আদিবাত্যে তারা অস্বিগের্ গোজ্যন্।

গীতসংহিতা 78:22

কিত্তেই গোজেন উগুরে তারা বিশ্বেজ্ ন-গরন; তে যে তারারে উদ্ধোর্ গুরিবো সে কধানি তারা নির্ভর ন-গরন্।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 16:27

তো সাত্‌ দিনোত্‌ কয়েকজন মান্‌জ্যে সিয়েনি কুড়েবাত্যেই বারেদি গেলাক্, মাত্তর্‌ কিচ্চু ন-পেলাক্‌।

যাত্রা 16:29

চঅ, তমাত্তে জিরেবার্‌ এই সুদোমান্‌ তমা লগেপ্রভু গোজ্যে। সেনত্তে ছঅ দিনোত্‌ তে দ্বি দিনোর্‌ হানা তমাত্তে যুগেলেই দের্‌। সেনে সাত দিনোত্‌ তুমি কনজনে ঘরর্‌ বারেদি ন-যেবা, ভিদিরেই থেবা।”

যিশাইয় 7:13

সেক্কে যিশাইয় কলঅ, “দায়ূদ বংশর মানুচ্চুন্, তুমি শুনো। মান্‌জ্যর ধৈয্য পোরোক্ক্যে গরানা কি যগাজ্যে নয়? তুমি কি মঅ গোজেনর্ ধৈয্য পোরোক্ক্যে গুরিবা?

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিরমিয় 9:6

তুই ছলনার সংমোধ্যে বজত্তি গরর্। তঅ মানুচ্চুনে ছল্ ধোজ্জ্যন্; তারা মইধু নিজোরে গোজেই ন-দুয়োন।”

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

যিহিষ্কেল 20:16

তারা মর্ রীদি-সুদোমানি এলাফেলা গোজ্যন আর মর্ সুদোমানি অমান্য গোজ্যন আর মর্ দিয়্যে জিরেবার দিনুনোর পবিত্রতাগান রোক্ষ্যে ন-গরন্, কিত্তে তারার মনর্ টানান এলদে মূত্তিপূজো ইন্দি।

যিহিষ্কেল 5:6

মাত্তর্ তে তার ভান্ন্যেয়ত্তে মর্ সুদোমানি বিরুদ্ধে তা চেরোকিত্যে নানান্ জাদে আর দেজত্তুন্অ বেশ উল্লোমী গোজ্যস্। তে মর্ সুদমানি এলাফেলা গোজ্যে আর মানি ন-চলে।

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”