যাত্রা 16:10 - Chakma Bible

¹⁰ হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 16:10 ပူးပေါင်းရင်းမြစ်များ

যাত্রা 16:11

সেক্কে লগেপ্রভু মোশিরে কলঅ,

যাত্রা 24:16

আর সিনাই মুড়োবো উগুরে লগেপ্রভুর্‌ মহিমাগান ঠিগ্ ওই রলঅ‌। ছয়দিন সং মুড়োবো মেঘ চাক্কোই ঢাক্কে রলঅ। সে পরেন্দি সাত দিনোত্‌ সেই মেঘ ভিদিরেত্তুন্‌ লগেপ্রভু মোশিরে ডাগিলো।

লেবীয় 9:23

ইয়েনর্ পরেদি মোশি আর হারোণে মিলন-তাম্বুলো ভিদিরে গেলাক্। সিয়োত্তুন্‌ নিগিলি এইনে তারা মানুচ্চুনোরে আশিদ্‌বাদ গুরিলাক্‌। সেক্কে বেক্‌ মানুচ্চুনো মুজুঙোত্ লগেপ্রভুর্ মহিমাগান্ দেগা দিলো।

লেবীয় 9:6

মোশি সেক্কে তারারে কলঅ, “লগেপ্রভুর্ মহিমা যেন তমা মুজুঙোত্ ফগদাঙ্‌ পায়্‌ সেনত্তে তে তমারে এদক্কানি গুরিবার উগুম্‌ দিয়্যে।”

গণাণা 14:10

মাত্তর্‌ দলর বেক্কুনে যিহোশূয় আর কালেবরে পাত্তর্‌ মেলা দিইনে মারে ফেলেবার কধা কুয়া ধোজ্যন। সেক্কে মিলন-তাম্বুলোত্তুন বেক্‌ ইস্রায়েলীয়গুনোর্‌ মুজুঙোত্‌ লগেপ্রভুর মহিমা দেগা দিলো।

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

গণাণা 16:42

মাত্তর্‌ যেক্কে সমাজর্‌ বেক্‌ মানুচ্চুনে মোশি আর হারোণর বিপক্ষে এগত্তর্ ওইনে মিলন-তাম্বুলো ইন্দি ঘুরিনে থিয়্যেলাক্‌ সেক্কে অদাদৎ্‌ মিলন-তাম্বুলান সে মোক্ক্যেন্দি ঢাগি গেলঅ আর লগেপ্রভুর মহিমা ফুদি উদিলো।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”